Не рубите!

Самавольная ці бескантрольная высечка малодзенькіх хваёвых дрэўцаў  прычыняе шкоду прыродзе і эканоміцы. Работнікі дзяржаўнай лясной аховы ДЛГУ “Дзісенскі лясгас” і дзяржінспекцыі па ахове жывёльнага і расліннага свету, а таксама іншых праваахоўных служб у апошнія тыдні гэтага года і пачатку новага будуць праводзіць спецыяльныя рэйды, дзяжурствы на дарогах з мэтай выяўлення парушэнняў ляснога і прыродаахоўнага заканадаўства.

 

Нагадаю, што набыць хваінкі без рызыкі быць аштрафаванымі можна ў лясніцтвах і на кірмашах. Рэалізацыйная цана на дрэўцы залежыць ад іх велічыні і месца продажу: вышынёй да 1 метра — 25000 рублёў у лясніцтве і 30000 на кірмашы, ад 1 да 2 м — 33000 (40000) руб., ад 2 да 3 м — 50000 (67000), ад 3 да 4 м — 73000 (95000), ад 4 да 5 м — 110000 (155000), звыш 5 м — 215000 руб. (у лясніцтвах).

 

Незаконная высечка дрэўцаў  абыдзецца значна даражэй: фізічным асобам давядзецца заплаціць штраф да 50 базавых велічынь, індывідуальным прадпрымальнікам — да 200, юрыдычным асобам — да 300 БВ.

 

Дарэчы, забараняецца перавозіць навагодніх “прыгажунь” без дазваляючых дакументаў. Адсутнасць касавага чэка ці таварнай накладной пагражае штрафам фізічнай асобе да 30 БВ, індывідуальнаму прадпрымальніку — да 100, юрыдычнай асобе — да 500 БВ. Памер адной базавай велічыні цяпер 100 тысяч рублёў.

 

Лясгас просіць грамадзян у выпадку выяўлення фактаў парушэння прыродаахоўнага заканадаўства інфармаваць аддзел аховы і абароны лесу ДЛГУ “Дзісненскі лясгас” па тэл. (8-02152)-3-75-28, 3-73-84, 3-73-94 ці паведамляць пра гэта ў бліжэйшыя лясніцтвы.

 

Д. ЛЕАНОВІЧ,

інжынер па ахове

і абароне лесу ДЛГУ

“Дзісенскі лясгас”.

 

 

 

 

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.