Авторизация
 

Абед для хлебароба ў ВУПКУ "Міёрскі"

Кацярына РЫНКЕВІЧ.

Фота Казіміра БЛАЖЭВІЧА. 

Штодня ў сталовай ВУПКУ "Міёрскі" гатуюць дзясяткі порцый першага, другога і трэцяга.

Сталовая на тэрыторыі мехмайстэрні. Займае некалькі памяшканняў на другім паверсе доўгага цаглянага будынка. Абеды для хлебаробаў гатуе галоўны повар Валянціна КАРНІЦКАЯ. Дапамагаюць кухонныя работнікі Вераніка ЛОМАШ і Таццяна БУРЭНЬ.

У двары ля ўваходу смачна пахне. Яшчэ палова дзявятай раніцы, а з каструль на пліце чуваць дружнае булькатанне. Галоўны повар прыходзіць на работу ў 6.00.


— Сёння на абед суп з пярловымі крупамі, рысавая каша з катлетай, яблычны кампот. На падвячорак грэчка з катлетай і кампот, — знаёміць з меню Валянціна Генадзьеўна. — З мінулага года працаўнікоў кормяць двойчы на дзень. Абеды забіраюць у адзінаццаць, падвячоркі ў тры гадзіны дня. Развозяць дзве машыны, каб у полі доўга не чакалі. У сталовую прыходзяць харчавацца паляводы, будаўнікі, зваршчыкі, аграномы. Гатуем 40-45 порцый. Колькасць удакладняю раніцай. У выхадныя заказ меншы.


Для работнікаў кухні на час вясенне-асенніх палявых работ чырвоных дзён календара не бывае. Сёлета ля пліты з пятага красавіка. Валянціна Карніцкая ў ролі галоўнага повара ўпершыню. Па спецыяльнасці пекар. Апошнія гады прыбірае адміністрацыйны будынак гаспадаркі. У сталовай была кухонным работнікам, развозіла абеды. Цяпер адказвае за смак прыгатаваных страў, за запас прадуктаў, чысціню памяшканняў, за правільна распісаныя ў сшытку грамы і нормы. Таццяна Бурэнь прыйшла ў сталовую з водпуску па доглядзе за дзіцяці. Яна швачка, але з кухняй "Міёрскага" знаёма з дзяцінства. Назірала, як тут гатуе абеды маці. Вераніка Ломаш другі сезон у сталовай. У яе спецыяльнасць повара. Валянціна Генадзьеўна звяртаецца за падказкамі да маладога спецыяліста.


— Першы месяц было вельмі складана. Асабліва з лічбамі і дакументацыяй. Ды і гатаваць на некалькі дзясяткаў чалавек не тое што для сям'і, — гаворыць повар. — Паступова ўнікла ў справу. Але штораз хвалююся, ці спадабаюцца абеды. Перажываю, калі вяртаюць посуд з недаедзеным.


Па словах повара, любімыя стравы хлебаробаў — халаднік і бульбяное пюрэ з катлетай. Не вельмі рады пярловай кашы. Меню на наступны дзень складаецца звечара. На першае гатуюць суп з капустай, гарохавы, боршч, бурачнік, расольнік. На другое — кашы з круп і катлеты, плоў, макароны па-флоцку. З напояў — кампот або чай. Фарш дастаўляюць з мясакамбіната. Крупы, макароны і хлеб закупляюць у мясцовым магазіне. Бульба, капуста, морква, цыбуля — з агарода гаспадаркі.


Дзень на кухні распісаны па гадзінах. Самыя гарачыя — да абеда. І ў прамым, і ў пераносным сэнсе. Вялікая электрычная пліта хутка награвае памяшканне. Бліжэй да адзінаццаці разліваюць суп і раскладаюць гарнір у тэрмабачкі, якія павязуць у поле, і ў міскі, што запоўняць сталы. Калі першы прыём ежы ў сталовай заканчваецца, бяруцца за ўборку. Мыюць посуд, ракавіны, падлогу. Да трох гадзін трэба прыгатаваць падвячорак і зноў навесці парадак.


— Работа на кухні незаўважная. Хтосьці лічыць яе лёгкай, а нам, самі бачыце, прысесці няма калі, — гаворыць Валянціна Генадзьеўна, памешваючы суп у вялікай каструлі.


Таццяна і Вераніка хутка наразаюць цыбулю і моркву. На чарзе мяса.
— Затое галодным ніхто не застанецца, — заўважаю.
— Акрамя нас саміх, — смяецца Таццяна.
— Сапраўды. Я сёння не снедала, кубачак кавы выпіць паспела, — кажа Валянціна.


Прыгатаваны абед атрымаўся смачным і сытным. Карэспандэнты газеты ў гэтым упэўніліся. Шчыра кажучы, хапіла б адной катлеты вагой у 150 грам. Тэксты пісаць — не камбайнам кіраваць. Хлебаробам, якія ў полі дапазна, харчавацца трэба грунтоўна. Як кажуць, добра папрацуеш — смачней паясі. І наадварот.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 94 019
  • 0

Інвестыцыйны форум

  • 23 сентябрь 2011, 10:05
  • 69 958
  • 1

Пераброддзе 2012. Погляд вучонага

  • 31 август 2012, 15:19
  • 35 573
  • 0

  • 11 февраль 2011, 11:20
  • 34 317
  • 0

Злавілі рыбку, ды… залатую

  • 28 февраль 2011, 16:16
  • 33 852
  • 0

Кандыдатамі жадаюць стаць

  • 21 август 2012, 15:30
  • 33 010
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 22 023
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 декабря 2018
Алексей, Андрей, Борис, Владимир, Дмитрий, Иван, Кирилл, Константин, Кузьма, Матвей, Моисей, Николай, Павел, Сергей, Степан, Федор, Вера, Маргарита, Мария, Мирра, Тамара, Афанасий

Именины 14 декабря 2018
Дмитрий, Наум, Порфирий

Госці краін
free counters
Партнеры сайта