Прафкамітэтам даручана на сваіх пасяджэннях разгледзець увесь комплекс арганізацыйных пытанняў у гэтым напрамку. А яны пачынаюцца з распрацоўкі ўмоў па аплаце працы і стымулявання лепшых работнікаў, умоў працоўнага саперніцтва. Пра гэтыя пытанні трэба праінфармаваць усіх удзельнікаў веснавой сяўбы, звярнуць іх увагу на цесную залежнасць будучага заробку ад захавання тэхналагічнай і працоўнай дысцыпліны.
Вынікі работы на веснавых палях будуць падводзіцца штодзённа. Узнагароджанне лепшых працаўнікоў плануем праводзіць непасрэдна на рабочых месцах. Як і раней, для гэтага выкарыстаем выпрабаваны арсенал—граматы, пісьмы-падзякі, прэміі і падарункі, уздым сцягоў.
Прафкамы і іх старшыні абавязаны строга сачыць за захаваннем патрабаванняў па ахове працы, за своечасовым правядзеннем інструктажоў па ТБ з механізатарамі і іншымі работнікамі на пасяўной, за наяўнасцю сродкаў індывідуальнай абароны, аптэчак, стварэннем санітарна-бытавых умоў, захаваннем мер бяспекі пры рабоце з хімікатамі. Адказная роля ва ўсім гэтым належыць грамадскім інспектарам па ахове працы.
Няспраўнай тэхніцы і нецвярозым работнікам—не месца на полі.
Ва ўсіх гаспадарках ужо вылучаны ключавыя пытанні арганізацыі харчавання ўдзельнікаў сяўбы: выдзелены для дастаўкі страў на поле транспарт, замацаваны за ім вадзіцелі, вызначаны месцы прыгатавання ежы і падабраны повары.
Ацэнку намаганням прафсаюзнага актыву дасць веснавое поле.
Леанід ХАХЕЛЬ,
старшыня РК прафсаюза
работнікаў АПК.
Прэзідыум раённай арганізацыі прафсаюза работнікаў аграпрамысловага комплексу на чарговым сакавіцкам пасяджэнні разгледзеў пытанне "Аб задачах прафсаюзных арганізацый па ўдзеле ў падрыхтоўцы і правядзенні вясенне-палявых работ 2016 года". Вырашана забяспечваць галоснасць вынікаў напружанай працы і расказваць пра перадавікоў на старонках раённай газеты.
Ближайшие праздники Беларуси
Ближайшие православные праздники
Ближайшие католические праздники
для слабовидящих 
