Авторизация
 

Жывёлаводы Міёрскага раёна падвялі вынікі 2020 года

 Для жывёлаводаў раёна 2020-ы быў няпростым, неадназначным, аднак у цэлым паказчыкі вытворчасці павялічаны.

 
У мясной галіне адбылося пераразмеркаванне статка. У СУП «Цітова» ліквідавалі свінагадоўчы комплекс, дзе да гэтага ўтрымлівалася 2 139 жывёл. На фермах гаспадарак на 390 галоў стала менш буйной рагатай жывёлы, на 1 студзеня сёлета яе налічваецца 31 812. Значнае зніжэнне дапусцілі «Мікалаёўскі» (-381), «Дрыгучы» (-228), «Язна» (-162) і «Туркова» (-148), павялічылі – «Цітова» (+244) і «Чэрасы» (+241). Пры гэтым дойны гурт вырас да 11 065 кароў ці на 1 %. Дойнае пагалоўе паменшылася толькі ў «Мікалаёўскім» на 3 %, астатнія гаспадаркі як мінімум захавалі яго, «Чэрасы» нават павялічылі на 11 %.

 
Валавы надой малака за 2020-ы вырас на 3,1 %. Найбольш значна нарасцілі яго «Павяцце» (+14,7 %), «Пад’ельцы» (+14,1 %), «Узмёнскі край» (+12,4 %), «Папшулі» (+10,9 %). Збавілі тэмпы зноў жа «Мікалаёўскі», «Дрыгучы» і «Язна».

 
Надой на карову ў сярэднім па раёне за 2020 год склаў 3 054 кілаграмы з прыбаўкай у 68 кг да паказчыка папярэдняга года. Сапраўдным маяком у малочнай галіне з’яўляецца «Цітова», дзе ад кожнай каровы атрымана па 6 887 кг малака, плюс 206 да ўзроўню папярэдняга года.
Рэалізацыю малака раён павялічыў на 4 %, падрасла і таварнасць з 85,9 да 86,9 %. Паменшылі продаж толькі «Мікалаёўскі» і «Дрыгучы».
Вытворчасць буйной рагатай жывёлы сельгаспрадпрыемствы раёна за год нарасцілі на 2,1 %. Добра былі арганізаваны справы ў мясной галіне ў «Язне» (вырошчванне і адкорм прыплюсавалі на 29,3 %), «Любінове» (+16,3 %), «Цітове» (+12,9 %) і шэрагу іншых гаспадарак. Збавілі тэмпы толькі «Мікалаёўскі» (адставанне на 16,4 %), «Дрыгучы» (-13,4 %) і «Узмёнскі край» (-1,6 %).

 
Валавая прывага статка па раёне склала 102 %. Сярэднясутачная павялічылася на 22 грамы і вырасла да 511 г. Па гаспадарках яна вагаецца ад 327 грамаў у «Мікалаёўскім» да 646 г у «Чэрасах». Рэалізацыя буйной рагатай жывёлы за 2020-ы склала толькі 82,2 % аб’ёмаў папярэдняга года.

 

Леанід МАТЭЛЕНАК.

Фота для ілюстрацыі.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 апреля 2021
Григорий, Иван, Павел, Петр, Севастьян, Яков

Именины 18 апреля 2021
Алексей, Георгий, Марк, Николай, Платон, Семен

Госці краін

free counters
Партнеры сайта