Авторизация
 

Генадзь ХАХЕЛЬ — эталон прыстойнасці ў Новым Пагосце

Геннадий ХАХЕЛЬ — эталон порядочности в Новом ПогостеАлена БАСІКІРСКАЯ 

Фота аўтара

Генадзя ХАХЕЛЯ калегі называюць эталонам прыстойнасці. Ён — прыкладны тата, муж, настаўнік, аднасяльчанін. "Дзе нарадзіўся, там і спатрэбіўся", — такой ісціны трымаецца Генадзь Яўгенавіч. Пасля педінстытута прыехаў настаўнічаць у родныя пенаты, стварыў сям'ю і стаў вельмі патрэбным. Вяскоўцы яму давяраюць і ведаюць, у просьбах ніколі не адмаўляе, паспрыяе. Генадзь Хахель у Новым Пагосце дэпутат мясцовага Савета. 

А яшчэ—фізік і спартсмен. У інстытуце паралельна скончыў два факультэты. Прафесійна займаўся біятлонам, цяпер рамантуе камп'ютары і тэлевізары. Лідар раённай лыжні. Яго вучні займаюць прызавыя месцы на раённай спартакіядзе па лёгкай атлетыцы.
Свой мандат атрымаў у 2003-м, і цяпер з ім. "Каб не быў дэпутатам, усё роўна дапамагаў бы. Імкнуся зрабіць усё, што ў маіх сілах",--расказвае. У просьбах не любіць адмаўляць і заўсёды спрабуе іх выканаць.


Дэпутата турбуюць праблемы сяла, бо вясковае жыццё яму па душы, і балюча, што моладзь з'язджае. Чаму так адбываецца? Верагодна, праблема нумар адзін— невялікі заробак. Аднак радуе, што маладое пакаленне, якое засталося ў Новым Пагосце і ваколіцах—надзейнае і прыкладнае. Добрых слоў заслугоўваюць шматдзетныя сем'і Гарноўскіх, Сухоўскіх, Апалькаў, Урбановічаў, Бараноўскіх.


Генадзь Хахель адказвае за вуліцы Міёрская і Юбілейная, перавулкі Рачны і Азёрны. Там жывуць каля 60 чалавек, якія па жаданні звяртаюцца да дэпутата. Не сакрэт, што кожнаму цяпер даступна любая інстанцыя. Тым не менш вясковы дэпутат—місія адказная. Яго слова аўтарытэтнае, з яго голасам лічацца, а да меркавання прыслухоўваюцца.


Пытанні, якія ўзнікаюць у сяльчан,--самыя жыццёвыя. Напрыклад, дастаўка паліва, падсыпка дарог, спілоўванне аварыйных дрэў. Усё пакрысе вырашаецца. У сельскай мясцовасці, калі разабрацца, кожны чалавек на віду. Беспрацоўныя звяртаюцца ў сельвыканкам або непасрэдна ў арганізацыю. Нядаўна для знаёмства з вакансіямі ахвочых запрашалі на сход грамадскага пункта аховы правапарадку. У мясцовых гаспадарках работнікі патрэбны. Да невялікага заробку добрай прыбаўкай могуць паслужыць даходы ад статка. У Новым Пагосце, Волкаўшчыне і ваколіцах жыве шмат дбайных рупліўцаў. Тым не менш з колішніх трох кароўскіх статкаў застаўся адзін. Паўплывала змяншэнне колькасці жыхароў, але, па словах дэпутата, і агульная зацікаўленасць да хатняй гаспадаркі скарацілася.


Грамадскі транспарт цяпер не надта запатрабаваны, бо многія аддаюць перавагу асабістаму аўто, якое даімчыць у любое месца і па зручным маршруце. Таму прыгарадны аўтобус да Міёр курсіруе тройчы на тыдзень, больш часты графік нерэнтабельны.


Як і ўсюды і заўсёды, у Новым Пагосце свае праблемы, радасці, таленты, рупныя працаўнікі і лайдакі-выпівохі. З навакольных вёсак некаторыя сем'і перабра-ліся сюды на пастаяннае жыццё, бо ёсць умовы і інфраструктура. Нехта выязджае ў пошуках лёгкага хлеба ці гарадскога ладу. Для дэпутата і настаўніка Генадзя Хахеля гэтае месца найдаражэйшае на зямлі, тут выраслі дачушкі, жыве з жонкай Эльвірай, якая настаўнічае ў Чапуках. Тут праца, адказныя вучні, на якіх ніколі не павышае голасу. Тут аднасяльчане, інтарэсы якіх ён прадстаўляе як дэпутат. Тут звычайнае вір-лівае жыццё—такое, як ёсць. 

 

 

 

 

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 629
  • 0

Злавілі рыбку, ды… залатую

  • 28 февраль 2011, 16:16
  • 94 966
  • 0

Інвестыцыйны форум

  • 23 сентябрь 2011, 10:05
  • 90 691
  • 1

  • 11 февраль 2011, 11:20
  • 43 652
  • 0

Пераброддзе 2012. Погляд вучонага

  • 31 август 2012, 15:19
  • 42 723
  • 0

Кандыдатамі жадаюць стаць

  • 21 август 2012, 15:30
  • 36 770
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 923
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Именины 4 декабря 2020


Госці краін

free counters
Партнеры сайта