Авторизация
 

Газіфікацыя Узмён пройдзе праз Заходную Дзвіну

 Газіфікацыя Міёршчыны працягваецца. Для таго, каб прыроднае “блакітнае паліва” трапіла  ва Узмёны, нават рака Дзвіна не перашкода. Пад ёй з другога берага, ад Юсцініянава, ужо зроблены адзін “пракол” для газавай трубы, будзе і другі, рэзервовы. 

Хаця аперацыя гэта няпростая, у рэчышчы нямала валуноў і камення, іншых перашкод. Агульная працягласць новага трубаправода 1,5 кіламетра, з іх 450 метраў пад ракой. Разлічваю, што сёлета ўзмёнцы парадуюцца новай зручнасці.


Такая ж перспектыва ў дзісенцаў. Паступілі сродкі дзяржаўнай падтрымкі для гарадскіх кааператываў, якія створаны яшчэ ў 2014 годзе. Для аднаго з іх, што аб’ядноўвае жыхароў вуліц Юбілейнай, Суворава, Кутузава, Кірава, Паўліка Марозава і Піянерскай, ужо вядзецца праектаванне. Заказчыкам выступае “Браслаўгаз”, работы сёлета выканае фірма “Белгазбуд”. Затым настане чарга другога кааператыва, які ахоплівае вуліцы Полацкая, Чкалава, Чапаева, Дзісенская.


Непасрэдна ў Міёрах клопат газазабеспячэнцаў звязаны з хуткім пускам металапракатнага завода, які стане самым вялікім спажыўцом “блакітнага” паліва. Таксама трэба пракласці трубапровад да дома на вуліцы Лермантава, здача якога ў эксплуатацыю запланавана на сёлетні снежань.


У планах газіфікацыі на Міёршчыне яшчэ 12 аб’ектаў. Вельмі разлічваю, што прыродны газ “дойдзе” да Павяцця, Блажкаў, Станулева. Хаця пэўныя карэктывы ў нашы намеры ўжо ўносіць перспектыва большага спажывання электрычнасці на бытавыя патрэбы ў сувязі з пускам Астравецкай АЭС. У насельніцтва з’явілася альтэрнатыва: для аддаленага спажыўца электралінію падвесці больш танна, чым пракласці трубу.

Фота для ілюстрацыі.
Канстанцін МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта