Авторизация
 

Рызыку заразiцца каранавірусам зменшым да мiнiмуму

 Міністэрства аховы здароўя зацвердзіла рэкамендацыі па прафілактыцы каронавіруса для арганізацый, прадпрыемстваў і ўстаноў. Яны накіраваны на зніжэнне рызыкі распаўсюджання інфекцыі і захаванне здароўя насельніцтва ва ўмовах пандэміі.

 

Перш за ўсё ўстаноўленыя правілы маюць дачыненне да работнікаў і наведвальнікаў камерцыйных і некамерцыйных арганізацый, прадпрыемстваў, устаноў, індывідуальных прадпрымальнікаў, але іх могуць узяць на заметку суб’екты гаспадарання ўсіх форм уласнасці. У прыватнасці, наймальнікі пры магчымасці і з пісьмовай згоды супрацоўнікаў павінны перавесці як мага больш людзей на дыстанцыйную работу ці прадугледзець гнуткі графік. На ўдалёнку першай справай накіроўваюцца асобы з груп рызыкі. У працоўных калектывах належыць абмежаваць правядзенне сходаў, семінараў, канферэнцый з колькасным складам звыш пяці чалавек. Лепш аддаваць перавагу відэа- і тэлеканферэнцыям, электроннай пошце, тэлефоннай і факсімільнай сувязі. Варта пачакаць з камандзіроўкамі, асабліва ў краіны з небяспечнай эпідабстаноўкай па каронавірусу. Рэкамендавана забараніць візіты чужых асоб без неабходнасці на прадпрыемствы і ў арганізацыі.

 
Працоўныя калектывы павінны быць забяспечаны месячным запасам сродкаў індывідуальнай абароны, дэзынфектантамі і антысептыкамі з абавязковым своечасовым папаўненнем запасу і кантролем за правільным іх выкарыстаннем. Перад пачаткам працоўнага дня кожнаму супрацоўніку належыць прайсці праз так званы ўваходны фільтр, што мае на ўвазе тэрмаметрыю і ацэнку стану здароўя на наяўнасць прыкмет рэспіраторнай інфекцыі.

 
Пры ўборцы памяшканняў трэба апрацоўваць дзвярныя ручкі, парэнчы, камп’ютарныя клавіятуры і мышкі, тэлефоны, іншыя кантактныя паверхні, рэгулярна праводзіць дэзынфекцыйныя мерапрыемствы ў месцах агульнага карыстання і праветрываць памяшканні.
У рамках сацыяльнага дыстанцавання неабходна на чвэрць скараціць кантакты на рабоце. Для гэтага па магчымасці варта мінімізаваць прамое ўзаемадзеянне паміж структурнымі падраздзяленнямі, арганізаваць работу ў некалькі змен, размясціць супрацоўнікаў па асобных кабінетах.

 
У аб’ектах грамадскага харчавання столікі павінны расстаўляцца з дыстанцыяй не менш за паўтара метра, пераважна выкарыстоўваць аднаразовыя посуд і прыборы. Абслугоўваючы персанал павінен працаваць у масках ці ахоўных шчытках і пальчатках. Аказанне паслуг па курэнні кальянаў у кафэ і рэстаранах пакуль спыняецца.

 
У магазінах і на рынках прадукты павінны рэалізоўвацца ўпакаванымі. У залах самаабслугоўвання пакупнікам дазваляецца самастойная фасоўка толькі тавараў ва ўпакоўцы вытворцы (напрыклад, цукерак), свежых фруктаў і агародніны, якія можна памыць перад ужываннем.
Пры дастаўцы тавараў на дом варта прадугледзець анлайн-аплату за заказ і дастаўку да дзвярэй, каб пазбегнуць кантакту кур’ера са спажывальнікам.

 
У цырульнях, салярыях, пральнях і іншых прадпрыемствах бытавога абслугоўвання, а таксама ў спартыўных установах, банках, на пошце аказваць паслугі насельніцтву павінны пераважна па папярэднім запісе з інтэрвалам паміж кліентамі не менш за 5 – 10 хвілін. Пры наяўнасці яўных сімптомаў ВРІ наведвальніку маюць права адмовіць у паслузе.

 
Шэраг правіл абазначаны для саун, басейнаў, аквапаркаў, аэрапортаў, кінатэатраў і іншых аб’ектаў з масавым знаходжаннем людзей.
Рэкамендацыі не распаўсюджваюцца на ўстановы аховы здароўя, адукацыі, сацыяльнага абслугоўвання насельніцтва, выпраўленчыя, воінскія часці, ваенныя навучальныя ўстановы і арганізацыі Узброеных Сіл, падраздзяленні МНС, МУС, КДБ, дзе дзейнічаюць асобныя патрабаванні да санэпідрэжыму. З поўным пералікам рэкамендацый можна азнаёміцца на сайце Міністэрства аховы здароўя Беларусі.

 
Па матэрыялах друку.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 14 апреля 2021
Ефим, Иван, Макар, Сергей, Мария

Именины 13 апреля 2021
Вениамин, Иван, Иннокентий, Иосиф, Анна

Госці краін

free counters
Партнеры сайта