Авторизация
 

Распазнаць і выправіць

Навучыць дзяцей чытаць і пісаць — задача складаная. Не кожнаму лёгка даюцца гэтыя, на погляд дарослых, элементарныя рэчы. Здараюцца памылкі пры чытанні і пісьме: прапускаюцца літары, словы пішуцца разам або адно слова раздзяляецца на два. Бацькі, а часам і настаўнікі, лічаць прычынай няўважлівасць. Аднак калі такія памылкі паўтараюцца рэгулярна, гэта азначае, што ў дзіцяці часткова парушаны працэсы пісьма (дысграфія) і чытання (дыслексія). 


Як распазнаць парушэннні? Дзеці з дыслексіяй пры чытанні прапускаюць гукі, дабаўляюць непатрэбныя, скажаюць гучанне слоў, мяняюць літары месцамі, прапускаюць пачатковыя склады слоў, хуткасць чытання ў іх невысокая. Часта не могуць дакладна ўспрымаць на слых пэўныя гукі і выкарыстоўваць іх ва ўласным маўленні, пры чытанні і пісьме. Цяжка адрозніваць блізкія гукі: "Б"-"П", "Д"-"Т", "Г"-"К", "З"-"С", "Ж"-"Ш". Таму неахвотна выконваюцца заданні па мове, пераказ, чытанне — усе гэтыя віды работ не даюцца.


Пры дысграфіі дзеці з цяжкасцю авалодваюць пісьмом. У дыктантах і пісьмовых практыкаваннях шмат граматычных памылак. Яны не выкарыстоўваюць вялікія літары, знакі прыпынку, у іх непрыгожы почырк. У сярэдніх і старэйшых класах стараюцца абыходзіцца пры пісьме кароткімі фразамі з абмежаваным наборам слоў, але грубыя памылкі застаюцца.


Што рабіць, калі ў дзіцяці выявіліся дысграфія і дыслексія? Трэба трэніраваць маўленчы слых і літарны зрок. Аднаму спатрэбіцца год заняткаў, іншаму — некалькі месяцаў. Лепш за ўсё звярнуцца да дэфектолага, але трэба і самім займацца з дзіцяці.
Вось некалькі практыкаванняў, якія дапамогуць справіцца з дысграфіяй:
*штодня на працягу 5 хвілін дзіця ў любым тэксце (акрамя газетнага) закрэслівае зададзеныя літары. Пачынаць трэба з адной галоснай, потым перайсці да зычных. Варыянты могуць быць самыя розныя. Напрыклад, літару А закрэсліць, а літару О абвесці. Можна даваць парныя зычныя або тыя, у вымаўленні ці адрозненні якіх ёсць праблемы. Да прыкладу, Р-Л, С-Ш і да т. п. Калі выконваць такія практыкаванні штодня не больш за 5-10 хвілін, то праз 2-2,5 месяцы якасць пісьма палепшыцца;
*кожны дзень пішыце дыктанты па 15-20 слоў алоўкам. Невялікі тэкст пад сілу дзіцяці, і памылак у ім будзе менш. Правяраючы напісанае, памылкі не закрэслівайце, а адзначце іх на палях зялёным, чорным ці фіялетавым стрыжнем (ні ў якім выпадку не чырвоным). Затым дайце сшытак на выпраўленне дзіцяці;
*выконвайце практыкаванні на маруднае чытанне з ярка выражанай артыкуляцыяй і спісваннем тэксту.
Займаючыся з дзіцяці, улічвайце наступнае:
*забяспечвайце спрыяльныя ўмовы, каб дзіця адчувала хоць невялікі, але поспех;
*чытайце менш, але якасна;
*пазбягайце аб'ёмных тэкстаў і дыктантаў;
*на першых этапах больш працуйце з вусным маўленнем.
Калі вашаму дзіцяці неабходна дапамога, звяртайцеся да школьнага настаўніка-дэфектолага або да спецыялістаў ДУА "Міёрскі раённы Цэнтр карэкцыйна-развівальнага навучання і рэабілітацыі". Мы знаходзімся па адрасе вул. Юбілейная,8а. Тэлефоны 4-18-55, 3-35-83. Будзем рады вам дапамагчы!


Жанна КУРАШ, намеснік дырэктара ДУА "Міёрскі раённы ЦКРНіР". 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 867
  • 0

Інвестыцыйны форум

  • 23 сентябрь 2011, 10:05
  • 78 779
  • 1

Злавілі рыбку, ды… залатую

  • 28 февраль 2011, 16:16
  • 53 394
  • 0

Пераброддзе 2012. Погляд вучонага

  • 31 август 2012, 15:19
  • 40 324
  • 0

  • 11 февраль 2011, 11:20
  • 39 100
  • 0

Кандыдатамі жадаюць стаць

  • 21 август 2012, 15:30
  • 35 678
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 655
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 июня 2019
Александр, Алексей, Андрей, Даниил, Дмитрий, Иван, Акулина, Александра, Анна, Антонина, Пелагея

Именины 25 июня 2019
Андрей, Арсений, Иван, Петр, Степан, Тимофей, Юлиан, Анна, Мария

Госці краін

free counters
Партнеры сайта