Авторизация
 

Курс развіцця УП "Цітова" вызначаны

 Свята аграрыяў — прамежкавы этап падвядзення гадавых працоўных вынікаў. З чым сустракаюць яго хлебаробы і жывёлаводы УП "Цітова"? З такім пытаннем наш карэспандэнт звярнуўся да кіраўніка сельгаспрадпрыемства Франца ВЕРШАЛОЎСКАГА.

— Сёлета нямногія работнікі сельскай гаспадаркі Міёршчыны задаволены вынікамі намаганняў, але гэта не значыць, што не стараліся. Пэўны плён ёсць, — адзначыў Франц Віктаравіч. — Найперш, нашы хлебаробы павялічылі намалот зерня на 960 тон, жывёлаводы штодзень надойваюць на 1200-1400 кілаграмаў малака больш леташняга. Імкнёмся рэалізаваць яго толькі гатункам экстра. Дзякуючы намаганням намесніка дырэктара па жывёлагадоўлі Данаты Шчалкун стабільна працуе малочнатаварны комплекс "Цвеціна". Ёсць прыбаўка ў прывагах буйной рагатай жывёлы і свіней. Заканчваем рамонт свінагадоўчага камплексу, там аднаўляецца пагалоўе. Новы тэнтавы арачнік хутка прыме 200 цялушак. Дарэчы, на ферме ў Субачаве плануем паставіць клюшачнік для двухсот пяршачак на раздоі.


Будзем пашыраць майстэрні. Дзякуючы ўключэнню гаспадаркі ў інтэграцыйную структуру нам выдзелены энерганасычаныя трактары "Кіравец К-744" і "Беларус-3035", 12-метровая сеялка "Амазон", культыватар, дыскапак, 9-метровая касілка, шыроказахопны каток, 9-корпусныя абаротныя плугі. Для абслугоўвання і захоўвання тэхнікі неабходны належныя ўмовы.


Аднак асноўная ўвага ў гаспадарцы жывёлагадоўчым аб'ектам. Толькі для статка адных сцен недастаткова, важна напоўніць кармушкі…
— Сёлетняй зімой яны пуставаць не будуць. Больш плана назапашана сена і сенажу, убрана ўся кукуруза і закладзена 2460 тон сіласу—107% да задання. Дарэчы, на корманарыхтоўцы асабліва пастараўся механізатар Сяргей Ходзька на КВК-800. Увогуле на ўмоўную галаву жывёлы назапашана па 28 цэнтнераў кармавых адзінак травяністых кармоў. Гэта крыху менш леташняга, але складае 110% да запланаванай колькасці. Выручылі пасевы траў — канюшыны і канюшыны з цімафееўкай, якія займалі 540 гектараў.


Пашыраць плошчы пад травамі не плануеце?
— Структура пасяўных плошчаў у нас склалася, істотна мяняць яе не маем намеру. Хаця бялковую праблему вырашаць трэба. Пасеваў траў, кукурузы, а яе было толькі 167 гектараў, дастаткова для забеспячэння травяністымі кармамі буйной рагатай жывёлы. Праблема для нас і кармленне свінапагалоўя на комплексе, дзе найперш неабходна зерне, канцэнтраты. Сёлета намалацілі крыху больш за 4 тысячы тон збожжа пры ўраджайнасці 32 ц/га, што для сёлетніх умоў нядрэнна, а патрэбна мець мінімум на 2000 тон больш. Такую задачу стаўлю перад маладым галоўным аграномам Аляксеем Даражынскім, які адказна адносіцца да сваіх абавязкаў. Вырашаць яе неабходна ў асноўным за кошт росту ўраджайнасці. Гэта няпроста, бо з запланаваных 800 гектараў азімых пасеялі толькі 575. Працягваем ворыва зябліва, дарэчы, на новым "Кіраўцы" адначасова з іншымі трактарыстамі цяпер шчыруе з плугам Пётр Маняк. Хацелася б больш актыўна (неабходна не менш за 12 тысяч тон) уносіць пад будучы ўраджай арганіку. Што не паспеем, давядзецца рабіць вясной.


Разлічваеце на старанне механізатараў?
— Добрых працаўнікоў у нас нямала. У ліку перадавікоў найперш камбайнер-тысячнік і трактарыст Анатоль Сачыўка. На трактары і камбайне старанна працуе Анатоль Юршэвіч. Умелы спецыяліст па хімапрацоўцы пасеваў Валерый Грыдзюшка. З вопытных работнікаў бярэ прыклад малады механізатар Мікалай Валынец.


У жывёлагадоўлі лепшыя даяркі Людміла Маслоўская і Таццяна Клішэвіч, даглядчыкі-пастухі Фёдар Іваноў і Іван Баслак, цялятніца Наталля Разумчык.


Ствараем умовы для замацавання мясцовай моладзі і далучэння дадатковай рабочай сілы. Адрамантавалі пяць пустуючых двухкватэрных дамоў. Дзве кватэры выдзелілі сваім маладым сем'ям, дзв е — прыезджым, астатнія пакуль чакаюць новых гаспадароў.
Лічу, што гаспадарка развіваецца. Таму асабліва прыемна было на абласных "Дажынках"атрымаць з рук старшыні аблвыканкама Мікалая Шарстнёва ключы ад новенькай чорнай "Нівы" і пачуць словы падзякі нашым хлебаробам за старанне. З асаблівым задавальненнем перадаў іх усім працаўнікам УП "Цітова". 

Фота Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 90 584
  • 0

Інвестыцыйны форум

  • 23 сентябрь 2011, 10:05
  • 64 471
  • 1

Пераброддзе 2012. Погляд вучонага

  • 31 август 2012, 15:19
  • 31 369
  • 0

  • 11 февраль 2011, 11:20
  • 30 177
  • 0

Кандыдатамі жадаюць стаць

  • 21 август 2012, 15:30
  • 29 568
  • 0

Злавілі рыбку, ды… залатую

  • 28 февраль 2011, 16:16
  • 26 289
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 18 586
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 16 октября 2018
Денис, Иван, Павел, Петр

Именины 15 октября 2018
Андрей, Борис, Василий, Георгий, Давид, Иван, Константин, Михаил, Петр, Степан, Федор, Анна

Госці краін
free counters
Партнеры сайта