Авторизация
 

Праект "Я бачу!" дзейнічае на Міёршчыне

 Праект «Я бачу!» у нашым раёне пачаўся з Узмёнскай яслі-сад – базавай школы. За работай медыкаў назірала карэспандэнт раённай газеты.

Мабільная брыгада дабрачыннага праекта працуе ў Міёрскім раёне з 3 па 16 верасня. Правераць зрок у 619 школьнікаў.

Радкі табліцы

Класны кабінет. За партамі другакласнікі. Ля дошкі – медыцынская сястра Полацкай дзіцячай паліклінікі Галіна Казанцава. Па чарзе правярае зрок у школьнікаў.


 – «Б», «М», «Ш», «К»… – называюць дзеці літары, на якія ўказвае медработнік.
Адны без праблем чытаюць ніжнія радкі табліцы, у некаторых узнікаюць цяжкасці.
– Як правіла, у пачаткоўцаў зрок лепшы, чым у вучняў сярэдніх і старэйшых класаў, – заўважае Галіна.
Словы медыка пацвярджаюць вынікі агляду. З чатырох другакласнікаў толькі ў адной вучаніцы горш стала бачыць левае вока. Дзяўчынцы падарылі памятку з практыкаваннямі для вачэй.


На парце – чамадан з мноствам лінзаў. Яны патрэбны, каб правільна падабраць акуляры для дзіцяці. Пры неабходнасці доктар выпісвае рэцэпт.
Некаторыя ўзмёнскія вучні яго атрымалі.

 Глядзім на носік чабурашкі
і… удалячынь

Дзіцячы ўрач-афтальмолаг з Полацка Валянціна Хамякова прымае ў школьным музеі. У памяшканні цёмна, гарыць толькі лямпачка на стале.


Доктар бярэ ў рукі невялікі прыбор, становіцца на адлегласці метра ў паўтара ад пацыента і просіць глядзець на носік чабурашкі. Так называе малюнак на экране апарата. Націскае на кнопку, раздаецца нямоцны гук.


– Прыбор называецца аўтарэфрактометр. З яго дапамогай вызначаем, патрэбны акуляры або не. Якаснае сучаснае абсталяванне прадастаўлена Беларускім дзіцячым фондам на дабрачыннай аснове, – тлумачыць урач. – Ліст з нашымі рэкамендацыямі занясуць у медыцынскія карты школьнікаў.


Парады ўрача індывідуальныя. Адным дастаткова практыкаванняў для вачэй, іншым трэба насіць акуляры. Некаторым праз паўгода варта зноў праверыцца.


– Цяпер шмат школьнікаў з дрэнным зрокам. Галоўная прычына – гаджаты, – канстатуе Валянціна Хамякова. – Вока дзіцяці фарміруецца, і калі на яго падае празмерная нагрузка ад манітораў, пачынаюцца праблемы. Для добрага зроку трэба шмат глядзець удалячынь. Карысныя гульні на свежым паветры. Аднак дзеці куды больш часу бавяць у тэлефонах і за камп’ютарамі.


 Па словах урача-афтальмолага, вучням-пачаткоўцам можна праводзіць за гаджатамі не больш за 15 хвілін у дзень. У сярэдніх класах – 20 – 25 хвілін, старшакласнікам – гадзіну з перапынкамі. Наўрад ці хто прытрымліваецца гэтых часавых рамак.


На прыёме шасцікласніца. У дзяўчынкі пачынае развівацца блізарукасць.
– Палепшыць ужо нельга, але можна зберагчы, што ёсць, – заўважае доктар і рэкамендуе рабіць урокі з перапынкамі і старацца абыходзіцца без камп’ютара.

ДЛЯ ДАВЕДКІ
Дабрачынны праект «Я бачу!» рэалізуецца Беларускім дзіцячым фондам і кампаніяй А1 пры падтрымцы Міністэрства аховы здароўя з 2016 года. Яго мэта – дыягнаставаць стан зроку і дапамагчы дзецям з сельскай мясцовасці. Віцебская вобласць – чацвёрты ахоплены праектам рэгіён. Раней прайшлі агляды школьнікі з Магілёўскай, Гомельскай і Брэсцкай абласцей.

У ТЭМУ
Разам з рэкамендацыямі па доглядзе за вачыма школьнікі атрымалі сувенірную прадукцыю праекта «Я бачу!» – каляндарыкі, магніцікі і наклейкі.

Фотаматэрыял аўтара.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 448
  • 0

Інвестыцыйны форум

  • 23 сентябрь 2011, 10:05
  • 81 479
  • 1

Злавілі рыбку, ды… залатую

  • 28 февраль 2011, 16:16
  • 62 118
  • 0

Пераброддзе 2012. Погляд вучонага

  • 31 август 2012, 15:19
  • 40 947
  • 0

  • 11 февраль 2011, 11:20
  • 39 625
  • 0

Кандыдатамі жадаюць стаць

  • 21 август 2012, 15:30
  • 36 131
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 200
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 сентября 2019
Александр, Алексей, Глеб, Давид, Ефим, Захар, Максим, Федор, Елизавета, Ираида, Раиса, Афанасий

Именины 17 сентября 2019
Александр, Василий, Григорий, Иван, Митрофан, Михаил, Моисей, Николай, Павел, Петр, Степан, Федор, Юлиан, Елена

Госці краін

free counters
Партнеры сайта