Авторизация
 

РУП “Полацкі цэнтр стандартызацыі, метралогіі і сертыфікацыі” сёлета ў другім квартале праверыў у ААТ “Міёрскі мясакамбінат” стан сродкаў вымярэння пры кантролі сыравіны і гатовай прадукцыі, уліку вады, прыроднага газу, электрычнай энергіі. Выяўлена, што за 2009-2010 гады на прадпрыемстве не кантралявалася ўтрыманне дыаксінаў у мясе ў тушах і паўтушах; масавай доля тлушчу, бялку і фосфару ў крывяных каўбасах; тлушчу і кухоннай солі ў мясным фаршы “Апетытны”; тлушчу, бялку і кухоннай солі ў мясараслінным фаршы “Папулярны”, бялку—у фаршы “Віцебскі”, кальцыю—у вараных каўбасах, сасісках, сардэльках, абагачаных кальцыем і лактулозай.

Пры неабходнасці правядзення кантролю сыравіны і гатовай прадукцыі праз 10 дзён, праводзіўся ён ад 1 да 8 разоў за паўтара года каўбас крывяных па масавай долі нітрыту натрыю і крухмалу, каўбас ліверных—па масавай долі крухмалу, фаршаў “Апетытны” і “Папулярны”—па масавай долі вільгаці.

У журналах рэгістрацыі аналізаў каўбасных вырабаў і паўфабрыкатаў выяўлены выпадкі неадпаведнасці прадукцыі патрабаванням ТНПА. Так, у лівернай каўбасе “Дамашняя”, вырабленай 23.04.2009 года масавая доля фосфару склала 0,29% пры норме не больш 0,2%. Каўбаса крывяная “Дамашняя” 10 сакавіка сёлета ўтрымлівала масавую долю кухоннай солі 2,43% пры норме не больш 2,2%. У фаршы “Віцебскі” 5 і 14 красавіка солі выяўлена 1 і 1,14%, калі ў рэцэптуру гэты кампанент не ўваходзіць зусім.

На артэзіянскай свідравіне ўлік вады ажыццяўляўся непрыгодным да прымянення лічыльнікам СТВ-80 (пломба замалявана фарбай, дакументаў аб праходжанні паверкі няма).

Улік прыроднага газу ў кацельні вёўся з дапамогай комплексу СГ-ЭК-Вз, тэрмін дзяржаўнай паверкі якога закончыўся яшчэ 11 лютага.

За выяўленыя парушэнні пратакол аб адміністрацыйным правапарушэнні на інжынера па ахове працы накіраваны ў суд. Кіраўніцтву прадпрыемства прапанавана прыняць меры дысцыплінарнага спагнання да адказных асоб вытворчай лабараторыі, дзеянні і бяздеянні якіх прывялі да парушэнняў.

Н. БАРАВІКОВА,
начальнік аддзела дзяржкантролю.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2021
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2021
Максим, Петр, Марфа, Афанасий, Яков

Госці краін

free counters
Партнеры сайта