Авторизация
 

На працу — да ўсходу сонца

На работу — до восхода солнца
Штодзень зранку, задоўга да ўсходу сонца спяшаецца  на МТФ "Галіеўшчына"  Валянціна Уладзіміраўна Апалька.

 

— Працуе яна аператарам па дарошчванні маладняку БРЖ, а па сумяшчальніцтве выконвае абавязкі загадчыцы фермы. Таму і прыходзіць у кароўнік раней, чым пачынаецца ранішняя дойка, — зазначае бухгалтар па жывёлагадоўлі ААТ "Любінова"  Марыя Аляксандраўна Усціновіч. — На МТФ два вытворчыя памяшканні. У адным стаяць цяляты, ля якіх  гаспадарыць сама Валянціна Уладзіміраўна. А ў другім размешчаны каровы малочныя  і на адкорме, якіх   выбракавалі з дойнага гурта з-за нізкай прадукцыйнасці.  У  калектыве, якім кіруе В. У. Апалька, работнікаў нямнога. Пагалоўе жывёлы таксама нешматлікае. Аднак турбот хапае, бо жанчына вельмі адказна адносіцца да сваіх абавязкаў і як загадчыца фермы, і  як даглядчыца малядняку БРЖ. Абедзве работы для яе аднолькава важныя.

 

Валянціна Уладзіміраўна строга кантралюе ўсе вытворчыя працэсы на ферме. Сочыць, каб своечасова і ў неабходным аб'ёме падвозчыкі дастаўлялі кармы для статка, каб у рацыёне малочных кароў былі канцэнтраты, аб'ём выдачы якіх дыферэнцыраваны ў залежнасці ад прадукцыйнасці . Дарэчы, на ферме трохразовае даенне — у такім рэжыме тут працуюць і летам, і зімой. Заўсёды на першым плане ў загадчыцы фермы пытанні забеспячэння высокай якасці малака, якое, дарэчы, рэалізуюць гатункам экстра.

 

Пасля адгрузкі сырадою на перапрацоўчае прадпрыемства Валянціна Уладзіміраўна спяшаецца ў цялятнік, дзе яе чакаюць "малышы". У памяшканні 7 клетак, у кожнай з якіх размешчана прыкладна па 20 цялятак.

— Каб абслужыць гурт у 140-150 галоў, патрэбна нямала высілкаў. Аднак у жанчыны праца спорыцца, бо ёй падстаўляе плячо муж Канстанцін Канстанцінавіч, які працуе на ферме падвозчыкам кармоў і штодзённа, справіўшыся са сваёй работай,  дапамагае жонцы абслугоўваць маладняк, — падкрэслівае М. А . Усціновіч.

 

Вопыт работы ў В. У. Апалька ў жывёлагадоўлі вялікі. Раней яна даіла кароў і, як і кожная даярка, выхаджвала нованароджаных цялят, атрыманых ад кароў сваёй групы. Тады і спазнала ўсе галоўныя сакрэты іх догляду. У 2008-ым годзе МТФ "Кублішчына" рэканструявалі. Адзін кароўнік перарабілі ў цялятнік і размясцілі ў ім маладняк на дарошчванні. Прапанавалі ў ім працаваць  Валянціне Уладзіміраўне. Жанчына лічыць, што ў яе прафесіі аснова — старанне, а найгалоўнейшае падспор'е — вопыт , які прыходзіць з гадамі. Паступова назапашваюцца веды,  якіх не атрымаеш праз рэкамендацыі спецыялістаў ці дапаможнікаў.

 

— Гэтыя навыкі і сакрэты даюць магчымасць прадухіліць захворванні маленькіх цялят, — кажа В. У. Апалька. — А здаровы маладняк не толькі радуе сваім  вясёлым норавам, але і добрымі прывагамі, якія з'яўляюцца галоўнымі крытэрыямі ацэнкі работы аператара.

 У групе Валянціны Уладзіміраўны кожнае цяля штодзённа прырастае больш чым на 700 грамаў. І такія прывагі ёй удаецца забяспечваць пастаянна. А таму яна штогод у ліку пераможцаў раённага спаборніцтва і яе запрашаюць на ўрачысты злёт перадавікоў, які праводзіцца напярэдадні Дня работнікаў сельскай гаспадаркі і перапрацоўчай прамысловасці. Не быў выключэннем і 2013-ы — даглядчыцу маладняку ўзнагародзілі Ганаровай граматай упраўлення сельскай гаспадаркі і харчавання.

 

Цялятак у Галіеўшчыну дастаўляюць з МТФ "Волкаўшчына", "Дзянісы", "Новы Пагост", "Любінова", "Кацілава". І за кожнай новай групай маладняку Валянціна Уладзіміраўна сочыць з асаблівай увагай. Дапамагае малым прывыкнуць да новага месца. Пазбегнуць узнікнення ў "калектыве" інфекцыйных захворванняў дапамагаюць прафілактычныя прышчэпкі, якія робіць цялятам ветурач Тамара Генадзьеўна Рынцэвіч. А ў гэтай рабоце яе галоўны памочнік — даглядчыца маладняку. Каб жывёла больш камфортна сябе адчувала, В. У. Апалька клапоціцца пра своечасовую падсцілку стойлаў саломай, якая затым выдаляецца  з памяшкання трактарам.

 

Работа на ферме, хатняя гаспадарка, клопаты пра сям'ю—гэтым напоўнены кожны дзень жанчыны. А што да хобі, то на такія "вольнасці" ў яе проста не хапае часу.

 Жывуць Апалькі ў вёсцы Кублішчына ў прасторным доме са зручнасцямі, які вы-дзеліла ім дырэкцыя гаспадаркі — для маладой сям'і з дзецьмі гэта быў добры падарунак. Праляцела ўжо 7 гадоў як Апалькі справілі наваселле. Старэйшая дачка Алёна за гэты час закончыла школу і падалася за ведамі ў ВНУ — яна студэнтка першага курса Віцебскага педагагічнага ўніверсітэта.

 

Цяпер галоўнай памочніцай у Валянціны Уладзіміраўны па хатніх справах малодшанькая дачушка Олечка. Хаця і ў яе зімой напружаны "рабочы" графік: большую палову дня займае вучоба ў школе, а калі вяртаецца з урокаў, то бярэцца за  дамашнія заданні. А вось калі наступаюць канікулы, тады ўжо можна не толькі дома пагаспадарыць, але і да мамы, таты на ферму збегаць, каб не толькі дапамагчы ў рабоце, але і паказытаць цялятак за вушкамі, пагладзіць вільготныя "носікі", а гэта нядрэнны метад рэлаксацыі пасля напружаных школьных урокаў.

 

Эліза БЛАЖЭВІЧ.

 

Фота К. БЛАЖЭВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 83 548
  • 0

Інвестыцыйны форум

  • 23 сентябрь 2011, 10:05
  • 49 772
  • 1

Кандыдатамі жадаюць стаць

  • 21 август 2012, 15:30
  • 21 918
  • 0

Пераброддзе 2012. Погляд вучонага

  • 31 август 2012, 15:19
  • 21 241
  • 0

  • 11 февраль 2011, 11:20
  • 20 123
  • 0

Злавілі рыбку, ды… залатую

  • 28 февраль 2011, 16:16
  • 18 867
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 664
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 февраля 2018
Алексей, Антон, Евгений, Мария

Именины 24 февраля 2018
Всеволод, Гавриил, Георгий, Дмитрий, Захар, Порфирий

Госці краін
free counters
Партнеры сайта