Авторизация
 

Пра парадак на машынных дварах гаварылі на вучобе-семінары ў Васілішках

 Нядаўна на базе аграгарадка Васілішкі ў Шчучынскім раёне Гродзенскай вобласці прайшла рэспубліканская вучоба-семінар для спецыялістаў абласнога ўзроўню і райсельгасхарчаў па падрыхтоўцы сельскагаспадарчай тэхнікі да палявых работ 2020 года, арганізацыі яе рамонту. 

Таксама аналізавалі пастаноўку машын і агрэгатаў на працяглае захоўванне, выкананне патрабаванняў аховы працы, транспартнай і пажарнай бяспекі. Па гэтых пытаннях выступалі адказныя работнікі Мінсельгасхарчу, адпаведных органаў, служб і ўстаноў.


Удзельнікі семінара пазнаёміліся з вытворчай базай, практыкай работы і вопытам вырашэння прадугледжаных праграмай вучобы пытанняў непасрэдна ў ААТ «Васілішкі», а таксама «Мінойтаўскім РС», «Ліда-агратэхсэрвісе», «Лідааграпраммашы». І на раённым узроўні ім таксама надаецца належная ўвага, а патрабаванні толькі павялічваюцца. Кіраўнікам і інжынерным службам нашых сельгаспрадпрыемстваў трэба прыняць да ведама, што кантрольныя органы будуць правяраць захаванасць тэхнікі, выкарыстанне паліва і іншых матэрыяльных рэсурсаў, пастаноўку на працяглае захоўванне ўсіх невыкарыстоўваемых у зімовы час машын, а гэтыя работы патрабавалася закончыць у лістападзе.


З 2 снежня пачаўся месячнік па навядзенні парадку на машынных дварах. Да 15 снежня неабходна здаць у рамонт усе няспраўныя вузлы і агрэгаты. Да пачатку лютага пастаўлена задача закончыць рамонт глебаапрацоўчай тэхнікі. Узмацняецца кантроль за тэхнічным абслугоўваннем трактараў, у першую чаргу энерганасычаных. У гэтым вялікая роля непасрэдна механізатараў. Таму на парадку дня востра паўстала патрабаванне заключыць з імі дагаворы аб поўнай матэрыяльнай адказнасці за ўсю замацаваную тэхніку. Яе трэба берагчы і эфектыўна выкарыстоўваць.


Трывогу выклікае востры недахоп механізатарскіх кадраў на сяле, тэхніка бяспекі. Аналіз сведчыць, што большасць няшчасных выпадкаў і калецтваў на вытворчасці здараюцца менавіта па прычыне нізкай працоўнай, тэхналагічнай і выканаўчай дысцыпліны.
Яшчэ раз падкрэслім, што галоўнае сведчанне ўзроўню гаспадарання – парадак на машынным двары і ў майстэрні.

Фота для ілюстрацыі.

Аляксандр МЫШКО, намеснік начальніка аддзела
вытворчасці сельгаспрадукцыі райсельгасхарчу.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 апреля 2021
Вениамин, Иван, Иннокентий, Иосиф, Анна

Именины 12 апреля 2021
Захар, Иван

Госці краін

free counters
Партнеры сайта