Авторизация
 

Рыхтуем цяпліцу да пасадак

 Заўзятыя агароднікі ведаюць, што рыхтаваць цяпліцу да наступнага сезона неабходна ўжо восенню. Аднак не заўсёды хапае на гэта сіл і часу. Калі пасля збору ўраджаю не зрабілі генеральную ўборку, самы час узяцца за яе цяпер.

УБОРКА. Перш-наперш падграбіце мінулагоднія рэшткі пустазелля. Затым пусціце ў цяпліцу святло. Агледзьце плёнку: старую і трывалую можна памыць, рваную — замяніць.


Цяпліцу з полікарбанату адмываюць мыльнай вадой пры дапамозе мяккай баваўнянай тканіны. Аднак будзьце асцярожныя: мыла не павінна трапіць у пажыўны грунт. Металічны каркас апрацоўваюць растворам ад іржы, які можна замяніць сумессю соку лімона і воцату ці содай, разведзенай у вадзе або разрэзанай бульбінай.


ДЭЗЫНФЕКЦЫЯ. Апрацуйце цяпліцу ад хвароб і шкоднікаў. Прадэзынфіцыраваць памяшканне неабходна да таго, як высадзіце расаду. Хтосьці выбірае гашаную вапну, іншыя аддаюць перавагу меднаму купарвасу. 10 % растворам праціраюць сцены і дах цяпліцы. Гэта адпуджвае ўзбуджальнікаў мучністай расы, фітафтарозу, розных гнілей, паршы, курчавасці і бактэрыёзаў.


Карыснай прафілактыкай ад шкоднікаў і хвароб стане прапарванне. Пры тэмпературы звыш 30 градусаў яны гінуць. У сонечны дзень шчыльна зачыніце дзверы і вокны цяпліцы, а вечарам добра праветрыце.


Прыгатуйце раствор: здрабніце 40 грамаў часнаку і заліце вядром вады, настойвайце 24 гадзіны. Апырскайце сумессю расліны, прамыйце садовы інвентар і сцены цяпліцы.


Для цяпліцы з полікарбанату паўвядра лапак сасны або сухіх галінак крапівы заліце кіпенем і настойвайце. Праварыце 20 хвілін і астудзіце. Пратрыце полікарбанатныя лісты.


АБАГАЧЭННЕ ГЛЕБЫ. Паколькі ў цяпліцы кожны год растуць адны і тыя ж расліны — глеба стамляецца. Яе неабходна насычаць пажыўнымі рэчывамі. Для гэтага можна зняць 10 - 20 сантыметраў зямлі і падсыпаць гатовы грунт або прыгатаваць сумесь з зямлі, рачнога пяску, торфу, вапны і перагною. Дадайце ў глебу кампост, пілавінне, кару дрэў. Але не перастарайцеся, бо вялікая колькасць угнаенняў можа загубіць расаду.


Не лішнім будзе пасяліць у цяпліцы сідэраты (расліны, якія паляпшаюць структуру глебы, абагачаюць яе азотам і змагаюцца з пустазеллем). Падыдуць белая гарчыца, віка, жыта, авёс, крэс-салата. Аднак гэта неабходна рабіць пасля збору ўраджаю.
ПРАГРАВАННЕ. Пасля зімы неабходна прагрэць глебу ў цяпліцы. Адчыніце дзверы і вокны, каб пусціць сонечнае святло. Калі яго недастаткова, уключыце абагравальнік або ўстанавіце печ.


Можна пракапаць траншэі на глыбіню штыка рыдлёўкі ўздоўж градак, праліць іх добра падагрэтай вадой.
Калі ў полікарбанатнай цяпліцы градкі падняты адносна зямлі на вышыню каля 50 сантыметраў, глеба нават у суровыя маразы не прамярзае. 

Фота Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 376
  • 0

Інвестыцыйны форум

  • 23 сентябрь 2011, 10:05
  • 77 128
  • 1

Злавілі рыбку, ды… залатую

  • 28 февраль 2011, 16:16
  • 48 779
  • 0

Пераброддзе 2012. Погляд вучонага

  • 31 август 2012, 15:19
  • 39 344
  • 0

  • 11 февраль 2011, 11:20
  • 38 085
  • 0

Кандыдатамі жадаюць стаць

  • 21 август 2012, 15:30
  • 35 229
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 201
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 апреля 2019
Василий, Давид, Иван, Сергей, Мария, Марфа

Именины 24 апреля 2019
Ефим, Иван, Николай, Петр, Прохор, Яков

Госці краін
free counters
Партнеры сайта