Авторизация
 

Корміць статак і маладняк на МТФ "Цвеціна"

 Трактар з "Гаспадаром" павольна рухаецца па кароўніку, пакідаючы за сабой стужкі травяністай  масы. А рагулі, выстраіўшыся ўздоўж  кармавых сталоў, з апетытам ядуць. За рулём "Беларуса" — Уладзімір Сямчонак.

Уладзімір Сямчонак ніколі не імкнуўся пакінуць родныя мясціны. Яго бацькі некалькі гадоў зараблялі грошы ў Казахстане, а затым вярнуліся дадому. Там, удалечыні, і нарадзіўся Уладзімір. Але лічыць сябе карэнным жыхаром вёскі Цвеціна, дзе прайшлі яго дзяцінства, юнацтва, сталенне.

— Каб накарміць дойны статак і маладняк на МТФ "Цвеціна", Уладзімір Ігнатавіч раніцай і вечарам робіць па пяць рэйсаў ад сянажных траншэй да фермы. Загружае кармы ў бункер без дапамогі іншай тэхнікі. Для гэтага "Гаспадар", які прадпрыемства атрымала сёлета, аснашчаны спецыяльнай фразой. Палепшылася і якасць: кармы добра здрабняюцца і перамешваюцца. За гэтым уважліва сочыць кіроўца "Гаспадара", — гаворыць намеснік начальніка дырэктара па жывёлагадоўлі УП "Цітова" Даната Шчалкун.


Між тым, Уладзімір Сямчонак справіўся з ранішняй работай і паведаміў пра гэта загадчыцы фермы Людміле Станкевіч.
— Добра ведае даручаную справу, паспяхова спраўляецца з працоўнымі абавязкамі. Адказны, старанны, — характарызуе механізатара Людміла Станкевіч.


Вясковец працуе ў жывёлагадоўлі на трактары на працягу ўсяго года. Зімой раздае кармы: штодзённа рыхтуе да 50 тон пажыўнай масы. А летам, калі каровы на пашы, забяспечвае работу даільных установак.


Жонка Уладзіміра Ігнатавіча таксама штодзённа завіхаецца ля жывёлы, але ў свінагадоўчай галіне. Раніцай Сямчонкі раз'язджаюцца ў розных напрамках і сустракаюцца толькі познім вечарам. Таму ля хатняй гаспадаркі шчыруюць пазменна. Раніцай і вечарам у асноўным жонка завіхаецца на падворку, а муж узімку больш часу мае — у перапынку паміж ранішнім і вячэрнім кармленнем статка. А вось летам ва Уладзіміра Ігнатавіча больш шчыльны графік работы.


Сын Сяргей працуе шафёрам у адной з арганізацый райцэнтра. Мае ўласную сям'ю. У вясковым доме Лілія Мікалаеўна і Уладзімір Ігнатавіч жывуць удваіх. Здаецца, можна і гаспадарку не трымаць, і агароды не садзіць. Але ж яны не з ліку тых, хто працуе ў паўсілы. Садзяць агарод, гадуюць жывёлу. Затое і агуркі маюць, і бульбачку, і розныя вясковыя прысмакі, якімі ахвотна дзеляцца з сынам.


Бацькі Уладзіміра Ігнатавіча працавалі ў жывёлагадоўлі, а сам ён з маленства хацеў стаць трактарыстам. Закончыў Боркавіцкае СПТВ і атрымаў прафесію вадзіцеля грузавых машын. Працаваў у калгасе на бензавозе. Калі апрануў салдацкую форму, думаў, што будзе кіраваць баявой тэхнікай. Аднак трапіў у разведвальную роту, дзе давялося асвойваць зусім іншыя навыкі. Пасля школы мужнасці і загартоўкі вярнуўся ў вёску. Сеў за рычагі трактара і на працягу многіх гадоў уносіць асабісты ўклад у развіццё сельгасвытворчасці.


— Колькі працую — столькі і вучуся, — сцвярджае трактарыст. — З прыбаўленнем стажу павышаецца і прафесійнае майстэрства. Напачатку займаўся земляробствам і асвойваў тэхналогію апрацоўкі глебы. Затым з сеялкай вучыўся тонкасцям якаснага загортвання насення ў глебу. Падчас нарыхтоўкі сена, сенажу і сіласу авалодваў майстэрствам работы з рознымі прычапнымі і навяснымі корманарыхтоўчымі агрэгатамі. Цяпер—за рулём "Беларуса" з кормараздатчыкам.


Уладзімір Сямчонак дасканала вывучыў тэхнічныя характарыстыкі і магчымасці "Гаспадара". Кажа, што трэба гэта не толькі для нарыхтоўкі якаснай кармасумесі, але і для падтрымання ў добрым тэхнічным стане дарагога абсталявання. Няўмелае абыходжанне з тэхнікай прыводзіць да паломак не толькі асобных дэталяў, але і цэлых вузлоў. Кожны, нават самы нязначны рамонт, патрабуе матэрыяльных укладанняў. Тады ў трактарыста і заробак істотна змяншаецца, хаця для Уладзіміра Ігнатавіча грошы не на першым плане. Ён хвалюецца, што прыпыняецца важная работа. Сёлета ў трактарыста, які кіруе новым "Гаспадаром", такіх непрыемных сітуацый няма, і ён своечасова забяспечвае харчаваннем жывёлу на вялікай малочнатаварнай ферме. 

Фота Казіміра БЛАЖЭВІЧА.

Эліза БЛАЖЭВІЧ.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 82 932
  • 0

Інвестыцыйны форум

  • 23 сентябрь 2011, 10:05
  • 47 590
  • 1

Кандыдатамі жадаюць стаць

  • 21 август 2012, 15:30
  • 21 028
  • 0

Пераброддзе 2012. Погляд вучонага

  • 31 август 2012, 15:19
  • 20 226
  • 0

  • 11 февраль 2011, 11:20
  • 19 102
  • 0

Злавілі рыбку, ды… залатую

  • 28 февраль 2011, 16:16
  • 18 215
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 070
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 января 2018
Галактион, Илья, Макар, Петр, Татьяна

Именины 24 января 2018
Виталий, Владимир, Иосиф, Михаил, Николай, Степан, Терентий, Федор

Госці краін
free counters
Партнеры сайта