Авторизация
 

Як справы на будаўніцтве Міёрскага металапракатнага завода...

 Хутка мінуў чарговы летні месяц. Якія змены адбываліся на будаўнічай пляцоўцы  прадпрыемства? З гэтым пытаннем  звярнуўся да генеральнага дырэктара металапракатнага завода Пятра ШЫМУКОВІЧА.

— Заліты бетонам усе палі пад будынак лістапракатнага цэха — асноўнага вытворчага памяшкання. Засталося зрабіць некалькі ростверкаў. У жніўні будаўнікі справяцца і з імі. Тады настане час мантажу каркаса велічнага будынка з металаканструкцый, — знаёміць з сітуацыяй Пётр Мікалаевіч. — Паступленне гэтых металаканструкцый пачнецца ўжо ў жніўні.


Мантаж каркаса цэнтральнай майстэрні закончаны. Цяпер унутры яго наладжваюцца падкранавыя пуці. Пасля іх выраўноўвання па гарызанталі і на аднолькавую адлегласць, у верасні пачнецца мантаж саміх маставых кранаў. Два краны для майстэрні ўжо дастаўлены. Дарэчы, яшчэ шэсць вялікагрузных будзе ўстаноўлена пазней непасрэдна ў лістапракатным цэху, але чарга да іх яшчэ не дайшла.
Да майстэрні прымыкае двухпавярховы адміністрацыйна-бытавы корпус, бетонныя работы на ім ужо закончаны.
Адначасова ідзе падсыпка тэрыторыі пяском. Мінеральны грунт выдаляем, раслінны адвозім на добраўпарадкаванне тэрыторыі новай бальніцы і аб'ектаў жыллёва-камунальнай гаспадаркі. Работа нібы і не складаная, але яна, ды і іншыя земляныя, ускладняюцца частымі дажджамі, якія робяць непраезнымі грунтовыя дарогі для вялікагрузнага транспарта і патрабуюць адкачкі вады з катлаванаў.


 У аўторак, 8 жніўня, падпісаны акт аб здачы ў эксплуатацыю ўсіх шасці двухпавярховых дамоў для спецыялістаў будучага прадпрыемства, там засталося толькі выправіць недаробкі ў добраўпарадкаванні. Вядзем падбор патрэбных работнікаў-металургаў на адпаведных профі-льных прадпрыемствах, бо на Міёршчыне іх проста няма. Гэта тым больш неабходна, таму што нямецкія станкабудаўнікі пачалі выраб абсталявання для ММПЗ, з ім ужо ў верасні павінны пазнаёміцца людзі, якім давядзецца яго эксплуатаваць. Потым яго разбяруць для перавозкі ў Беларусь.


Аб'ёмы мантажных работ павялічваюцца, набліжаецца час самых адказных.

На здымку: З'явіўся новы пуць з разгрузачна-пагрузачнай пляцоўкай, рэйкі пракладзены да металапракатнага завода. Гэтая галіна з двума пад'язнымі пуцямі афіцыйна прынята ў эксплуатацыю 30 чэрвеня.


Гутарыў Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 10 мая 2021
Георгий, Иван, Иларион, Николай, Павел, Петр, Сергей, Степан, Анастасия, Мария, Семен

Именины 9 мая 2021
Василий, Иван, Николай, Петр, Степан, Глафира

Госці краін

free counters
Партнеры сайта