Авторизация
 

Даярка — на курсах

Доярка — на курсах
Нярэдка накіроўваюць на шматдзённыя курсы для павышэння кваліфікацыі галоўных спецыялістаў, кіраўнікоў.
А каб даярак?..

 

— Засумняваліся? Палічылі, што такога не бывае? Паверце, я не агаварылася. Сапраўды, наш перадавы аператар машыннага даення Людміла Генадзьеўна Захарэнь, якая летась за высокія надоі была адзначана Ганаровай граматай райсельгасхарчу,  цяпер вучыцца на курсах. І не ў раёне ці вобласці, а ажно ў Горацкай сельскагаспадарчай акадэміі. Праўда, у ВНУ вывучае не тонкасці прафесіі аператара машыннага даення — у гэтай справе яна ўжо мае багатыя навыкі,   а асвойвае "сумежную" прафесію — спецыяліста па штучным асемяненні БРЖ. Напачатку будзе вывучаць тэорыю на курсах пры акадэміі, затым два месяцы практыкавацца ў нашым сельгаставарыстве. А далей — здача экзаменаў, — расказвае бухгалтар па жывёлагадоўлі ААТ "Любінова" Марыя Аляксандраўна Усціновіч. — У далейшым будзе сумяшчаць дзве работы—і кароў даіць, і абавязкі асемянатара выконваць.

 

МТФ "Любінова" — лепшая ў сельгаставарыстве. Каб забяспечыць больш высокую вытворчасць жывёлагадоўчай прадукцыі, адміністрацыя гаспадаркі вырашыла на гэтым важным аб'екце ўвесці ў штаты работнікаў спецыяліста па штучным асемяненні кароў. Невыпадкова накіравалі  на курсы Людмілу Генадзьеўну Захарэнь. Упэўнены, яна паспяхова справіцца з дадатковай нагрузкай і яе праца  ў далейшым дасць добры плён.

Пакуль жанчына вучыцца,  яе групу кароў расфарміравалі сярод даярак, кожная з якіх адносіцца да выканання абавязкаў з адказнасцю. Несумненна, часова перададзеныя ім пад апеку рагулі будуць добра дагледжаны. Аператары машыннага даення зацікаўлены ў тым, каб мець на ферме свайго асемянатара, што дасць магчымасць своечасова выяўляць кароў у ахвоце і пакрываць іх. Гэта да мінімуму знізіць ялавасць кароў у групах і павялічыць надоі. Цяпер даяркі падмяняюць жанчыну, а  хутка яе праца будзе прыносіць ім бонусы.

 

Пакуль калега-аператар вучыцца на курсах пры акадэміі, ля кароў шчыруюць Людміла Мікалаеўна Пяткевіч, Алеся Генадзьеўна Машара (родная сястра Людмілы Генадзьеўны), Галіна Іванаўна Баравікова і Вольга Міхайлаўна Драба. Загадчыца фермы Наталля Іванаўна Тумарава падкрэслівае, што нагрузка ў іх у сувязі з расфарміраваннем групы кароў Л. Г. Захарэнь крыху павялічылася. Аднак даяркі спраўляюцца і ім, нягледзячы на часовую адсутнасць сваёй калегі, рэгулярна прадастаўляюцца выхадныя дні.

— Калектыў на ферме дружны, а гэта вельмі важны аспект у вырашэнні многіх вытворчых і арганізацыйных пытанняў, — падкрэслівае Марыя Аляксандраўна Усціновіч.

 

Эліза БЛАЖЭВІЧ.

 

Фота К. БЛАЖЭВІЧА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 83 548
  • 0

Інвестыцыйны форум

  • 23 сентябрь 2011, 10:05
  • 49 772
  • 1

Кандыдатамі жадаюць стаць

  • 21 август 2012, 15:30
  • 21 918
  • 0

Пераброддзе 2012. Погляд вучонага

  • 31 август 2012, 15:19
  • 21 241
  • 0

  • 11 февраль 2011, 11:20
  • 20 123
  • 0

Злавілі рыбку, ды… залатую

  • 28 февраль 2011, 16:16
  • 18 867
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 664
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 февраля 2018
Алексей, Антон, Евгений, Мария

Именины 24 февраля 2018
Всеволод, Гавриил, Георгий, Дмитрий, Захар, Порфирий

Госці краін
free counters
Партнеры сайта