Авторизация
 

Аддзяленне “Белаграпрамбанка” аказвае ўсебаковую, а галоўнае—пастаянную падтрымку арганізацыям аграпрамысловага комплексу. Мы імкнёмся не проста максімальна задаволіць патрэбы кліентаў у фінансавых сродках, але і садзейнічаем больш хуткім узаемаразлікам паміж імі. Пры гэтым крэдытныя ўкладанні сёлета павялічыліся на 19,7 млрд. рублёў і дасягнулі 129,1 мільярда, у гэтай суме доля арганізацый АПК займае каля 80%.
Ажыццяўляем крэдытную падтрымку ў рэалізацыі рашэнняў прэзідэнта і ўрада. Пастаянна фінансуем веснавыя палявыя работы, выдзяляем крэдыты на набыццё насення, гаруча-змазачных матэрыялаў, мінеральных угнаенняў, сродкаў абароны раслін, запасных частак. Не застаёмся ў баку ад арганізацыі жніва, рамонту тэхнікі, выплаты заработнай платы.

У адпаведнасці з указам №332 забяспечвалі будаўніцтва буйной малочнатаварнай фермы ў СВК “Цвеціна” на 762 галавы. А гэта 14,5 мільярда рублёў. Крэдыт у 26 мільярдаў рублёў спатрэбіцца на ўзвядзенне падобнага аб’екта ў СВК “Пад’ельцы”. А яшчэ на рэканструкцыю, тэхнічнае перааснашчэнне і рамонт сельскіх вытворчых аб’ектаў накіравана 20,5 мільярда. Агульная сума крэдытаў на будаўніцтва жылля на вёсцы склала 48,6 мільярда, у выніку з’явіліся чатыры сотні дамоў.

Банк ажыццяўляе фінансаванне прадпрыемстваў, якія перапрацоўваюць сельскагаспадарчую прадукцыю. На наш крэдыт у 6,8 мільярда рублёў камбікормавы завод вёў нарыхтоўку збожжа летась. Сёлета на гэтыя ж мэты прадпрыемству, а яшчэ льнозаводу спатрэбілася 6,5 мільярда. Значныя сродкі накіраваны на фінансаванне мясакамбіната—19,3 мільярда, прадпрыемстваў спажыўкааперацыі—2,1 мільярда, будаўнічай галіны—2,6 мільярда.

Значны ўклад аддзялення банка ў рознічны бізнес. Прырост забяспечаны па сродках фізічных асоб. Ён склаў 1,7 мільярда рублёў і дасягнуў 8,2 мільярда. На мільярд выраслі крэдыты фізічным асобам, а ўсяго ім выдзелена 2,4 мільярда рублёў.

“Белаграпрамбанк” займаецца стымуляваннем развіцця асабістых падсобных гаспадарак. Для іх мы выдзяляем крэдыты на тэрмін да сямі гадоў пад 5% гадавых у безнаяўнай форме. Мінімальная сума 500 тыс. рублёў, максімальная—60 мільёнаў. А ўсё залежыць ад плацёжаздольнасці. Патрэбен толькі адпаведны пакет дакументаў.

Прадастаўляем крэдыты на нерухомасць, спажывецкія патрэбы. Адным словам, цеснае супрацоўніцтва суб’ектаў гаспадарання і жыхароў Міёршчыны з аддзяленнем нашага банка дазваляе раёну пастаянна ўдасканальвацца і ўмацоўваць уласную прыцягальнасць.

А. ДУБРОЎСКАЯ,
упраўляючая аддзялення
“Белаграпрамбанка”.
рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 29 сентября 2021
Алексей, Виктор, Григорий, Иосиф, Сергей, Людмила

Именины 28 сентября 2021
Андрей, Виссарион, Герасим, Григорий, Дмитрий, Иван, Игнатий, Иосиф, Леонид, Макар, Максим, Никита, Николай, Петр, Порфирий, Степан, Федот, Евдокия, Людмила, Мария, Яков, Семен

Госці краін

free counters
Партнеры сайта