Авторизация
 

Памылкі, які не трэба паўтараць, абмеркавалі на сустрэчы ў Міёрскім РАУС

 Парушаючы закон, непаўналетнія ствараюць праблемы сабе і бацькам, перакрэсліваюць свае планы на будучыню. Пра гэта міёрскім падлеткам, якія знаходзяцца на ўліку ў інспекцыі па справах непаўналетніх і на школьным кантролі, нагадалі падчас сустрэчы ў раённым аддзеле ўнутраных спраў. Мерапрыемства стала фіналам міжведамаснай праграмы «Клопат», што праходзіла з 1 мая па 1 кастрычніка.

У раёне вырасла колькасць правапарушэнняў і злачынстваў, учыненых непаўналетнімі.

Адзін юнак рабіў шмат дрэннага. Пасля кожнага ўчынка яго бацька забіваў у слуп цвік. Калі хлопец выправіўся, іх дасталі. Але вынік не парадаваў – увесь слуп быў у дзірках. Гэтай прытчай намеснік старшыні камісіі па справах непаўналетніх Алена Пацеенак нагадала дзецям, што кожны ўчынак пакідае след. Сёлета на пасяджэннях камісіі разгледзелі 35 непаўналетніх парушальнікаў. Сем з іх не адзін раз.


Як расказала старшы інспектар інспекцыі па справах непаўналетніх Святлана Хаданёнак, сёлета з пачатку года падлеткі ўчынілі чатыры злачынствы. За аналагічны перыяд 2018-га было тры. Самае распаўсюджанае ў нашых дзяцей правапарушэнне – распіццё алкагольных напояў і з’яўленне ў нецвярозым стане ў грамадскім месцы. Калі ў мінулым годзе выявілі 15 фактаў, то сёлета 23.
Чым небяспечна спіртное, патлумачыла ўрач-нарколаг Вольга Крук. Пад уздзеяннем алкаголю эрытрацыты – чырвоныя крывяныя цельцы, што пераносяць кісларод да органаў, тканак, клетак і забіраюць ад іх вуглякіслы газ – зліпаюцца ў камкі, якім цяжка рухацца па дробных сасудах. Найбольшая колькасць такіх сасудаў знаходзіцца ў мозгу. Такім чынам, ён пакрысе адмірае з кожнай дозай гарачыльных напояў.


Падлеткі-правапарушальнікі рызыкуюць трапіць у спецыяльную ўстанову. Папросту – у дзіцячую турму. Намеснік пракурора Святлана Раманоўская адзначыла, што пазбавіць волі могуць непаўналетніх ад 11 да 18 гадоў, якія ўчынілі злачынства. Таксама ў ліку кандыдатаў юныя правапарушальнікі, якія паўтараюць свае грубыя памылкі. Верагодна, у хуткім часе адправіцца ў спецустанову вучань адной з сельскіх школ раёна.


Зрабіць належныя вывады і своечасова спыніцца раіў школьнікам начальнік аддзела ўнутраных спраў Васіль Балад. Падкрэсліў, што нягледзячы на меры пакарання сутнасць крымінальных злачынстваў і адміністрацыйных правапарушэнняў адна – чалавек пераступіў закон. Таму важна аналізаваць кожны свой учынак.


Каб дапушчаныя памылкі сталі апошнімі, пажадаў дзецям намеснік старшыні райвыканкама Валерый Драба.
У працяг тэмы – фільм «Святло ў канцы тунэлю». Кватэры, падобныя на сметнік, пустата ў вачах людзей, якія прамянялі жыццё на бутэльку, слёзы іх дзяцей, сумныя гісторыі з-за турэмных кратаў. Усе падзеі рэальныя. Ад таго мацней уражанні ад убачанага. Вывады відавочныя.


Завяршыла сустрэчу экскурсія ў ізалятар часовага ўтрымання. Школьнікам паказалі, у якіх умовах знаходзяцца ўзятыя пад варту парушальнікі і злачынцы.

Фота аўтара.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 564
  • 0

Інвестыцыйны форум

  • 23 сентябрь 2011, 10:05
  • 81 968
  • 1

Злавілі рыбку, ды… залатую

  • 28 февраль 2011, 16:16
  • 64 939
  • 0

Пераброддзе 2012. Погляд вучонага

  • 31 август 2012, 15:19
  • 41 050
  • 0

  • 11 февраль 2011, 11:20
  • 39 702
  • 0

Кандыдатамі жадаюць стаць

  • 21 август 2012, 15:30
  • 36 174
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 245
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 октября 2019
Андрей, Борис, Василий, Георгий, Давид, Иван, Константин, Михаил, Петр, Степан, Федор, Анна

Именины 14 октября 2019
Александр, Алексей, Георгий, Иван, Михаил, Николай, Петр, Роман, Вера

Госці краін

free counters
Партнеры сайта