Авторизация
 

На фасадзе будучага гандлёвы цэнтр “Міёры-Сіці” з’явілася вывеска

 Аднаўленне двухпавярховага будынка былых рамбыттэхнікі і прадпрыемства па перапрацоўцы рыбы “Меркурый” на вуліцы Школьнай у райцэнтры пачалося летась. Наш карэспандэнт  некалькі разоў безвынікова спрабаваў даведацца пра яго перспектывы. Нарэшце на фасадзе з’явілася вывеска “Востраў чысціні і смаку”. Дыскаунтэр. Прадукты. Тавары для дома”.

Экскурсію 27 чэрвеня пасля 18 гадзін правёў прадстаўнік уласніка Дзяніс Тараканаў. За апошні час у будынку адбыліся істотныя перамены. Унутраныя работы нават вечарам ішлі поўным ходам, аднак асноўная аддзелка завершана.


– Гэта будзе гандлёвы цэнтр “Міёры-Сіці”, – тлумачыць экскурсавод. – Яго афіцыйнае адкрыццё запланавана на другую палову ліпеня. На першым паверсе на асноўнай плошчы размесціцца “Еўраопт” з гандлёвай залай каля 380 квадратных метраў. Падобныя ўстановы гэтага гандлёвага аператара адчыняюцца ў Беларусі нярэдка, магчыма, наша будзе 800-ай. Міярчане атрымаюць магчымасць карыстацца дысконтнымі карткамі, удзельнічаць у розных акцыях і розыгрышах прызоў. Тут жа хопіць месца для “Вострава чысціні і смаку”, дзе спалучаецца рэалізацыя прадуктаў харчавання з бытавой хіміяй і таварамі для дома. Прадугледжаны плошчы для салона сувязі МТС, дзяржаўнай аптэкі. На выхадзе будуць прапаноўваць каву “на вынас”.


На другім паверсе устаноўлена шмат шкляных перагародак.
– Тут размесцяцца магазіны адной цаны, – тлумачыць гід, – а таксама салоны сувязі Велком/А1 і посуду. Пакупнікі змогуць набыць сувеніры, абутак, “электрыку” і нават тавары для жывёлы. Увогуле, “Міёры-Сіці” гэта сучаснае гандлёвае прадпрыемства з відэаназіраннем, музычным агучваннем і іншым сучасным афармленнем. Працаваць будзе да 23 гадзін штодзень без выхадных.


Словам, міярчане і госці райцэнтра, рыхтуйце кашалькі і банкаўскія карткі.

Фота аўтара.
Гутарыў Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 апреля 2021
Вениамин, Иван, Иннокентий, Иосиф, Анна

Именины 12 апреля 2021
Захар, Иван

Госці краін

free counters
Партнеры сайта