Авторизация
 

Выкарыстоўваць адыходы на Міёршчыне трэба прадумана і рацыянальна

 Майстар УП ЖКГ Аляксандр ФЕДУКОВІЧ у красавіку пры падтрымцы раённых СМІ і са спасылкай на абноўленую заканадаўчую базу прапагандаваў рэгулярны збор і вываз смецця ў сельскай мясцовасці.  Гаварыў пра неабходнасць заключэння дагавораў з вяскоўцамі. Што з таго часу змянілася?

— Ахоп усіх населеных пунктаў добраўпарадкаваннем і, у прыватнасці, вывазкай цвёрдых бытавых адходаў — гэта стратэгічны напрамак экалагічнай палітыкі дзяржавы. У бліжэйшы час нічога не памяняецца, — запэўніў Аляксандр Эдуардавіч. — Законам "Аб абыходжанні з адходамі", іншымі нарматыўнымі актамі такая камунальная паслуга прызнана абавязковай. Рухаем яе ў глыбінку. Сёлета вялі растлумачальную работу ў сельсаветах, заключалі дагаворы з жыхарамі Пестунаў, Свярдлоў, Канахоў, Дворнага Сяла, Новага Пагосту, Цімошкава, Шарагоў, Завуцця.


Вывазкай бытавога смецця ахоплена 39 сельскіх населеных пунктаў, работу працягваем.
Аднак у важнай справе з'яўляюцца новыя моманты. Адзін з іх — рацыянальнае выкарыстанне другасных рэсурсаў, што прадугледжвае паасобны збор адходаў. Сартыроўкай смецця камунальная служба займаецца, і з поспехам. Толькі за 11 месяцаў сёлета для далейшай перапрацоўкі адгружана 69,6 тоны макулатуры, 50 тон шклабою, 22 тоны металалому і 15,1 тон пэт-бутэлек. Упарадкавалі толькі чацвёртую частку таго, ад чаго насельніцтва пазбавілася.


Каб работа ў гэтым напрамку была больш выніковай, у Міёрах, Дзісне і ў сельскай мясцовасці абсталяваны 103 кантэйнерныя пляцоўкі для паасобнага збору адходаў, і гэта далёка не канчатковая лічба. Толькі справа не столькі ў іх колькасці, колькі ва ўменні і жаданні насельніцтва імі карыстацца.


Што маеце на ўвазе?
— Паасобны збор смецця не пачынаецца з запаўнення спецыяльна падпісаных або абсталяваных кантэйнераў, а гэтым заканчваецца. Сартаваннем павінен займацца кожны ў сябе дома. Нескладана непатрэбную паперу складваць у адзін пакет ці вядзерца, пластык—у другі, асобна захоўваць шкло і пэт-бутэлькі. Выносіць не ўсё адразу, а па меры назапашвання. І абавязкова размяркоўваць потым у кантэйнеры з адпаведным надпісам.


Настаў час больш прадумана і рацыянальна выкарыстоўваць ва ўласнай гаспадарцы адходы сваёй жыццядзейнасці. Забараняем загружаць у кантэйнеры скошаную траву, сцяблы раслін, бацвінне караняплодаў — усё гэта можа стаць высакаякасным угнаеннем, калі закласці ў кампост. Там жа перагніюць тонкія галінкі ад абрэзкі дрэў, а таўсцейшыя можна накіраваць на паліва, напрыклад, у лазні. Пілавінне засцеражэ ад пустазелля ягаднікі, дарожкі між градак або клумб. А як перагніе — таксама стане арганічным угнаеннем. Пацікаўцеся ў спецыяльных выданнях, з якой карысцю можна выкарыстаць стары посуд, рэшткі металу, пластык, тыя ж пэт-бутэлькі.


Усё гэта гавару і таму, што адыходзяць у мінулае міні-палігоны: нягожа паўсямесна ствараць горы смецця. Пачалася аптымізацыя гэтых аб'ектаў, якія не ўпрыгожваюць населеныя пункты. З 31 міні-палігона сёлета ліквідаваны два, у наступным годзе іх паменее яшчэ на 10. Такім чынам выконваецца патрабаванне ўрада скараціць колькасць сметнікаў удвая. У такіх умовах, паўтаруся, важную ролю адыгрывае арганізаваная і рэгулярная вывазка бытавых адходаў, чым цяпер займаецца і што прапагандуе УП ЖКГ. На аддалены палігон не кожны гаспадар зможа сам даставіць смецце, а выкіданне паблізу, у неадведзеных для гэтага месцах пагражае непрыемнасцямі, а то і штрафамі.
Паслугі па вывазцы смецця для насельніцтва зусім танныя — 1 рубель 32 капейкі з зарэгістраванага ў доме ці кватэры жыхара ў месяц.
Заклікаю да гаспадарлівага абыходжання з адходамі, бытавым смеццем не толькі дома, на ўласнай сядзібе ці двары, а таксама ў грамадскіх месцах. У нашых гарадах дастаткова ўрн на вуліцах, у парках і скверах. Не пакідайце абгорткі і паперкі ля лавак, на газонах ці тратуарах, не выкідвайце абапал дарог. Жыць у чысціні больш прыемна і здарова, чым на сметніку!


Гутарыў Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 90 666
  • 0

Інвестыцыйны форум

  • 23 сентябрь 2011, 10:05
  • 64 819
  • 1

Пераброддзе 2012. Погляд вучонага

  • 31 август 2012, 15:19
  • 31 467
  • 0

  • 11 февраль 2011, 11:20
  • 30 271
  • 0

Кандыдатамі жадаюць стаць

  • 21 август 2012, 15:30
  • 29 650
  • 0

Злавілі рыбку, ды… залатую

  • 28 февраль 2011, 16:16
  • 26 373
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 18 671
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 октября 2018
Василий, Владимир, Дмитрий, Михаил, Николай, Павел, Петр, Степан, Тихон, Вероника, Яков

Именины 16 октября 2018
Денис, Иван, Павел, Петр

Госці краін
free counters
Партнеры сайта