Авторизация
 

Надоі павялічыліся

ААТ "Туркова" адна з нямногіх гаспадарак раёна, якія сёлета павялічваюць вытворчасць малака. З пачатку года надоі выраслі на 4,8%. Нават у маі, калі пры пераводзе статка на пашы  ў многіх сельгасарганізацыях  "згубілі" прадукцыю,  на мясцовых фермах прыплюсавалі да ўзроўню 2012 г. 104 ц (3,3%).

 

У дойным гурце таварыства 730 кароў. Размешчаны статак на дзвюх фермах, кожная з якіх забяспечвае рост прадукцыйнасці статка, а найвышэйшы ён на МТФ "Супорніца", дзе ад кожнай каровы за студзень-май атрымалі па 1950 кілаграмаў сырадою. Валавы надой — 853 тоны, што на 36 т больш леташняга. Гэта вынік старання ўсяго калектыву, асабліва аператараў машыннага даення Веры Паўлаўны Галавач, Наталлі Васільеўны Яшчэня, Зоі Генадзьеўны Дзямешка і Валянціны Мікалаеўны Шчамель. Аператары з МТФ "Гараўцы"  стараюцца не адставаць ад іх, але сапернічаць няпроста, бо тут статак утрымліваецца ў іншых умовах,  і тэхналогія даення  адрозніваецца. У калектыве лідарства па надоях трымае Марыя Дзмітрыеўна Гудак. Некалькі гадоў назад жанчына пайшла на льготную пенсію як мнагадзетная матуля, але работу не пакінула.

 

ААТ "Туркова" прадала малака ў параўнанні з леташнім больш на 4,8%. Таварнасць яго за пяць месяцаў склала 82,8%, а ў гэтыя дні ўзнялася да 93,5% (сярэднераённы паказчык — 86,3%).              

 

 Л. ГЕРАСЕНКА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 апреля 2021
Вадим, Гавриил, Марфа

Именины 21 апреля 2021
Иван, Сергей, Мария

Госці краін

free counters
Партнеры сайта