Авторизация
 

Начальнік упраўлення сельскай гаспадаркі і харчавання Аляксандр Шокель падзяліўся думкамі, як надаць другое дыханне сельгаспрадпрыемствам

 Нарада па пытаннях развіцця аграпрамысловага комплексу, якую ў Віцебску правёў Прэзідэнт, выклікала шырокую цікавасць да спраў на вёсцы, яшчэ большую – да чакаемых змяненняў. Асноўныя патрабаванні Кіраўніка дзяржавы наступныя: ліквідаваць расхлябанасць і безгаспадарчасць, плаціць людзям варты заробак і наогул павысіць матывацыю працы ў сельскай гаспадарцы, прадугледзець растэрміноўку выплаты даўгоў і нават прыватызацыю безна- дзейна стратных гаспадарак. На гэтым кропка не пастаўлена, выпрацоўка стымулюючых мер працягваецца. У снежні запланавана новая сустрэча Прэзідэнта з кіраўнікамі раёнаў і інтэграцыйных структур. Пасля з’явіцца адпаведны ўказ.

– Бясспрэчна, шлях да павышэння эфектыўнасці сельгасвытворчасці пачынаецца з навядзення парадку, умацавання дысцыпліны – працоўнай, выканальніцкай і тэхналагічнай, за нас гэта ніхто не зробіць, – падкрэсліў асноўнае Аляксандр Казіміравіч. – Гэта задача і абавязак кіраўнікоў і спецыялістаў усіх узроўняў. Аднак нельга змяншаць ролю і значэнне радавых супрацоўнікаў. Так, ад старання і адказнасці даярак і іншых работнікаў ферм цяпер залежаць памеры грашовых паступленняў. Задача-мінімум – на малаку (а іншай крыніцы пакуль проста няма) зарабляць столькі, каб фінансаваць бягучую гаспадарчую дзейнасць: мець сродкі на выплату заробку, пакупку паліва і запчастак для тэхнікі, аплату электраэнергіі, на падатковыя і іншыя плацяжы, разлікі з фондамі.


Краіна ў цэлым з гэтай задачай спраўляецца пры сярэднім надоі на карову ў 5 тысяч кілаграмаў малака за год. Задача рэальная і для нас, пра што сведчаць паказчыкі СУП «Цітова». Яшчэ нядаўна прыклад у атрыманні высокіх надояў паказвалі ААТ «Дрыгучы» і «Туркова». Летась па вобласці ад каровы ў сярэднім надаілі па 3 865 кілаграмаў. Пры гэтым раён з вялікімі намаганнямі імкнецца замацавацца на ўзроўні 3 тысяч кг. З улікам існуючых малочнатаварных комплексаў з даільнымі заламі, узво- дзімай новай у ААТ «Мікалаёўскі» і ўсіх ферм з малакаправодамі, дзе тэхналогію нельга назваць неэфектыўнай, састарэлай, разлічваць можна і трэба на большае.


Апошнім часам надоі стабілізаваліся дзякуючы абагачэнню рацыёнаў канцэнтратамі. Міёрскі ККЗ пастаўляе для дойнага пагалоўя штомесяц па 600 тон камбікармоў з утрыманнем 18 % пратэіну. Прыбаўку надояў да леташняга ўзроўню забяспечваюць усе гаспадаркі. Такую сітуацыю трэба захаваць намаганнямі механізатараў, што рыхтуюць кармасумесі, дзённых і начных вартаўнікоў, што абслугоўваюць кармавыя сталы, непасрэдна даярак, якія клапоцяцца пра статак, і спецыялістаў на ўзнаўленні.
Наступны шлях павелічэння грашовых паступленняў – якасць малака, і тут амаль палове нашых сельгаспрадпрыемстваў шмат трэба зрабіць.


Шэраг нашых гаспадарак увахо- дзіць у інтэграцыйную структуру Полацкага КХП. Дзякуючы гэтаму істотна абноўлены іх машынна-трактарны парк. Энерганасычаныя трактары і адпаведная навясная і прычапная тэхніка дазволілі істотна павялічыць тэмпы ворыва і сяўбы, сучасныя камбайны ставяць рэкорды па намалотах. Пры гэтым усё больш відавочным становіцца неабходнасць берагчы дарагую тэхніку, своечасова яе абслугоўваць і эфектыўна выкарыстоўваць. Павышаецца адказнасць механізатараў, якая патрабуе заканадаўчага і дакументальнага афармлення.


Структура пасяўных плошчаў на 2020 год істотна не мяняецца, насення дастаткова. Сёлета забяспечана прыбаўка ўраджаю зерневых і зернебабовых культур. Захаваць гэтую тэндэнцыю – задача не толькі агранамічнай службы. На парадку дня рамонт і падрыхтоўка тэхнікі – чарговае выпрабаванне для інжынерных кадраў. Разуменне ўласнай адказнасці ёсць. Дзяржава падтрымку абяцае, але ніхто за нас сітуацыю не палепшыць.

Фота з архіва рэдакцыі.

Гутарыў Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта