Авторизация
 

Прафесійнае свята адзначылі медсёстры Міёршчыны

 Прафесійнае крэда супрацоўнікаў прыёмнага пакоя ЦРБ можна акрэсліць так — прафесійна, зладжана, з гумарам. Шмат чаго чуюць у свой адрас медыцынскія сёстры і малодшы медперсанал прыёмнага пакоя. Кампліменты, папрокі, удзячнасці, пагрозы, нават прапановы рукі і сэрца. Добрыя словы саграваюць, да грубасці навучыліся ставіцца з усмешкай. Самае важнае — якасна і зладжана рабіць сваю справу.

ЯК тэатр пачынаецца з вешалкі, так бальніца — з прыёмнага пакоя, заўважае старшая медсястра Жанна Бібік. Сюды прывозіць хворых і пацярпелых машына хуткай дапамогі і дастаўляюць нецвярозых парушальнікаў праваахоўнікі. Адсюль пачынаецца шпіталізацыя на стацыянар. Тут, перш чым адправіцца ў рэйс, праходзяць медагляд вадзіцелі прадпрыемстваў і арганізацый. Гэта аддзяленне, у якім, па меркаванні яго супрацоўнікаў, не абысціся без камунікабельнасці, псіхалагічнай устойлівасці, цярплівасці і гумару.


— Наш калектыў невялікі, усяго восем чалавек. Дружныя, згуртаваныя. Ведаем свае абавязкі, стараемся выконваць іх на належным прафесійным узроўні. Стаж работнікаў ад пяці і за трыццаць год. Усе медсёстры маюць вышэйшую катэгорыю. Перыядычна яе пацвярджаюць, — расказвае Жанна Генадзьеўна. — У змену дзяжураць медыцынская сястра і санітарка. Заступаем на дванаццаць гадзін. У сярэднім за дзяжурства дзесяць зваротаў. Бывае больш і наадварот.


РОЗНЫЯ прычыны прыводзяць у прыёмны пакой. Высокі ціск, болі ў сэрцы, траўмы і іншыя. Бінтуюць дзецям пабітыя калені, выдаляюць кляшчоў у аматараў ціхага палявання, рыхтуюць хворых да аперацыі. Складана ўявіць, як стройныя санітаркі нясуць пацыента на насілках на трэці паверх.


— Мы і самі не ведаем, адкуль сілы бяруцца, — кажуць яны. — Калі час ідзе на хвіліны, думаеш толькі пра тое, як выратаваць чалавека.
Напрыклад, у дзень нашай сустрэчы шпіталізавалі хворага на прабадную язву. Аперацыя прайшла паспяхова. Прывозілі на медагляд нецвярозага міліцыянеры. Такіх выпадкаў у практыцы нямала. Як і звязаных з імі гісторый, якія набываюць анекдатычнае адценне.
— Кожная з нас памятае сваё першае сутыкненне з грубасцю, першы выпадак, калі не паспелі дапамагчы, першыя словы ўдзячнасці, — заўважае Жанна Бібік. — У любой сітуацыі трэба дзейнічаць прафесіянальна, хутка, зладжана. Умець знаходзіць падыход да пацыентаў. З аднымі трэба пажартаваць, з іншымі трымацца сур’ёзна. Галоўнае — любіць сваю справу.


СА СЛОВАМІ старшай медсястры пагаджаюцца калегі — медсёстры Жанна Яроменак, Аксана Паўлюканец, Святлана Шаўлюга і малодшы медперсанал Вольга Савуць, Ганна Бунта, Ірына Крук і Ганна Драпеза. Ім камфортна працаваць поруч. У калектыве адчуваецца пазітыўная сяброўская атмасфера. Гатовы падставіць адна адной плячо і на працы, і ў вырашэнні іншых праблем. Ходзяць разам у лес па грыбы і ягады, ладзяць пікнікі на прыродзе, дзеляцца рэцэптамі нарыхтовак на зіму. Словам, і за сценамі бальніцы застаюцца дружнай камандай.


ПРЫЁМНЫ ПАКОЙ трымае цесную сувязь з іншымі аддзяленнямі бальніцы. Яго супрацоўнікі перадаюць калегам віншавальнае прывітанне, жадаюць моцнага здароўя і працоўных поспехаў. Словы ўдзячнасці адрасуюць адміністрацыі за разуменне, падтрымку і магчымасць заставацца ў добрай прафесійнай форме. 

Фота аўтара.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 475
  • 0

Інвестыцыйны форум

  • 23 сентябрь 2011, 10:05
  • 55 157
  • 1

Пераброддзе 2012. Погляд вучонага

  • 31 август 2012, 15:19
  • 24 245
  • 0

Кандыдатамі жадаюць стаць

  • 21 август 2012, 15:30
  • 24 242
  • 0

  • 11 февраль 2011, 11:20
  • 23 110
  • 0

Злавілі рыбку, ды… залатую

  • 28 февраль 2011, 16:16
  • 20 874
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 472
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 мая 2018
Александр, Иосиф, Кирилл, Константин, Михаил, Ростислав

Именины 23 мая 2018
Василий, Кирилл, Таисия

Госці краін
free counters
Партнеры сайта