Авторизация
 

Гемафілія – спадчыннае захворванне

 Гемафілія – спадчыннае захворванне. Характэрна для прадстаўнікоў мужчынскага полу, да яе схільныя ўсе расы і сацыяльныя групы. У народзе хваробу называюць “вадкая кроў”. І сапраўды, яе склад паталагічны, таму парушаецца здольнасць да згортвання. Маленькая драпіна – і кровацячэнне не спыніць.

Але гэта знешнія праявы. Нашмат цяжэйшыя ўнутраныя, якія адзначаюцца ў суставах, страўніку, нырках. Кровазліцці ў іх могуць адбывацца нават без пабочнага ўздзеяння і цягнуць небяспечныя наступствы. За згусальнасць крыві адказваюць 12 асноўных бялкоў, якія павінны прысутнічаць у пэўнай канцэнтрацыі. Калі аднаго з іх няма, гэта правакуе хваробу.


Прычына гемафіліі хаваецца ў прыроджаным гене. Яго носьбіт – жанчына, прычым здаровая. І неабавязкова ўсе яе дзеці захварэюць. Верагоднасць – 50 : 50 – павышаецца, калі хворы бацька. Дзяўчынкі абавязкова становяцца носьбітамі гена гемафіліі.


Сімптомы могуць праяўляцца ўжо пры нараджэнні, або толькі з часам. Кровацячэнне адкрываецца без яўных прычын. Нярэдка дзіця нараджаецца з падцёкамі з носа, вачэй, пупа і спыніць іх цяжка.


Гемафілія праяўляецца вялікімі ацёчнымі гематомамі ад нязначнага ўздзеяння (напрыклад, націскання пальцам). Могуць паўтарыцца кровацячэнні з быццам ужо зажыўленай раны. Пакутуюць нос, дзясны. Ідуць кровазліцці ў суставы. Сляды крыві прысутнічаюць у мачы і кале. Аднак гэта неабавязкова сведчыць пра гемафілію, таму неабходна праводзіць дадатковыя даследаванні.


Хвароба невылечная. Не прыдумалі яшчэ спосаб прымусіць арганізм выпрацоўваць патрэбныя бялкі, калі ён не ўмее рабіць гэтага з нараджэння. Але сучасная медыцына дазваляе падтрымліваць узровень, пры якім можна жыць амаль нармальна.


Важна: хворае дзіця павінна заўсёды мець пры сабе пашпарт гемафіліка. У ім указваюцца тып немачы, група крыві, рэзус-фактар, а таксама інфармацыя аб прынцыпах аказання неадкладнай дапамогі. Бацькі павінны трымаць побач запас фактара згортвання, якога не хапае, паказваць дзіця гематолагу, артапеду, траўматолагу.

Фота для ілюстрацыі.
Ганна ЕРАФЕЕВА,
урач-гінеколаг ЦРБ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 14 апреля 2021
Ефим, Иван, Макар, Сергей, Мария

Именины 13 апреля 2021
Вениамин, Иван, Иннокентий, Иосиф, Анна

Госці краін

free counters
Партнеры сайта