Авторизация
 

Сельгаспрадпрыемствы Міёршчыны пачалі справаздачную кампанію

 ААТ "Туркова" першым сярод сельгаспрадпрыемстваў пачало справаздачную кампанію, сход акцыянераў тут прайшоў суботнім днём 24 лютага. У яго рабоце прынялі ўдзел прадстаўнікі 51 працэнта акцый. Яны зацвердзілі акт рэгістрацыі, вызначылі, каму  дакумент падпісаць, абралі рабочыя органы, у тым ліку прэзідыум, зацвердзілі парадак работы і рэгламент. З дакладам аб выніках фінансава-гаспадарчай дзейнасці за 2017 год і асноўных напрамках развіцця сёлета выступіў дырэктар таварыства Іван Юрашак.

Мінулы год для "Туркова" аказаўся складаным не толькі з-за наступстваў дрэннага надвор'я, паўплывала і рэканструкцыя буйнога малочнатаварнага комплексу з даільнай залай "Супорніца". Таму раслінаводства і жывёлагадоўля не парадавалі дасягненнямі. Але механізатары і жывёлаводы стараліся, на кожнага работніка атрымана па 28 720 рублёў прадукцыі, толькі на 1,9% менш паказчыка папярэдняга года, і гэта самы вялікі паказчык у раёне.


Гаспадарка намалаціла 3849 тон зерня ў бункернай вазе пры сярэдняй ураджайнасці 33,8 цэнтнера з гектара. Акупнасць кілаграма дзеючага рэчыва мінеральных угнаенняў склала 6,9 кг збожжа пры нарматыве 6 кілаграмаў. Насення рапсу атрымана 267 тон ці па 7,6 цэнтнера з гектара. Лепшымі камбайнерамі названы Ігар Жураўскі, які выгрузіў з бункера 1121 тону зерня, Аляксандр Кураш — яго намалот 1102 тоны і Анатоль Протас з 932 тонамі.


Вадзіцель Міхаіл Лагун даставіў з поля 1149 тон збожжа, Вадзім Лахан — 1090 т, Васіль Талапіла — 976. Увесь ураджай давялі да ладу сушыльшчыкі Аляксандр Яшчэня на М-819 (на яго рахунку 1709 тон зерня), Аляксандр Стома на КЗСВ-30 (1665 т) і Уладзімір Шарковіч (976 т).


Кармавое поле гаспадаркі вялікае, сенакосы і пашы займалі 1965 гектараў, яны ўрадзілі нядрэнна. Аднак падвяла кукуруза, зялёнай масы з адведзенай пад яе плошчы летась сабрана амаль у чатыры разы менш папярэдняга года, адпаведна вырас сабекошт сіласу. Таму на ўмоўную галаву жывёлы зімовы запас склаў па 21,1 цэнтнера кармавых адзінак, з такім не надта разгонішся.


На сходзе адзначана старанне на нарыхтоўцы кармоў машыніста КВК-800 Расціслава Шаўлюгі, касцоў Васіля Капыльскага, Аляксандра Кураша і Антона Протаса, прасавальнікаў і ўкладчыкаў сена і саломы Віктара Насаля, Аляксея Фёдарава, Івана Янушонка, Аляксандра Пішчулёнка. Адвозкай зялёнай масы рупліва займаліся Іван Савуць, Анатоль Мядзелец, Алег Станкевіч, трамбоўкай—Ігар Станкевіч і Міхаіл Прашкевіч.


Кіраўнік гаспадаркі ставіць перад сабой і падначаленымі задачы правесці сяўбу і жніво ў аптымальныя тэрміны; павялічыць плошчы пад зернебабовымі да 20% ворыва; рацыянальна і эфектыўна выкарыстоўваць паліва, мінеральныя і арганічныя ўгнаенні, сродкі абароны; забяспечыць высокую якасць выканання ўсіх работ.


Жывёлагадоўля забяспечвае паступленне 80% грашовай выручкі. Аднак летась малака рэалізавана на 314 тон менш не толькі з-за рэканструкцыі комплексу, але і па прычыне знакамітага чалавечага фактара, гэта значыць недастатковай тэхналагічнай і працоўнай дысцыпліны. Сярэдні надой на карову склаў 4777 кілаграмаў, калі годам раней быў 5295 кг. 78,7% яго прададзена гатункам экстра.
У жывёлагадоўлі найбольш наглядна праяўляецца старанне і адказнасць работнікаў. Пры ўсіх складанасцях даярка Жанна Падкладнёва і за мінулы год надаіла ад кожнай каровы па 6735 кг малака, на 371 кілаграм больш, чым за папярэдні. Паказчык Марыі Гудак — 5632 кг, Галіны Яроменак — 5218. Толькі ёсць аператары і з надоем да 3500 кілаграмаў.


У гаспадарцы паляпшаюцца ўмовы працы для жывёлаводаў і ўтрымання для статка: адрамантаваны малочны блок на МТФ "Гараўцы", запоўнены кароўнік на 200 месц на "Супорніцы". За справаздачны перыяд атрымана 1092 цяляці, крыху павялічыліся прывагі на дарошчванні і адкорме дзякуючы добрасумленнай працы цялятніц Кацярыны Карсаковай, Марыны Ставінскай, Зоі Сіцько, даглядчыкаў Аляксея Карсакова, Андрэя Гануса, Юрыя Жураўскага, Мікалая Мішуты, Сяргея Яшчэня, Валерыя Жураўскага.


Ад рэалізацыі прадукцыі і аказання паслуг за мінулы год ААТ "Туркова" атрымала 3935 тысяч рублёў выручкі і 152 тысячы чыстага прыбытку, рэнтабельнасць невялікая — 2,3%, яна меншая, чым у папярэднім годзе. Самаакупная толькі вытворчасць малака, а раслінаводства і мясная жывёлагадоўля прыносяць страты. Таму рэзервы бачацца ў продажы статка вышэйшымі кандыцыямі, малака — у рэалізацыі надою толькі гатункам экстра, у раслінаводстве — у павышэнні аддачы ўгоддзяў. Яшчэ—у рацыянальным выкарыстанні ўсіх рэсурсаў.


Галоўная задача 2018 года — весці пашыранае ўзнаўленне па ўсіх напрамках не менш, чым на 12%, забяспечыць рэнтабельнасць продажу на ўзроўні 8%, знізіць выдаткі на 4%. За такія паказчыкі акцыянеры галасавалі дружна.


Пажадаў працаўнікам ААТ "Туркова" і надалей нарошчваць галоўны паказчык эканамічнага развіцця — выпрацоўку на кожнага работніка намеснік начальніка аддзела вытворчасці сельгаспрадукцыі райсельгасхарчу Аляксандр Мышко.


Зрабіла справаздачу аб дзейнасці назіральнага савета яе старшыня Наталля Янушонак. Як кіраўнік прафсаюзнай арганізацыі яна прапанавала ўнесці змяненні ў калектыўны дагавор. Што не выяўлена фінансавых і іншых парушэнняў, прагучала з даклада рэвізійнай камісіі, які агучыла Святлана Талапіла. Галоўны бухгалтар Ніна Кузьміч праінфармавала пра фінансавую сітуацыю ў гаспадарцы і напрамках выкарыстання прыбытку ў мінулым годзе і планах на сёлета. Яны зацверджаны галасаваннем.
Справаздачны сход абнавіў склад назіральнага савета і рэвізійнай камісіі. 

Фота Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 146
  • 0

Інвестыцыйны форум

  • 23 сентябрь 2011, 10:05
  • 65 382
  • 1

Пераброддзе 2012. Погляд вучонага

  • 31 август 2012, 15:19
  • 32 022
  • 0

  • 11 февраль 2011, 11:20
  • 30 821
  • 0

Кандыдатамі жадаюць стаць

  • 21 август 2012, 15:30
  • 30 130
  • 0

Злавілі рыбку, ды… залатую

  • 28 февраль 2011, 16:16
  • 26 864
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 157
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 октября 2018
Авраам, Ефим, Константин, Максим, Петр, Яков

Именины 21 октября 2018
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Госці краін
free counters
Партнеры сайта