Настаў час, калі зімовыя кармавыя запасы папаўняюцца ў асноўным за кошт кукурузы. У ВУПКУ «Міёрскі» яна на многіх палях набрала вышыню, калі не толькі чалавека, трактара за ёй не бачна.

Гаспадарка адной з першых прыступіла да закладкі сіласу з каралевы палёў. Яе жне і здрабняе на комплексе «Палессе-250» машыніст Міхаіл Цярэшка. Адвозяць зялёную масу да траншэяў на жывёлагадоўчы комплекс у Мілашове трактарысты Уладзімір Радзішэвіч і Андрэй Рачыцкі. Уладзімір Антонавіч на МТЗ-1221 за дзень паспявае зрабіць 9 – 10 рэйсаў: прычэп хаця і вялікі, але пры высокай ураджайнасці кукурузы сіласнай масай напаўняецца хутка.

Фота Казіміра БЛАЖЭВІЧА.
Леанід МАТЭЛЕНАК.