Авторизация
 

СУП “Цітова” — пераможца сярод сельгаспрадпрыемстваў раёна

 СУП “Цітова” — пераможца сярод сельгаспрадпрыемстваў раёна па вытворчасці і продажы малака і мяса.  Лепшым галоўным спецыялістам у жывёлагадоўлі названа намеснік дырэктара СУП «Цітова» Даната ШЧАЛКУН. Тут яна працуе з 2010-га, пачынала начальнікам даільнай залы, пяцігоддзе ўзначальвае галіну. 

Прыгадвае, што калісь ледзь не сілай яе прывезла з Глыбоччыны тагачасны кіраўнік гаспадаркі Марыя Сцяпанава. Карэспандэнты даведаліся ў вопытнага спецыяліста, з чаго складаюцца і як “куюцца” поспехі на фермах і пашах. Размова пачалася і неаднаразова суправаджалася фразай, вынесенай у загаловак.

— Шлях да высокай прадуктыўнасці дойнага статка пачынаецца з вырошчвання цялушачак, — сцвярджае Даната Целясфораўна. — На кожным этапе важна захоўваць тэхналогію. Не буду на падрабязнасцях спыняцца. Асабліва важным лічу належны догляд з першых хвілін жыцця з забеспячэннем сярэднясутачных прываг у 700-850 грамаў, штомесячную сартыроўку па вазе, каб маладняк знаходзіўся ў асяроддзі аднолькавых па развіцці. Слабых, неперспектыўных адразу выбракоўваем.


Ад даярак цялушкі трапляюць да Наталлі Разумчык, а ва ўзросце двух месяцаў пераходзяць на дарошчванне да Наталлі Шаблоўскай і Таццяны Кругловай. Наступны этап пачынаецца пры вазе гадаванцаў у 250 і больш кілаграмаў, каб пры 340 кг можна было пачаць пакрыццё. Догляд такіх — клопат Зоі Мяцеліца ў Цвеціне, Кацярыны Казлоўскай, Сяргея Сіняўскага і Алега Францава ў Залонецкіх. Праз тры месяцы пасля пакрыцця абавязкова праводзім рэктальнае даследаванне, каб скласці графік будучых цяленняў для адных, а непакрытым правесці пры патрэбе вітамінізацыю, масаж, сінхранізацыю.


Паступова фарміруем групы прыкладна з сарака пяршачак. У наступным яны папоўняць дойнае пагалоўе. Увод нецеляў у нас складае 38%, што вельмі добра. Іх раздойвае на працягу трох месяцаў на ферме “Субачава” Людміла Маслоўская. Добра ведае тонкасці падрыхтоўкі да цялення, сочыць за станам вымя, прывучае да сваіх рук і да даільнага апарата, да шуму абсталявання. Яна ж прымае цялятак, выпойвае іх малодзівам ад кароў чацвёртай-пятай лактацыі, яно самае высакаякаснае. Захаванасць прыплоду ў нас поўная.


 Для навацельных кароў забяспечваем авансаванае кармленне, выдзяляем 200 грамаў канцэнтратаў на кожны літр павелічэння надою. На МТФ “Субачава” дзённы надой дасягаў 26 кілаграмаў пры сярэднім па гаспадарцы ў 21,7 кг.


Увесь статак летам утрымліваем на пашах са шматкампанентным ці канюшынным травастоем, пра які вельмі клапоцімся, з абавязковым трохразовым даеннем.


Як да такога напружанага распарадку адносяцца работнікі.
— З разуменнем, бо наглядна бачаць вынікі сваіх намаганняў і зарабляюць летам ад 800 да 1100 рублёў у месяц. У нас даярак, якія душой хварэюць за справу, шмат. Самы вялікі надой сёлета за 10 месяцаў у Таццяны Свірко з МТФ “Субачава”, у даільнай зале стараюцца Алена Анціпенка, на раздоі — Раіса Кук’ян, падменная Таццяна Клішэвіч.


Мая надзейная падтрымка і апора — загадчыкі і начальнік даільнай залы. Найперш гэта Людміла Станкевіч і Святлана Кубліцкая, яны ўсё ведаюць і ўмеюць самі, патрабавальныя да падначаленых. З пытаннямі ўзнаўлення і індэнтыфікацыі спраўляецца заатэхнік-селекцыянер Канстанцін Спірыдовіч. Старанны пры сартыраванні жывёлы і іншых мерапрыемствах. Ніколі не чакае ўказанняў пастух летам і дзённы вартаўнік даільнай залы зімой Фёдар Іваноў. Усе аналізы робіць лабарант Людміла Валынец.


Вынікам вялікіх агульных намаганняў лічу тое, што ва ўсіх памяшканнях належны санітарны парадак, мастыты ў нас не масавыя, хворых жывёл паменела, кантроль за якаснымі паказчыкамі строгі, а таму малака гатунку “экстра” з пачатку года па гаспадарцы 87%, з верасня — 100%.


Кіраўніцтва жывёлагадоўляй у гаспадарцы Вы пачыналі з арганізацыі вырошчвання цялушак, увядзення, як цяпер кажуць, “дыктатуры тэхналогіі”, падбору кадраў. Што яшчэ лічыце важным у сваёй рабоце.


 — Сапраўды, спачатку гаспадарка мела толькі 74% патрэбнай колькасці цялушак на ўзнаўленне, цяпер іх 112-120%. Клеткі для нованароджаных цялятак паставілі на драўляную падлогу, яны хварэць сталі менш. Увесь маладняк на дарошчванні перавялі на бяспрывязнае ўтрыманне, для цялушак пабудавалі арачнік у Субачаве. На даільнай зале запусцілі другі прафілакторый. З ферм убралі коней і пазбавіліся ручной працы пры падвозе і прыгатаванні кармоў. Па тэхналагічных картах двойчы на дні рыхтуюць кармасумесі механізатары з “Гаспадарамі” Уладзімір Сямчонак для даільнай залы, Аляксандр Саплёнак для ферм “Субачава” і “Цвеціна”, Мікалай Барысёнак — для “Осцевіч” і “Залонецкіх”.


Ствараем належныя ўмовы і для жывёлаводаў.
Што да кадраў, то гэта клопат пастаянны. Балюча ўспрыняла трагічнае выбыццё выдатных спецыялістаў, імкнуся іх замяніць. Увогуле ўдалося стварыць зладжаны калектыў, дзе ўсе ведаюць тэхналогію вытворчасці і імкнуцца яе захоўваць, літаральна хварэюць за вынікі.
Якія спадзяванні на будучае.


— З пачатку года ў гаспадарцы ацялілася 230 пяршачак, пакрыта яшчэ 235. Толькі што правялі рэктальнае даследаванне чарговай групы цялушак, якіх даглядалі Іван Казлоўскі, Віталь Радзішэвіч і Вольга Грыдзюшка. Задаволена, што ўсе іх гадаванцы ацеляцца праз месяц-другі. Значыць, і ў наступным годзе будзем з малаком.


— Шчыра жадаю стабільнай работы і новых дасягненняў!

Фотаматэрыял Казіміра БЛАЖЭВІЧА.
Гутарыў Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 94 008
  • 0

Інвестыцыйны форум

  • 23 сентябрь 2011, 10:05
  • 69 926
  • 1

Пераброддзе 2012. Погляд вучонага

  • 31 август 2012, 15:19
  • 35 555
  • 0

  • 11 февраль 2011, 11:20
  • 34 298
  • 0

Злавілі рыбку, ды… залатую

  • 28 февраль 2011, 16:16
  • 33 770
  • 0

Кандыдатамі жадаюць стаць

  • 21 август 2012, 15:30
  • 32 997
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 22 010
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 14 декабря 2018
Дмитрий, Наум, Порфирий

Именины 13 декабря 2018
Андрей, Иван

Госці краін
free counters
Партнеры сайта