Авторизация
 

Валавы надой малака ў Міёрскім раёне за 2017 год

 Валавы надой малака ў раёне за 2017 год склаў 34440 тон ці 95,6% да 2016-га. Усе гаспадаркі, за выключэннем УП "Цітова", што забяспечыла рост вытворчасці на 7,3%, ААТ "Наўгароды" (+4,8%), філіяла "Павяцце" (+8,2%) і  УП "Чэрасы" (+1,5%), не толькі не выканалі  заданні па гэтым паказчыку, але нават не выйшлі на леташні ўзровень. Ад кожнай каровы надоена на 242 кілаграмы менш — толькі па 3119 кг. Якім бы цяжкім ні быў мінулы год па забяспечанасці травяністымі кармамі, у большасці выпадкаў ускладнялі сітуацыю ў жывёлагадоўлі неарганізаванасць, грубыя парушэнні тэхналагічных рэгламентаў кармлення і ўтрымання статка.

Першай прычынай праблем у малочнай жывёлагадоўлі назаву заўчасны запуск дойных кароў і няправільнае кармленне сухастойных. Толькі ў студзені мы пачалі сартыроўку на МТФ статка па фізіялагічным стане і прадукцыйнасці. Зрабіць гэта трэба было да 1 лістапада.
Каровы пасля цялення — асноўная крыніца атрымання малака, аднак яны па большасці не выдзелены. Рацыён гэтага пагалоўя не збалансаваны, а прадукцыйнасць недастаткова стымулюецца канцэнтратамі. Не надаецца ўвага своечасоваму кармленню і якасці кармасумесяў па перамешанасці, вільготнасці, утрыманні пратэіну, наяўнасці прымесяў і іншых паказчыках.


Толькі безгаспадарчасцю можна назваць вялікае выбыццё кароў з асноўнага гурта — 3382 галавы за мінулы год, з іх 2059 з-за вымушанага забою. Асабліва вялікі ён у ААТ "Мікалаёўскі" — 248 кароў, "Туркова" — 217, "Пад'ельцы" — 189, "Узмёнскі край" — 179.


Калі з адборам рамонтных цялушак для асемянення сітуацыя больш-менш нармальная, то з утрыманнем і кармленнем нямала пытанняў. Нярэдка становіцца праблемай пачысціць і падаслаць у памяшканнях для гэтага маладняку, не кажучы пра кармленне і своечасовы перавод у злучны гурт, асабліва ў ААТ "Дрыгучы", "Мерыца", "Папшулі".


Рэалізацыя малака за 2017-ы склала 29543 тоны — 94% да ўзроўню папярэдняга года. Толькі сельгаспрадпрыемствы "Цітова", "Наўгароды", "Павяцце", "Чэрасы" і "Юбілейны" па гэтым паказчыку забяспечылі рост. Значнае адставанне дапусцілі "Язна" і "Мерыца" — 18%, "Папшулі" і "Гвардзейскі" — 17%, "Дрыгучы" — 14%, "Любінова"— 13%, "Пад'ельцы" — 11%.


Гатункам экстра адпраўлена на перапрацоўку 65% малака, вышэйшым — 31,2%, першым — 3,7%. Пры гэтым УП "Цітова" прадае "экстрай" 99% надою, філіял "Павяцце" — 92,2%, звыш 80% — ААТ "Дрыгучы", "Любінова", УП "Чэрасы", больш за 70% — ААТ "Туркова", "Пад'ельцы" і "Міёрскі райаграсэрвіс". У той жа час у ААТ "Папшулі" і ВУПКУ "Юбілейны" такога высокагатунковага малака наогул не атрымлівалі. Шэраг гаспадарак пастаўляе ў значных аб'ёмах надой першым гатункам.


Таварнасць малака за год па раёне склала 85,8%. Ні адна гаспадарка не пераўзышла ўзровень ў 90%, але і не апусцілася ніжэй за 80 працэнтаў.


Паменшыліся рэалізацыя малака і яго таварнасць найперш па прычыне неналежнай рэалізацыі антымасцітнай праграмы ў гаспадарках, адсутнасці адпаведных раствораў, нават сурвэтак для апрацоўкі вымя кароў, антысанітарыі ў стойлах. Гэта неаднаразова адзначалася ў філіяле "Павяцце", ААТ "Мерыца" і "Папшулі", КУП "Язна" і ВУПКУ "Юбілейны". Як вынік — няякасная прадукцыя: 118,3 тоны малака павышанай кіслотнасці і з утрыманнем інгібіруючых рэчываў за год. Найбольш часта інгібіруючыя рэчывы траплялі ў надой у ААТ "Мікалаёўскі", "Дрыгучы", "Любінова", "Чэрасы". Знаходзілі іх у прадукцыі ферм УП "Цітова", "ААТ "Мерыца" і філіяла "Павяцце".


Пры вырошчванні буйной рагатай жывёлы прадукцыйнасць летась склала 95,7% да ўзроўню папярэдняга года. Значна паменшылі аб'ёмы вытворчасці КУП "Язна" — на 51%, ААТ "Мерыца" — на 25%, "Гвар-дзейскі" — на 19,9%, "Дрыгучы" — на 19,9%, "Наўгароды" — на 8%, ВУПКУ "Міёрскі" — на 7,3%. Таму валавыя прывагі склалі 4419 тон, што на чатыры працэнты менш папярэдняга года, сярэднясутачныя—500 г, "мінус" склаў чатыры грамы. Гэта вынік вялікага невытворчага выбыцця маладняку (значны продаж насельніцтву і прадпрымальнікам, забой у гаспадарках і паморак), а таксама нездавальняючых умоў утрымання і кармлення. Але ж і ў аднолькавых умовах пры ўмелым гаспадаранні змаглі дабіцца добрых вынікаў УП "Цітова", ААТ "Мікалаёўскі", "Міёрскі райаграсэрвіс", "Узмёнскі край", "Чэрасы".


Цяпер неабходна тэрмінова прыняць меры па выпраўленні сітуацыі ў малочнай і мясной жывёлагадоўлі — у кожнай гаспадарцы пераўзысці па надоях і прывагах мінулагоднія паказчыкі. Закончыць сартыроўку кароў па фізіялогіі і прадуктыўнасці і арганізаваць іх масавыя прагулкі, расчыстку капытоў. Забяспечыць раскісленне сіласу, скармліванне хваі і эфектыўнае выкарыстанне канцэнтратаў, тэрмінова правесці інвентарызацыю кармоў. Да перыяду масавых цяленняў падрыхтаваць плёначнікі і прафілакторыі, навучыць усіх работнікаў тэхналогіі абыходжання з нованароджанымі цялятамі.


Дачакаліся халадоў, трэба праверыць уцяпленне вокнаў і дзвярэй жывёлагадоўчых памяшканняў.


Андрэй БАТУРА, намеснік начальніка райсельгасхарчу,

начальнік аддзела вытворчасці сельскагаспадарчай прадукцыі.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 625
  • 0

Злавілі рыбку, ды… залатую

  • 28 февраль 2011, 16:16
  • 94 909
  • 0

Інвестыцыйны форум

  • 23 сентябрь 2011, 10:05
  • 90 671
  • 1

  • 11 февраль 2011, 11:20
  • 43 642
  • 0

Пераброддзе 2012. Погляд вучонага

  • 31 август 2012, 15:19
  • 42 721
  • 0

Кандыдатамі жадаюць стаць

  • 21 август 2012, 15:30
  • 36 764
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Именины 4 декабря 2020


Госці краін

free counters
Партнеры сайта