Авторизация
 

Мадэрнізацыя інфекцыйнага аддзялення ў Міёрах

Алена БАСІКІРСКАЯ

Фота Казіміра БЛАЖЭВІЧА

 

Інфекцыйнае аддзяленне цэнтральнай раённай бальніцы капітальна абнавілася, пацыенты тут лечацца з камфортам. На рамонт асвоена 160 тысяч рублёў. Грошы выдзелены з абласнога, раённага бюджэтаў. Спонсарскую дапамогу аказалі лінейная вытворчая дыспетчарская станцыя "Дзісна", міёрская перасоўная механізаваная калона-55, жыллёва-камунальная гаспадарка раёна, прадпрыемства меліяратыўных сістэм. Выдзеліў сродкі раённы выканаўчы камітэт. Галоўны ўрач Алена Сівая шчыра дзякуе мясцовай уладзе, кіраўнікам названых устаноў за падтрымку і вялікі ўдзел у агульнай важнай справе. 

 

У аддзяленні заменены вокны, дзверы, сантэхніка, электрыка, выкладзены пліткай сцены і падлога, абабіта сайдынгам столь. Тут з'явіліся новыя ложкі, тумбачкі, сталы для пацыентаў, абсталяваны пакой для адпачынку работнікаў.


Рамонт доўжыўся тры месяцы. Але пацыенты і персанал нязручнасцяў амаль не адчулі. Ужо праз месяц яны змаглі зноў па-звыкламу працаваць і лечыцца ў сваіх апартаментах. Паралельна будаўнікі працягвалі рамонт, і цяпер даводзяць справу да лагічнага завяршэння. Асноўныя клопаты леглі на плечы спецыялістаў з ПМК-55, сантэхніку замяніла жыллёва-камунальная гаспадарка, паддоны з душам узяла на сябе гаспадарчая брыгада бальніцы. Спецыялісты з ЦРБ замянілі і электрыку.


Алена Сівая расказвае, што ў аддзяленні памянялася амаль усё. Засталіся толькі сцены звонку. Што да знешняга фасаду, то тут прыйдзецца прыкласці намаганні. Абнавіць ганак, прыступкі, абшыць будынак—так стане цяплей і прыгажэй. "На наступны год,—уводзіць у курс справы Алена Фёдараўна,—плануем адрамантаваць другі паверх".


Калектыў у інфекцыйным аддзяленні—пяць медсясцёр, столькі ж санітарак, буфетчыца, сястра-гаспадыня. Пакуль загадчыца Таццяна Масла ў дэкрэтным водпуску, хворых лечаць тэрапеўт і педыятр. Многа клопату кладзецца на плечы старшай медсястры Наталлі Кавалеўскай.


У аддзяленні абнавіўся нават тэхнічны інвентар, з'явіліся новыя кушэткі, шафы… Справа за малым—засталося замяніць шыльдачкі на памяшканнях і завяршыць некаторыя дробныя работы. Яшчэ адным прыгожым аб'ектам у раёне стала больш!

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 625
  • 0

Злавілі рыбку, ды… залатую

  • 28 февраль 2011, 16:16
  • 94 842
  • 0

Інвестыцыйны форум

  • 23 сентябрь 2011, 10:05
  • 90 656
  • 1

  • 11 февраль 2011, 11:20
  • 43 635
  • 0

Пераброддзе 2012. Погляд вучонага

  • 31 август 2012, 15:19
  • 42 720
  • 0

Кандыдатамі жадаюць стаць

  • 21 август 2012, 15:30
  • 36 764
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 4 декабря 2020


Именины 3 декабря 2020
Александр, Алексей, Анатолий, Арсений, Василий, Владимир, Григорий, Емельян, Иван, Иларион, Иосиф, Исаакий, Макар, Николай, Анна, Татьяна, Фекла

Госці краін

free counters
Партнеры сайта