Авторизация
 

Фельчар хуткай дапамогі Валянціна Варона з Дзісны

 У дзісенскага фельчара хуткай дапамогі Валянціны Варона чамаданчык з медыкаментамі заўсёды напагатоў. Там лекі ад сэрца, ціску… і ўсё, чым можна адразу зняць боль. Больш выклікаў паступае ноччу. 

Па-першае, тады не працуюць амбулаторныя ўстановы. А па-другое, у позні час сутак немачы абвастраюцца. Хуценька сабрацца і рушыць у шлях, часцей далёкі — для Валянціны Станіславаўны звычайна. Яна любіць экстрым і атрымлівае зарад, калі тэрмінова ратуе чалавека.

Гэтым займацца Валянціна марыла з дзяцінства. Ніякія прафесіі і побач не стаялі з той, якая выклікае ў крыві адрэналін. Дабрацца да пацыента і не марудзіць ні долі секунды. Жыццё ператвараецца ў імклівую калясніцу, калі толькі паспяваеш ухапіць глыток паветра. Пасля школы дзяўчына скончыла Полацкае медвучылішча. За поспехі ў вучобе другой па чарзе выбірала размеркаванне. Думала нядоўга і спынілася на Дзісне. "Дзе нарадзілася, там і спатрэблюся", — заключыла выпускніца і стала фельчарам хуткай дапамогі ў дзісенскай бальніцы сястрынскага догляду. Яе 35-гадовы стаж цяпер самы вялікі сярод каляжанак.


У радыусе абслугоўвання мясцовага аддзялення хуткай дапамогі дзісенская, язненская, туркоўская тэрыторыі, таму шлях да пацыента можа доўжыцца да 40 кіламетраў у адзін бок. У "баявым" арсенале — УАЗік, якім кіруе муж Валянціны. За "абаранкам" ён больш за 40 гадоў, таму ніякія віражы не страшныя.


Усяго ў аддзяленні хуткай дапамогі чатыры фельчары. Дзяжураць суткамі, кожную змену — 4,5,8 і больш выклікаў. Званок спачатку паступае ў раённае аддзяленне, адтуль спецыялісты "падымаюць на ногі" тэрытарыяльную хуткую дапамогу. У нашым раёне, акрамя цэнтральнай, яна толькі адна. З 2012-га года ў дзісенскім аддзяленні застаўся адзін пост, бо менее народу. Тым не менш у зоне абслугоўвання 6300 чалавек, большая частка пажылых. Але не кантынгент, а ўсё-ткі яго колькасць уплывае на інтэнсіўнасць выклікаў, бо боль не выбірае. Ёсць пацыенты, якія ў "хуткую" прыходзяць самі, тут ім без чаргі памераць ціск і паставяць папярэдні дыягназ. Пэўныя "кадры" звяртаюцца на "103" ад суму.


Работа ў фельчара не для слабанервных. За вялікую практыку Валянціна Варона паспытала многае. Тэрмінова прымала роды дома або ў машыне. Усе немаўляткі выйшлі на свет здаровенькімі. Маім пытаннем — ці баіцца крыві? — шчыра здзіўлена. Шмат выязджала на аварыі, бачыла трупы, канстатавала смерці, аказвала экстраную дапамогу. У памяці страшныя здарэнні. Аднойчы хлопчык пераблытаў блёкат з макам і моцна ім атруціўся. А іншага малога скруціла сутарга ад удару арэляў, якія трапілі ў скронь. У цяжкіх выпадках пасля экстранай фельчарскай дапамогі хворых шпіталізуюць у райцэнтр. Часам на гэта няпроста наважыцца, бо ці перанясе слабы пацыент 40 кіламетраў дарогі. Часам калдобістай.


Валянціна Варона стараецца правільна ставіць дыягназы, а лёсавызначальных памылак, якія б паўплывалі на стан пацыента, у сваёй практыцы не памятае. Тым не менш у фельчара толькі рукі і вочы. Напрыклад, цяжка адрозніць без тэхнікі апендыцыт і язву. Дакладна пацвердзіць хваробу толькі апаратура.


"У медыцынскай практыцы важней за ўсё вопыт",-- гледзячы на савецкі кнопачны тэлефон, рэзюмуе Валянціна Станіславаўна. Застаецца толькі здагадвацца, колькі за ўвесь час яна прыняла тэлефанаванняў, колькі праімчала кіламетраў, аказала дапамогі і выратавала жыццяў. За старанні і адданасць прафесіі яна тытулавана Жанчынай года Міёршчыны. "Прыемна і нечакана", — дзеліцца ўражаннямі дзісенка, прызванне якой — лячыць…

Алена БАСІКІРСКАЯ.

Фота аўтара. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 621
  • 0

Злавілі рыбку, ды… залатую

  • 28 февраль 2011, 16:16
  • 94 692
  • 0

Інвестыцыйны форум

  • 23 сентябрь 2011, 10:05
  • 90 632
  • 1

  • 11 февраль 2011, 11:20
  • 43 622
  • 0

Пераброддзе 2012. Погляд вучонага

  • 31 август 2012, 15:19
  • 42 719
  • 0

Кандыдатамі жадаюць стаць

  • 21 август 2012, 15:30
  • 36 760
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 декабря 2020
Адриан, Александр, Валентин, Вениамин, Геннадий, Герасим, Григорий, Денис, Дмитрий, Иван, Игнатий, Иларион, Константин, Леонид, Михаил, Петр, Порфирий, Сергей, Тимофей, Федор, Яков, Семен

Именины 1 декабря 2020
Николай, Платон, Роман

Госці краін

free counters
Партнеры сайта