Авторизация
 

Начальнік Мёрскага раёна электрасетак даў вялікае інтэрв'ю да Дня энергетыка

 Дзясяты месяц узначальвае Міёрскі раён электрычных сетак Леанід ГРЫГАРОВІЧ. Час дастатковы, каб не толькі пазнаёміцца з новымі абавязкамі і падначаленымі, але і праявіць кіраўнічы падыход да справы. У чым яны выказаліся, паімкнуўся высветліць наш карэспандэнт.

 

Леанід Антонавіч, з дзейнасцю Шаркаўшчынскага РЭС Вы былі добра знаёмыя, чым ад іх адрозніваюцца электрасеткі Міёршчыны?

– Яны больш складаныя з-за прыроднага рэльефу: на Міёршчыне нямала пагоркаў, балот, лясоў. Другі момант – наяўнасць даволі буйных прадпрыемстваў, адзін узводзімы металапракатны завод чаго варты! Цяпер калектыў Міёрскага РЭС абслугоўвае восем падстанцый 35-110/10 кВ, адзін размеркавальны трансфарматарны пункт 10 кВ, 63 закрытыя трансфарматарныя падстанцыі, 436 комплексных і 136 мачтавых трансфарматарных падстанцый. Яны аб’яднаны 1 019 кіламетрамі паветраных ліній і 16-цю км кабельных напружаннем 10 кВ, непасрэдна да спажыўцоў вядуць 1 003 км паветраных ліній і 16 км кабеляў у 0,4 кВ. Што да задач энергетыкаў, то яны паўсюль аднолькавыя – надзейнае электразабеспячэнне спажыўцоў.

 

 Хто гэтым займаецца на Міёршчыне?

– Усе тэхнічныя пытанні па арганізацыі работ у электрасетках вырашае галоўны інжынер Анатоль Ільічоў, які таксама не так даўно на гэтай пасадзе. Яшчэ адказвае за падрыхтоўку новага персаналу і падтрыманне кваліфікацыі работнікаў. Яму дапамагаюць спецыялісты вытворча-тэхнічнай групы пад кіраўніцтвам Сяргея Матэленка. Пастаянна кіруюць тэхналагічным рэжымам электрасетак раёна, клапоцяцца пра іх надзейнасць дыспетчары і электраманцёры аператыўна-выязной брыгады «з гаспадаркі» начальніка РДС Віктара Малахоўскага. Яны не толькі прафесійнае свята, але і ўсе астатнія пастаянна сустракаюць на рабочым месцы.

 
Высокай якасцю правядзення работ вылучаецца рамонтна-эксплуатацыйная брыгада майстра Юрыя Скамарохава. Прадукцыйнасць і працавітасць характэрны для такіх жа брыгад майстроў Васіля Дзяменцьева і Юрыя Максяева. Абслугоўванне значнай зоны забяспечвае майстар Дзісненскага апорна-эксплуатацыйнага пункта Мікалай Шаўлюга, яго намаганні станоўча і з удзячнасцю ацэньвае насельніцтва.
Умелыя кіраўнікі – маладыя майстры РЭС Дзмітрый Кукуць, Дзмітрый Андрэеў, Артур Гражэўскі. Яны поспехам прадэманструюць сваё прафесійнае майстэрства і на аглядах-конкурсах у філіяле «Глыбоцкія ЭС». Умела спраўляюцца са сваімі задачамі вадзіцелі і трактарысты майстра па эксплуатацыі і рамонце машын і механізмаў Міхаіла Грэцкага.

 

Для Вас прафесійнае свята ў якасці начальніка Міёрскага РЭС першае, а чым яно асаблівае для калектыву?

– Святкаваць будзем у абноўленым пасля капітальнага рамонту адміністрацыйным будынку. Сучасны выгляд набыў фасад. На ўваходзе ўстаноўлены прыбор аўтаматычнай фіксацыі часу прыходу на работу і заканчэння працоўнага дня, алкатэстар. Стэнды з патрэбнай работнікам і наведвальнікам інфармацыяй пачынаюцца з ганка, размешчаны ў вестыбюлі і калідорах. На іх аб’явы, графікі дзяжурстваў, дакументы па ахове працы і пажарнай бяспецы, паведамленні БРСМ і прафарганізацыі, звесткі пра паслугі для спажыўцоў у рамках «аднаго акна».

 
 У будынку створаны ўсе ўмовы для камфортнай працы: у гардэробе для кожнага электраманцёра, вадзіцеля і слесара прадугледжана свая шафа на два аддзяленні; побач душавая з пастаянным гарачым водазабеспячэннем ад электраводанагравальніка; паблізу памяшканне для сушкі адзення і абутку з дзвюма электрасушыльнымі шафамі. Пакой для прыёму ежы абсталяваны кухоннай мэбляй і бытавой тэхнікай.
Пашыраны да 20 месц навучальны клас. Аснашчаны трэнажорам для аказання першай медыцынскай дапамогі, стэндамі з узорамі абаронных сродкаў, кабеляў, камутацыйных апаратаў, счапной арматуры ВЛ, плакатамі і літаратурай. Увогуле, ёсць усё неабходнае для навучання бяспечным метадам работы.

 
Для майстроў і электраманцёраў падрыхтаваны прасторныя кабінеты, абноўленая актавая зала ўмяшчае ўвесь калектыў. Для захоўвання дакументаў прадугледжаны архіў. У будынку заменены інжынерныя сеткі: электраправодка і лакальная камп’ютарная праводка, водаправод, ацяпленне. Прыточна-выцяжная вентыляцыя ў зімовы час аўтаматычна падае ў памяшканні падагрэтае паветра. Абноўлены памяшканні для майстэрні рамонтных месц для аўтатрактарнай тэхнікі, што знаходзяцца непасрэдна ў адміністрацыйным будынку.

 

На гэтым добраўпарадкаванне закончана?

– Рыхтуецца дакументацыя для капітальнага рамонту вытворчых памяшканняў. Работы будуць праводзіцца адначасова з асноўнай дзейнасцю па аператыўным абслугоўванні электрасетак, іх тэхнічным абслугоўванні, правядзенні планавых рамонтаў.

 

Што мяняецца для электрасетак і спажыўцоў у сувязі з чакаемым уводам у эксплуатацыю Беларускай АЭС?

– Змены ўжо пачаліся і ў раёне найперш звязаны з будаўніцтвам металапракатнага завода. Патрэбы ММПЗ у электраэнергіі забяспечвае спецыяльная падстанцыя, да прадпрыемства некалькі гадоў таму падведзена высакавольтавая лінія. Рэканструявана размеркавальнае абсталяванне 110 кВ падстанцыі 110/35/10 Міёры, наперадзе перабудова абсталявання 35 і 10 кВ. Наша арганізацыя аказвае паслугі насельніцтву па выкарыстанні электраэнергіі для патрэб ацяплення і гарачага водазабеспячэння.

 

Дадатковую магутнасць падстанцыі і паветраныя лініі раёна ў 10 кВ вытрымаюць, аднак іншая справа з паветранымі лініямі 0,4 кВ. Наперадзе раён электрасетак чакае абнаўленне значнай часткі з цяперашніх тысячы кіламетраў паветраных ліній нізкага напружання. Каб справіцца з новымі задачамі, шчыра жадаю ўсім работнікам Міёрскага РЭС найперш паспяховай безаварыйнай і бяспечнай работы, невычэрпнай энергіі, моцнага здароўя і дабрабыту ў сем’ях.

 
Прафесійнае свята мы адзначаем ра-зам з нашымі ветэранамі – тымі, хто ствараў энергетычны фундамент раёна і праз усё жыццё пранёс ганаровае і адказнае званне – энергетык. Цяпер гэтыя людзі перадаюць свае веды і ўнікальны вопыт моладзі. Мы не забываем пра іх і ў звычайныя дні, сёння – яшчэ адна нагода для ўшанавання нашых калег.

 

Леанід МАТЭЛЕНАК

Фотаматэрыял Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 апреля 2021
Вениамин, Иван, Иннокентий, Иосиф, Анна

Именины 12 апреля 2021
Захар, Иван

Госці краін

free counters
Партнеры сайта