Авторизация
 

Аб электроннай рэгістрацыі расказала спецыяліст групы па грамадзянстве і міграцыі Вольга Гіржда з Міёр

 Рэгістрацыя іншаземцаў у электроннай форме ажыццяўляецца на адзіным партале электронных паслуг – portal.gov.by.

– Гэта адміністрацыйная працэдура даступная іншаземцам, якія ўехалі ў Беларусь у пунктах пропуску праз Дзяржаўную граніцу. Хто прыбыў праз граніцу з Расійскай Федэрацыяй, для рэгістрацыі павінен асабіста звярнуцца ў падраздзяленне па грамадзянстве і міграцыі органа ўнутраных спраў па месцы знаходжання, – удакладняе спецыяліст групы па грамадзянстве і міграцыі Міёрскага РАУС Вольга Гіржда. – Рэспублікай Беларусь падпісаны пагадненні з Украінай, Літвой, Латвіяй, Эстоніяй, Казахстанам, Аб’яднанымі Арабскімі Эміратамі і Расіяй, грамадзяне якіх могуць знаходзіцца ў Беларусі да 30 або 90 дзён без рэгістрацыі. Калі іншаземец плануе падоўжыць тэрмін, неабходна атрымаць дазвол на часовае або пастаяннае пражыванне ў залежнасці ад мэты ўезду. Тэрмін рэгістрацыі рэгламентуецца міжнароднымі дагаворамі, заключанымі з рознымі краінамі.

Як прайсці рэгістрацыю ў электроннай форме?

– Для гэтага спатрэбяцца камп’ютар, мабільны тэлефон ці планшэт з выхадам у Інтэрнэт. Праз любы браўзер трэба зайсці на сайт адзінага партала электронных паслуг portal.gov.by, выбраць мову для работы, стварыць асабісты кабінет, выкарыстоўваючы адрас электроннай пошты. У асабістым кабінеце ва ўкладцы «Даступныя паслугі» выбраць катэгорыю «Грамадзянства і міграцыя», заказаць паслугу, запоўніць заяву. Код паслугі рэгістрацыі іншаземцаў – 200.12.14.1. У заяве трэба ўказаць прозвішча і імя лацініцай або кірыліцай, згодна з пашпартам (дастаткова аднаго варыянта), звесткі пра пашпарт, страхоўку, дату ўезду ў краіну, адрас часовага знаходжання, – знаёміць з алгарытмам дзеянняў Вольга Міхайлаўна. – Ёсць графа з візай, аднак калі, да прыкладу, іншаземец прыязджае ў Беларусь па «бязвізу», запаўняць яе не трэба. Неабходна таксама звяртаць увагу на карэктнае запаўненне палёў.

Пасля праверкі дадзеных – націснуць кнопку «Адправіць заяву». Праз некалькі секунд прыйдзе паведамленне аб паспяховай рэгістрацыі або сістэма парэкамендуе звярнуцца ў падраздзяленне па грамадзянстве і міграцыі, калі звесткі не супадаюць. Пры асабістым звароце рэгістрацыя ажыццяўляецца ў раней устаноўленым парадку.


Звяртацца асабіста ў падраздзяленні па грамадзянстве і міграцыі па месцы знаходжання давядзецца ў двух выпадках:
калі іншаземец жадае прадоўжыць аформленую праз Інтэрнэт рэгістрацыю па тым жа адрасе;
калі прыбыў у Беларусь праз граніцу з Расіяй.


Пацверджанне аб электроннай рэгістрацыі мець пры сабе неабавязкова. Дастаткова паведаміць пра гэта, напрыклад, супрацоўніку органа пагранічнай службы пры выездзе з краіны. Калі ёсць тэхнічная магчымасць, можна захаваць скрыншот адказу аб паспяховай рэгістрацыі або зрабіць раздрукоўку. Гэта паскорыць працэдуру праверкі.

Па праблемных пытаннях рэалізацыі электроннай рэгістрацыі трэба звяртацца ў службу тэхнічнай падтрымкі Нацыянальнага цэнтра электронных паслуг па тэлефоне 311 30 00 (дадатковы – 713) і ў Дэпартамент па грамадзянстве і міграцыі МУС на нумары 218 55 08, 218 52 51.

Фота для ілюстрацыі.
Падрыхтавала Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 521
  • 0

Злавілі рыбку, ды… залатую

  • 28 февраль 2011, 16:16
  • 92 635
  • 0

Інвестыцыйны форум

  • 23 сентябрь 2011, 10:05
  • 90 029
  • 1

  • 11 февраль 2011, 11:20
  • 43 133
  • 0

Пераброддзе 2012. Погляд вучонага

  • 31 август 2012, 15:19
  • 42 662
  • 0

Кандыдатамі жадаюць стаць

  • 21 август 2012, 15:30
  • 36 707
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 813
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 октября 2020
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Именины 20 октября 2020
Иосиф, Леонтий, Марк, Николай, Сергей, Юлиан, Пелагея

Госці краін

free counters
Партнеры сайта