Асноўнае пытанне парадку дня—вылучэнне прадстаўнікоў у склад участковых выбарчых камісій. І ў гэтай справе ветэраны аказаліся вельмі актыўнымі, яны прапанавалі 15 членаў арганізацыі ў спісы арганізатараў правядзення выбараў нашых бларускіх парламентарыяў.

Так, членам участковай выбарчай камісіі Міёрскага ўчастка для галасавання №28 выказана прапанова ўключыць пенсіянерку з вопытам удзелу ў падобных мерапрыемствах Марыю Іванаўну Хаданёнак, Міёрскага №29— актывістку не толькі ветэранскага руху Зою Васільеўну Родзіну, Міёрскага №30—бухгалтара райаграсэрвісу Ірыну Іванаўну Быкаву, Дзісенскага №31—Валянціну Аляксееўну Козел, Слабадскога №32—Алену Канстанцінаўну Красько, Узмёнскага №33—паштальёна Аліну Паўлаўну Мядзвецкую. 

Вядомым чалавекам  ва УП "Цітова" з'яўляецца ветэран працы Ірына Фёдараўна Капуста, у выбарчай кампаніі яна зможа праявіць актыўнасць у складзе камісіі Цвецінскага ўчастка для галасавання №35, Дварнасельскага №36—загадчыца зернесклада ААТ "Пад'ельцы" Ніна Аляксандраўна Конах, Пад'ельцаўскага №37—Уладзімір Уладзіміравіч Швяцоў, Чэраскага №38—бухгалтар ААТ "Чэрасы" Ала Мікітаўна Шаўчонак.

Не ў першы раз прапануецца арганізоўваць работу ля выбарчых урн пенсіянерцы Валянціне Зыгмундаўне Красько на Мікалаёўскім участку №39, Сяргею Георгіевічу Панізніку на Паташнянскім №47. Не толькі выдатна ведае справы ў жывёлагадоўлі галоўны заатэхнік ААТ "Дрыгучы" Валянціна Васільеўна Кураш, справіцца яна і з абавязкамі члена камісіі на Дрыгуцкім участку №48. Тое ж можна сказаць пра ветэранаў працы Валянціну Міхайлаўну Казельскую і Таццяну Аляксандраўну Глебка, якіх прапануецца ўключыць у склад камісій на Канцэраўскім участку для галасавання №50 і Язненскім №51.

Цяпер раённая ветэранская арганізацыя падбірае актыў для накіравання на ўсе ўчасткі для галасавання ў якасці назіральнікаў.

***

14 ліпеня адбылося пасяджэнне праўлення Міёрскай раённай арганізацыі грамадскага аб'яднання "Беларускі фонд міру". На ім таксама разгледжана пытанне аб накіраванні для ўдзелу ў выбарах свайго актыву. У склад выбарчых камісій прапанавана ўключыць інспектара па кадрах райаграсэрвісу Людмілу Іванаўну Буёнак—участак для галасавання №28 і начальніка аддзела жыллёва-камунальнай гаспадаркі райвыканкама Георгія Паўлавіча Бушунова—участак для галасавання №29.

***

Адбываецца вылучэнне членаў участковых выбарчых камісій на сходах працоўных калектываў і шляхам збору подпісаў выбаршчыкаў.