Авторизация
 

У майстэрні ААТ "Туркова"

 На мехдвары і ў майстэрні  ААТ "Туркова" механізатары актыўна рыхтуюць тэхніку да вясенне-палявых работ. Нават 25-градусны мароз, які прыціснуў у канцы зімы, не напалохаў. Рамантавалі вузлы і агрэгаты ў мехмайстэрні, дзе ёсць ацяпленне. Для трактараў забяспечылі мыйку гарачай вадой.

— Рамантаваць пачалі восенню, перад тым, як паставіць тэхніку на захоўванне. На працягу ўсёй зімы займаліся гэтым. Цяпер перыяд большай актыўнасці, калі светлавы дзень даўжэй і на вуліцы пацяплела. Да пачатку сакавіка рамантавалі колавыя трактары. У адных перабіралі маторы, у іншых — каробкі перадач. У кожным давялі да ладу хадавую частку, гукавыя і электраасвятляльныя прыборы, абнавілі знешні выгляд: памылі, пафарбавалі. Стан большасці "сталёвых коней" ужо адпавядае нормам бяспечнай эксплуатацыі і ў тэхпашпартах ёсць адзнака аб праходжанні тэхагляду, — расказвае інжынер ААТ "Туркова" Аляксандр Жук.


На мехдвары трактары рознай мадыфікацыі. У ліку самых "старых" — МТЗ-80, які мясцовыя работнікі называюць "дзяжурным", бо цяпер ён падменны, задзейнічаны на лёгкіх транспартных работах. У ліку старажылаў "Кіравец", які ўжо можна спісваць. Аднак інжынерная служба дала энерганасычанаму трактару другое жыццё: летась капітальна адрамантавалі матор, каробку перадач, перабралі масты, замянілі многія запчасткі. Васіль Валянок, які ім кіруе, шануе трактар за простасць у рамонце, абы патрэбныя запчасткі былі.


Калі псуюцца сучасныя "Беларусы", начыненыя электронікай, даводзіцца выклікаць спецыялістаў з сэрвіснай службы, паслугі якіх нятанныя. На "Кіраўцы" вясной дыскуюць глебу, летам трамбуюць сянажныя і сіласныя ямы. Калі глеба пераўвільготненая, ён незаменны пры буксіроўцы "Беларусаў" і "МАЗаў" са шматтоннымі гружанымі прычэпамі, корма- і збожжаўборачных камбайнаў.


У гаспадарцы ёсць два "МТЗ-3022" і адзін "МТЗ-3522". На "трыццатках" працуюць Анатоль Атміновіч і Аляксандр Прашкевіч. У трактары Анатоля Эдуардавіча сёлета капітальна адрамантавалі рухавік. "Беларус" паедзе на вясенняе ворыва, будзе дыскаваць.


Спяшаецца завяршыць рамонт і Аляксандр Аляксандравіч, бо яму давядзецца шчыраваць на сяўбе з шыроказахопнай АПП-6Д. З шасціметровым універсальным агрэгатам АПП-6А на "МТЗ-3522" будзе працаваць вясной Іван Зуевіч. Інжынерная служба ўпэўнена, што яго трактар і сеялка таксама своечасова адрамантуюцца, бо ў добрых руках. Іван Георгіевіч у гаспадарцы штогод першым выязджае на палеткі і выконвае асноўны аб'ём работы. Задзейнічана яго тэхніка і восенню падчас сяўбы азімых. Цяпер механізатар рупліва перабірае АПП-6А, мяняючы зношаныя падшыпнікі, насенняправоды, чысцікі, загартачы, прыкатвальныя колцы.


— Тэхніка ў гаспадарцы замацавана за механізатарамі. Кожны ведае, якія агрэгаты трэба падрыхтаваць да вясенне-палявых работ. Інжынерная служба клапоціцца пра закуп неабходных запчастак. У рамонтных работах задзейнічаны не толькі трактарысты. Дапамагаюць токар, зваршчыкі, дзякуючы ім удаецца рэстаўраваць старыя дэталі і вузлы, эканомячы немалыя сродкі, — адзначае Аляксандр Жук.
Малады спецыяліст інжынернай службы ўсяго два гады працуе ў гаспадарцы пасля Горацкай сельгасакадэміі, але добра ведае, што ад якасці рамонту тэхнікі залежаць тэмпы сяўбы. У гарачы перыяд вясенне-палявых работ кожная тэхнічная адзінка на ўліку. 

На здымку: Механізатары-сеяльшчыкі з ААТ "Туркова" Іван Зуевіч і Аляксандр Прашкевіч, інжынер Аляксандр Жук (у цэнтры) за рамонтам пасяўнога агрэгата АПП-6А.

Фота К. БЛАЖЭВІЧА.

Эліза БЛАЖЭВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 153
  • 0

Інвестыцыйны форум

  • 23 сентябрь 2011, 10:05
  • 65 390
  • 1

Пераброддзе 2012. Погляд вучонага

  • 31 август 2012, 15:19
  • 32 030
  • 0

  • 11 февраль 2011, 11:20
  • 30 829
  • 0

Кандыдатамі жадаюць стаць

  • 21 август 2012, 15:30
  • 30 137
  • 0

Злавілі рыбку, ды… залатую

  • 28 февраль 2011, 16:16
  • 26 871
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 164
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 октября 2018
Авраам, Ефим, Константин, Максим, Петр, Яков

Именины 21 октября 2018
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Госці краін
free counters
Партнеры сайта