Авторизация
 

Падарыце дзецям шчасце

Подарите детям счастье Кожнае дзіця павінна жыць у сям'і, дзе яго шчыра любяць, атуляюць пяшчотай і клопатам. А дзе атрымаць цеплыню чалавечых зносінаў сіротам, дзецям, якія засталіся без апекі бацькоў? У такой няпростай сітуцыі на выручку прыходзіць прыёмная сям'я. Як яе стварыць, спытаемся ў дырэктара Міёрскага раённага сацыяльна-педагагічнага цэнтра Валянціна Віктараўна Рымдзёнак.

 

— Прыёмная сям'я-гэта адна з форм прафесіянальнага клопату пра дзяцей, якія засталіся без апекі бацькоў. Утвараецца яна на аснове дагавора аб умовах выхавання і ўтрымання, працоўнага дагавора. Агульная колькасць дзяцей у прыёмнай сям'і, уключаючы родных і ўсыноўленых, як правіла, не павінна перавышаць 4-х чалавек (з улікам жылой плошчы).
Прыёмным маці ці бацьку як работніку сістэмы адукацыі налічваецца заробак, прадстаўляецца права на аплачваемы водпуск. Час працы залічваецца ў працоўны стаж.
Умовы ўтрымання, выхавання і адукацыі прыёмных дзяцей знаходзяцца на пастаянным кантролі спецыялістаў сектара аховы дзяцінства аддзела адукацыі і сацыяльна-педагагічнага цэнтра.
—Як утвараецца прыёмная сям'я?
— Асобы, якія жадаюць узяць на выхаванне дзіця, павінны звярнуцца ў аддзел адукацыі, спорту і турызму райвыканкама па месцы жыхарства, дзе іх пазнаёмяць з пералікам неабходных дакументаў, адкажуць на хвалюючыя пытанні. 
Спецыялісты сектара аховы дзяцінства ці сацыяльна-педагагічнага цэнтра правядуць абследаванне умоў жыцця, вывучаць асабістыя рысы дарослых, уклад і традыцыі сям'і, ацэняць псіхалагічную гатоўнасць бацькоў задаволіць асноўныя жыццёвыя патрэбы дзіця. Улічваецца і вопыт выхавання родных дзяцей.
Кандыдаты ў прыёмныя бацькі праходзяць навучанне ў сацыяльна-педагагічным цэнтры. Пасля гэтага аддзел адукацыі, спорту і турызму рыхтуе заключэнне пра магчымасць заявіцеляў стаць прыёмнымі бацькамі. Інфармацыю пра дзяцей, якія могуць быць перададзены на выхаванне ў прыёмную сям'ю і накіраванне для наведванняў іх для ўстанаўлення кантакту прадстаўляе спецыяліст сектара аховы дзяцінства.
—Хто патэнцыяльны кандыдат у прыёмныя бацькі?
— Прыёмнымі бацькамі могуць быць і жанчыны, і мужчыны за выключэннем: асоб, прызнаных судом недзеяздольнымі ці абмежаванымі ў дзеяздольнасці; пазбаўленых бацькоўскіх правоў ці абмежаваных у бацькоўскіх правах у судовым парадку; адхіленых ад апякунства (папячыцельства) за неналежнае выкананне абавязкаў, ускладзеных на іх законам; былых усынавіцеляў, калі ўсынаўленне адменена судом па іх віне; хворых, калі стан здароўя не дазваляе выконваць абавязкі па выхаванні дзіця; а таксама братоў, сясцёр, дзеда, бабулі дзяцей. 
У першую чаргу выхаванне прыёмных дзяцей давяраюць поўным сем'ям. Асаблівай перавагай карыстаюцца бацькі, якія маюць педагагічную, псіхалагічную, медыцынскую адукацыю, станоўчы вопыт выхавання дзяцей у якасці бацькоў, усынавіцеляў, прыёмных бацькоў, апекуноў (папячыцеляў).
—У чым заключаюцца правы і абавязкі прыёмных бацькоў?
— Бацькі ў адносінах да прынятага на выхаванне дзіця з'яўляюцца апекунамі (папячыцелямі). Яны абавязаны пражываць сумесна з ім, прадстаўляць адпаведныя санітарным патрабаванням умовы: асобныя пакой ці яго частку, ложак, рабочае месца, для гульняў, забяспечваць догляд, кантраляваць паводзіны і лад жыцця, арганізоўваць медыцынскае абследаванне і лячэнне ў выпадку неабходнасці. 


Прыёмныя бацькі не маюць права перашкаджаць іншым асобам усынаўленню прыёмных дзяцей.
Працоўны водпуск прыёмным бацькам прадстаўляецца адпаведна з графікам водпускаў аддзела адукацыі, з якім заключаны працоўны дагавор. На гэты перыяд аддзел адукацыі, спорту і турызму арганізуе летні адпачынак прыёмных дзяцей.
Час працы залічваецца ў агульны працоўны стаж.

 
Прыёмныя бацькі вядуць улік расходаў грашовых сродкаў, якія выдаткоўваюцца на ўтрыманне дзяцей.
Перадача дзяцей у прыёмную сям'ю не цягне за сабой узнікнення паміж прыёмнымі бацькамі і прыёмнымі дзецьмі аліментных і спадчынных праваадносінаў.
— А ці абавязкова патрэбнае навучанне прыёмных бацькоў?
— Як паказаў вопыт, звычайна людзі не ведаюць асаблівасцей развіцця дзяцей, якія засталіся без бацькоўскай апекі і стараюцца выкарыстаць уласны вопыт выхавання, які можа спатрэбіцца толькі часткова. У выніку робяць шмат памылак, спецыяльнае навучанне гэта папярэдзіць. 
— Якім з'яўляецца матэрыяльнае забеспячэнне прыёмнай сям'і?
— Аддзел адукацыі, спорту і турызму на ўтрыманне дзяцей-сірот і дзяцей, якія засталіся без папячэння бацькоў, штомесячна выплочвае грашовую дапамогу. 
Сіротам выплачваецца пенсія з выпадку страты кармільца, дзіця-інваліду — пенсія. Дзяржавы дапамагае ў арганізацыі аздараўлення і летняга адпачынку дзяцей і прадстаўляе бясплатныя пуцёўкі ў санаторыі, аздараўленчыя лагеры.

 

Калі марыце павялічыць сваю сям'ю, адчуваеце, што можаце выхоўваць яшчэ, верыце ў магчымасць змяніць жыцці абяздоленых хлопчыкаў і дзяўчынак, звяртайцеся ў сектар аховы дзяцінства аддзела адукацыі, спорту і турызму райвыканкама ці ў сацыяльна-педагагічны цэнтр, размешчаны па адрасе: г. Міёры, вул. Кастрычніцкая, д.28. Телефон для даведак 4-96-49. 

рейтинг: 
Пакінуць каментар
иконка
Комментировать статьи на сайте возможно только в течении 360 дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 28 января 2023
Вениамин, Гавриил, Герасим, Иван, Михаил, Павел, Прохор, Елена

Именины 27 января 2023
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Госці краін

free counters
Партнеры сайта