Авторизация
 

У "Свіслач", "Чабарок" і Місхор з Міёр на аздараўленне

 Для юных жыхароў нашага раёна з Прадстаўніцтва "Віцебскае абласное ўпраўленне Рэспубліканскага Цэнтра па аздараўленні і санаторна-курортным лячэнні насельніцтва" паступілі пуцёўкі ў санаторыі "Свіслач", "Чабарок" і "Белоруссия".

У "Свіслач" могуць накіравацца двое дзетак школьнага ўзросту. Адна пуцёўка — з 20 студзеня да 9 лютага, другая — з 7 да 27 сакавіка. Санаторый размешчаны на тэрыторыі Асіповіцкага раёна Магілёўскай вобласці ў 300 метрах ад ракі Свіслач, у асяроддзі змешанага лесу. Гэта шматпрофільная лячэбна-прафілактычная ўстанова, прызначаная для аздараўлення дзяцей ад 7 да 15 гадоў пераважна прыроднымі сродкамі (мясцовая мінеральная вада, лячэбныя гразі, клімат і інш.) у спалучэнні з апаратнай фізіятэрапіяй, лячэбным харчаваннем, спартыўнымі гульнямі, гімнастыкай, дазіраванай хадзьбой і інш. Профіль лячэння: захворванні органаў дыхання, стрававання і сістэмы кровазвароту. Пуцёўкі бясплатныя.


 Санаторый "Чабарок" з 3 да 23 лютага чакае матулю і дзіця. Поўны кошт дарослай пуцёўкі—714 рублёў. Але жанчыне, якой паводле прадастаўленай медыцынскай даведкі таксама патрабуецца лячэнне, давядзецца заплаціць толькі 15% ад сумы. Лячэнне і аздараўленне непаўналетніх бясплатнае. Размешчаны санаторый у Баранавіцкім раёне Брэсцкай вобласці каля вадасховішча Паўлінава і возера Алімпійскага. На тэрыторыі ўстановы растуць хвоя, бяроза, елка, рабіна, туя, ядловец.


Профіль лячэння: парушэнні абмену рэчываў, захворванні органаў дыхання, апорна-рухальнага апарата, сардэчна-сасудзістай, нервовай сістэм.


Для маці і дзіцяці ёсць таксама пуцёўкі ў санаторый "Белоруссия" у Місхоры (15 кіламетраў ад Ялты) з 3 да 24 лютага. Кошт дарослай пуцёўкі — 1338 рублёў. Для маці, якая разам з дзіцяці будзе праходзіць лячэнне і аздараўленне, сума зменшыцца на 75%.
Місхор — самае папулярнае і камфортнае месца на Паўднёвым беразе Крыма на ўзбярэжжы Чорнага мора з унікальнай лячэбнай базай і кліматам. Спрыяе найлепшым чынам лячэнню захворванняў органаў дыхання.


За даведкамі наконт пуцёвак звяртайцеся да спецыяліста па санаторна-курортным лячэнні насельніцтва Юліі Блажэвіч (кабінет №3 у райвыканкаме на першым паверсе; рэжым работы — з 9.00 да 13.00; тэлефоны — 4 15 21 ці 645 11 03 (МТС).


Падрыхтавала Эліза БЛАЖЭВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 мая 2021
Василий, Марк, Сергей

Именины 7 мая 2021
Алексей, Валентин, Иннокентий, Иосиф, Леонтий, Николай, Сергей, Елизавета

Госці краін

free counters
Партнеры сайта