Авторизация
 

Багата культур і клопатаў шмат
Штогод ААТ “Туркова” забяспечвае высокую ўраджайнасць сельгаскультур. Яшчэ адна адметнасць — багаты іх відавы склад. Мясцовыя раслінаводы вырошчваюць азімыя — жыта, пшаніцу, рапс, яравыя — ячмень, авёс, пшаніцу, трэцікале, зернебабовыя, а таксама бульбу, моркву, кукурузу.

Зразумела, за кожнай раслінай патрэбен асаблівы догляд. Вось і шчыруюць на палетках трактарысты з ранняй вясны да позняй восені. Цяпер асноўны клопат — хутчэй завяршыць сяўбу. Яравы клін у гаспадарцы складае 1183 га. У першыя дні мая загарнулі ў глебу насенне зерневых і зернебабовых на запланаванай плошчы, але клін пашырыўся — перасеялі азімыя, якія загінулі. Шчыруюць і на рапсавым полі, дзе таксама расліны не перазімавалі. Неспадзяваныя клопаты крыху замарудзілі тэмпы палявых работ.


Штодзённа на палетках задзейнічана 27-30 механізатараў, у кожнага свой адказны ўчастак работы. Іх працу строга ацэньваюць старшыня Віктар Іванавіч Сташкевіч і галоўны аграном Святлана Габдулаўна Сосік. Кіраўнік гаспадаркі кажа, што большасць трактарыстаў працуе бездакорна.
— Іван Зуевіч і Аляксандр Прашкевіч на “трыццатках” вядуць сяўбу збожжавых. Расціслаў Шаўлюга, Анатоль Протас, Віктар Талапіла, Алег Станкевіч апрацоўваюць глебу — шчыруюць з чызелямі. Уносяць мінеральныя ўгнаенні Сяргей Алеська, Сцяпан Шаўлюга, Васіль Якубаў, Аляксандр Кураш. Петр Заяц вядзе культывацыю на магутным К-701, — расказвае дыспетчар. — На баранаванні сельгаскультур задзейнічаны Пётр Дзямешка і Алег Катовіч, хаця апошні ў бліжэйшыя дні зоймецца пасадкай бульбы. Дарэчы, плошча пад “другім хлебам” сёлета ў нас павялічыцца з 50 га да 100. З пасадачнай машынай будзе працаваць Сцяпан Шаўлюга. Пры патрэбе механізатараў накіроўваюць з аднаго ўчастка на другі.
— Сёння я, напрыклад, заняты на полі з РДУ-1,5, а ў бліжэйшыя дні буду працаваць з іншым прычапным агрэгатам — прыеду на гэты ж участак з сеялкай — ужо сёмы сезон вясной загортваю насенне кукурузы, — адзначае Сяргей Алеська. — Настрой ва ўсіх трактарыстаў аптымістычны. Летась работы ускладняліся з-за зацяжных дажджоў, а сёлета надвор’е пакуль спрыяе.
Гаспадарка забяспечана палівам, угнаеннямі, хімпрэпаратамі для пратручвання насення і апрацоўкі пасеваў. Задача механізатараў — праявіць майстэрства. І гэта ім удаецца.
На здымку: Сяргей Алеська, Аляксандр Шульга і Канстанцін Галавач уносяць угнаенні на кукурузным полі
Э. БЛАЖЭВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 июля 2021
Аркадий, Лев, Елена, Ольга

Именины 23 июля 2021
Александр, Антон, Георгий, Даниил, Леонтий, Петр

Госці краін

free counters
Партнеры сайта