Авторизация
 

Па вуліцы Цэнтральнай у Волкаўшчыне

 Ідзём па вуліцы Цэнтральнай у Волкаўшчыне са старэйшынай вёскі Таццянай Казлоўскай. Гляджу па баках — на сельскіх падворках чысціня і парадак. Яшчэ пачатак красавіка, а вяскоўцы ўжо паклапаціліся пра акуратны выгляд сваіх сядзіб.

— Мне не трэба нагадваць аднасяльчанам пра добраўпарадкаванне падворкаў. Як сыдзе снег і крыху пацяплее, яны ўжо завіхаюцца на сваіх участках. Пакажацца адзін гаспадар у двары — за ім суседзі наводзіць чысціню спяшаюцца. Нібы нейкае негалоснае спаборніцтва ідзе, — расказвае па дарозе Таццяна Іосіфаўна.


 Парадак ля адміністрацыйных будынкаў. Тэрыторыю былога аддзялення паштовай сувязі даглядаюць мясцовыя паштальёны. Ля ФАПа завіхаецца з граблямі санітарка Вольга Юршэвіч. Дагледжаны і прыбраны яе ўласны падворак. Гаспадары нават сцёкавую канаву паблізу дома вычысцілі.


У Волкаўшчыне межы чысціні не абмяжоўваюцца сваёй агароджай. Сяльчане зграбаюць лістоту, прыбіраюць смецце з абочын, прылеглых да іх падворкаў. Старэйшына прыгадала вясковую жанчыну Лілію Якаўлеўну Смулькевіч, якая сачыла за парадкам на аўтобусным прыпынку. Яе дом стаяў насупраць праз дарогу, і гаспадыня не мірылася са смеццем, што пакідалі пасля сябе тыя, хто чакаў транспарт ці проста бавіў там час.


   ПРАХОДЗІМ міма сядзібы Генадзя Іванавіча і Галіны Аляксандраўны Аўласевічаў. Афарбаваныя ў розныя колеры цагліны дома ўтвараюць геаметрычныя ўзоры.


— Мінулым летам гаспадары асвяжылі фарбу. Абодва на заслужаным адпачынку, разам даглядаюць падворак, — гаворыць старэйшына. — Большасць вяскоўцаў — пенсіянеры. Аднак пакуль ёсць сілы і дазваляе здароўе, клапоцяцца пра акуратныя падворкі.
Пазнаю дом работніцы мясцовай гаспадаркі Алы Івановай. Два гады таму прыязджалі любавацца россыпамі кветак на гэтай сядзібе. Квецені яшчэ не відаць, але і без яе падворак не губляе прывабнасці.


На пагурку — дом шматдзетнай сям’і Віктара і Таццяны Гарноўскіх. Гаспадары былі пераможцамі раённага конкурсу па добраўпарадкаванні. Па-ранейшаму трымаюць марку.


Мінулагодняй лістоты і рэшткаў сухой расліннасці не знойдзеш на падворку пенсіянераў Іосіфа Альфонцавіча і Леангіны Купрыянаўны Лапыроў. Засталі іх за працай. Гаспадыня палола зімовы часнок.


 — Унукі дапамагаюць парадак наводзіць. З Міёр прыязджаюць,  — расказвае яна. — Учора да пазна ў нас працавалі. У садку пачысцілі, дровы склалі.


ЧЫСТЫМІ і ўтульнымі імкнуцца рабіць свае падворкі дачнікі. Толькі дамы, што засталіся без гаспадароў, хаваюцца за кустоўем. Праўда, не ўсе. Старэйшына расказвае пра ўраджэнцаў вёскі, якія прыязджаюць у пустую бацькоўскую хату і прыбіраюць у двары.
Дагледжаныя вясковыя падворкі, нібы дэталі пазла, складаюць прывабную агульную карціну ўсяго мястэчка. 

Фотаматэрыял Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 376
  • 0

Інвестыцыйны форум

  • 23 сентябрь 2011, 10:05
  • 77 128
  • 1

Злавілі рыбку, ды… залатую

  • 28 февраль 2011, 16:16
  • 48 779
  • 0

Пераброддзе 2012. Погляд вучонага

  • 31 август 2012, 15:19
  • 39 344
  • 0

  • 11 февраль 2011, 11:20
  • 38 085
  • 0

Кандыдатамі жадаюць стаць

  • 21 август 2012, 15:30
  • 35 229
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 201
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 апреля 2019
Василий, Давид, Иван, Сергей, Мария, Марфа

Именины 24 апреля 2019
Ефим, Иван, Николай, Петр, Прохор, Яков

Госці краін
free counters
Партнеры сайта