Авторизация
 

Малады касец з ВУПКУ "Міёрскі"

 Алена БАСІКІРСКАЯ.

Фота Казіміра БЛАЖЭВІЧА.

Яшчэ маленькі прынц Экзюперы раіў прачнуцца і адразу прывесці ў парадак сваю планету. Старшыня ВУПКУ "Міёрскі" Васіль Міхалкіў як сапраўдны кароль трымае ў ідэале ўсе падначаленыя вако-ліцы. Па яго ініцыятыве добраўпарадкаваны могілкі, створана дзіцячая пляцоўка з альтанкай, пясочніцай, арэлямі, выкапаны сажалкі, куды запушчана рыба. Добрых спраў на рахунку кіраўніка нямерана. І ўсё гэта ў многім дзякуючы старанным і адказным работнікам. Дзмітрый КАШКУР — адзін з такіх.

Маладога касца карэспандэнты сустрэлі за працай. Сваім жалезным канём "Штыль" ён за лазовым плотам абкошваў дзіцячую пляцоўку. Чацвёрты год Дзмітрый змагаецца з быльнёгам не толькі ў мясцовых ваколіцах, але і на ўсёй падначаленай тэрыторыі ВУПКУ "Міёрскі". У сферы абслугоўвання мясціны, як жартуюць тутэйшыя, ад "Латвіі да Пераброддзя". У пастаянным парадку могілкі, храмы, панская сядзіба ў Асада-Дзедіна, фермы, склады… Ці пералічыць усё, ды і ці трэба? Дастаткова сказаць, што Дзмітрый з ранку да вечара наводзіць парадак васьмікілаграмовай мотакасой, прымацаванай да плячэй.


— Напачатку ад цяжару шчаміла ў целе, цяпер нічога, прывык. Па спецыяльнасці я слесар-рамонтнік, гэтым займаўся ў гаспадарцы шэсць гадоў. Але і цяперашняя праца мне даспадобы, — упэўнены мужчына. За дзень ён спраўляе 30-40 сотак.


Калі вельмі спякотна, косіць на досвітку і адвячоркам. Але ў цэлым носіць на плячах сваю жалезную сяброўку не менш за восем гадзін. Сочыць за ёй, сам рамантуе, правярае камплектацыю, чаргуе леску і нажы ў залежнасці ад тэрыторыі. Шэсць-сем разоў у дзень падкормлівае бензінам, па 700-грамовых порцыях — у цэлым "Штыль" з'ядае пяць літраў.


У вольны час касец любіць парыбачыць, цікавіцца электронікай, умее наладзіць камп'ютар ці тэлефон, дапамагае бацькам з гаспадаркай. У Дзмітрыя ёсць свая сям'я, каханая жонка Аліса і першынец — гадавалы Косця. Мужчыну ўсяго 29, разам з тым ён паспеў зарабіць аўтарытэт у калег.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта