Авторизация
 

Фермы на Міёршчыне “пабялеюць” да верасня

 З раніцы першымі пакідаюць тэрыторыю раённай ветэрынарнай станцыі ДУКі — дзве дэзынфекцыйныя машыны.  У экіпажы вадзіцель і санітар.  Маршрут  ім знаёмы, аб’ём работ вядомы, на ўдакладненне астатніх пытанняў і момантаў шмат часу не патрабуецца. Літаральна на некалькі хвілін удалося затрымаць аднаго з самых вопытных работнікаў — санітара Міхаіла ВАЙЦЯХОВІЧА, каб распытаць, чым займаецца.

— Дэзынфіцыруем і белім вапнай жывёлагадоўчыя фермы. Нядаўна працавалі ў Круках, што ў ААТ “Чэрасы”, потым прыйшла чарга жывёлагадоўчых памяшканняў “Міёрскага”, цяпер спяшаемся ў “Павяцце”, — коратка праінфармаваў Міхаіл Іванавіч. — За намі толькі работа, ядахімікаты і вапну павінен прадастаўляць заказчык. Сваю справу ведаем, а вось яе якасць залежыць не толькі ад нас: калі падрыхтоўка праведзена добра, памяшканні ачышчаны ад гною, пылу, павуціння і рэшткаў кармоў, пабелка будзе без жаўцізны. Можам праводзіць дэзінсекцыю зерняскладаў, некаторыя іншыя аперацыі, у якіх маюць патрэбу сельгаснікі.


Вадзіцель Пётр Калеснік прыйшоў з запоўненым пуцявым лістом — трэба ехаць. Следам скіраваўся экіпаж Васіля Жойдзіка і Уладзіміра Высоцкага.


— Займаемся не толькі дэзынфекцыяй і пабелкай жывёлагадоўчых памяшканняў і дэзынсекцыяй зерняскладаў, — дапоўніў галоўны ветэрынарны ўрач Мікалай Масал, — пры неабходнасці рыхтуем аэразолі для вільготнай апрацоўкі жывёлы. Калі мелі адпаведныя прэпараты, змагаліся з баршчэўнікам.


Працуем у цесным кантакце з сельгаспрадпрыемствамі. Менавіта яны павінны падрыхтаваць памяшканні для апрацоўкі: вымесці, вычысціць, адрамантаваць, мець неабходныя кампаненты. Сёлета прыступілі да справы пасля выгану статка на пашу. Сухое надвор’е спрыяе ў забеспячэнні высокай якасці ўсіх работ, ужо закончылі апрацоўку ферм у сельгаспрадпрыемствах “Цітова”, “Дрыгучы”, “Туркова”, “Мікалаёўскі”, “Узмёнскі край”, “Міёрскі”,”Гвардзейскі”. Апошнімі днямі ДУК на бензіне працаваў у “Чэрасах”, дызельны — у “Павяцці”, потым ён скіруецца ў “Мерыцу”. Дарэчы, і для нас, і для сельгаставарыстваў від паліва для аўтамашын мае важнае значэнне.


Хто кантралюе якасць работ?
— Гледзячы якіх. Калі размова ідзе пра падрыхтоўку памяшканняў да дэзынфекцыі і пабелкі, а можна гаварыць і да зімова-стойлавага ўтрымання статка, то гэта ўваходзіць у мае абавязкі. Раней былі нярэдкімі прадпісанні з адпаведнымі пакараннямі, апошнім часам да гэтага не даходзіць. Спецыялісты гаспадарак сталі больш адказнымі, хаця і не ўсе. Вялікую падрыхтоўчую работу яшчэ неабходна правесці ў жывёлагадоўчых памяшканнях ААТ “Мерыца”, больш старання ў ачыстцы ферм трэба праявіць у ВУПКУ “Юбілейны”. Ёсць прэтэнзіі да “Папшулёў” і “Наўгародаў”. Пакуль не спяшаліся займацца ўладкаваннем жывёлагадоўчых будынкаў у КУП “Язна” і ААТ “Пад’ельцы”. Мы ж плануем дэзынфекцыю і пабелку ўсіх ферм закончыць да верасня, каб потым адпусціць экіпажы ў водпуск і перанакіраваць іх на іншы ўчастак работы.


Што да якасці работы, якую выконваюць нашы спецыялісты, да іх пакуль прэтэнзій з боку прадстаўнікоў гаспадарак не было. Міхаіл Вайцяховіч добра ведае сваю справу, бо займаецца ёй адзінаццаты год. Уладзімір Высоцкі ў нас нядаўна, але прайшоў навучанне і набывае вопыт. Пры падтрымцы вадзіцеляў Пятра Калесніка і Васіля Жойдзіка яны мадэрнізуюць абсталяванне, нават вырабляюць распыляльнікі. Стараюцца ў рабочыя дні, бо нядрэнна зарабляюць, пры патрэбе на іх можна разлічваць і ў выхадныя.
Не першы год праблемай застаецца аплата за праведзеныя спецыялістамі раённай ветстанцыі работы.

Фота аўтара.
Гутарыў Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 630
  • 0

Злавілі рыбку, ды… залатую

  • 28 февраль 2011, 16:16
  • 94 982
  • 0

Інвестыцыйны форум

  • 23 сентябрь 2011, 10:05
  • 90 695
  • 1

  • 11 февраль 2011, 11:20
  • 43 655
  • 0

Пераброддзе 2012. Погляд вучонага

  • 31 август 2012, 15:19
  • 42 723
  • 0

Кандыдатамі жадаюць стаць

  • 21 август 2012, 15:30
  • 36 770
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 925
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 декабря 2020
Александр, Алексей, Борис, Григорий, Иван, Митрофан, Федор

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Госці краін

free counters
Партнеры сайта