Авторизация
 

Суддзя Міёрскага раёна Ірына Яскевіч расказала пра сябе

568

 Вызначальнай якасцю свайго характару старшыня суда Міёрскага раёна Ірына ЯСКЕВІЧ лічыць упартасць. Гэтая рыса дапамагае спраўляцца з мноствам штодзённых службовых абавязкаў, граматна арганізоўваць работу, дасканала разбірацца ў дэталях учыненага злачынства ці правапарушэння. Настойлівасць у дасягненні пастаўленых мэт калісьці прывяла на юрыдычны факультэт.


Знайсці паўгадзіны для інтэрв’ю Ірыне Яскевіч няпроста. Рабочыя будні строга распісаны і часта выходзяць за вызначаныя часавыя рамкі. Чарговую працоўную раніцу пачала ў зале суда, куды прывезлі на абвяшчэнне прыгавора злачынцу.

– Учыніў крадзеж маёмасці, пакараны абмежаваннем волі з накіраваннем у папраўчую ўстанову адкрытага тыпу, – расказвае Ірына Вячаславаўна, вярнуўшыся ў рабочы кабінет.


Доўгая чорная мантыя надае яе вобліку строгасці. Падчас гутаркі суразмоўніца адкрыта і шчыра ўсміхаецца. З грамадскім стэрэатыпам пра раўнадушша і чэрствасць суддзяў яна цалкам не згодна.


Прафесія суддзі вабіла Ірыну Яскевіч з дзяцінства. Годны прыклад быў перад вачыма – 32 гады судзейскага стажу ў таты. З іх больш за 20 узначальваў суд Верхнядзвінскага раёна. Там у 2003 годзе рабіла першыя крокі ў прафесію Ірына – выпускніца юрыдычнага факультэта Полацкага дзяржуніверсітэта.


У родным Верхнядзвінску Ірына Вячаславаўна стварыла сям’ю. З водпуску па доглядзе дзіцяці выйшла на працу ў натарыяльную кантору. Чарговая прыступка прафесійнага росту – пасада суддзі ў судзе горада Наваполацка, дзе адпрацавала пяць гадоў. Затым вярнулася дадому і сем гадоў была суддзёй суда Верхнядзвінскага раёна. З 26 кастрычніка 2020-га ўзначальвае суд на Міёршчыне.


– Умела арыентавацца ў заканадаўчай базе, – акрэслівае галоўнае прафесійнае правіла. – Усе кодэксы не вывучыш, але трэба ведаць, дзе адшукаць інфармацыю па тым ці іншым пытанні.

Важная якасць для суддзі – праніклівасць, уменне за знешнім воблікам чалавека ўбачыць яго ўнутраную сутнасць. Як заўважае суразмоўніца, гэта прыходзіць з вопытам.


Перад судом трымаюць адказ зладзеі, якіх прывабіла чужое дабро; бацькі, якія замест дзяцей аддалі перавагу алкаголю і ўладкаванню асабістага жыцця; падлеткі, што неўсвядомлена ступілі на крывую сцяжынку; сваякі, што не могуць знайсці паразумення ў справе падзелу маёмасці… Нібы парадам прахо- дзяць перад вачыма Ірыны Вячаславаўны праяўленні ценевага боку нашага жыцця. Задача суддзі – выбраць аптымальны для абодвух бакоў спосаб уладкавання спрэчкі, знайсці найлепшы варыянт вырашэння канфлікту паміж чалавекам і законам, вызначыць справядлівае пакаранне.


Кацярына РЫНКЕВІЧ.

Фота Казіміра БЛАЖЭВІЧА.

Поўную версію чытайце ў раённай газеце.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2023
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2023
Максим, Петр, Марфа, Афанасий, Яков

Госці краін

free counters
Партнеры сайта