Авторизация
 

Падарожжа «Сонейка»

Путешествие "Солнышка" Школьны аздараўленчы лагер “Сонейка” пры Мілашоўскай БШ дзейнічаў з 1 па 21 чэрвеня. Наведвалі яго  20 вучняў з 1 па 9 класы. У арганізаваных  мерапрыемствах  дзеці маглі праявіць сябе з розных бакоў. Заўважана, што найбольшую цікавасць выклікаюць розныя паездкі: у дарогу хлопчыкі і дзяўчынкі збіраюцца з вялікай ахвотай. Дзякуючы адміністрацыі УП “Міёрскі” ў лагеры былі арганізаваны аўтавандроўкі.

 

Першае падарожжа адбылося па роднай Міёршчыне. 8 чэрвеня наш лагер на аўтобусе адправіўся ў накірунку Лявонпаля. Экскурсаводам з’яўляўся настаўнік гісторыі Аляксандр Генадзьевіч Гайдзель. Ён на працягу ўсёй дарогі знаёміў з прыгожымі краявідамі, а ў Лявонпалі коратка расказаў пра гісторыю гэтай вёскі. Потым усе разам па бруку адправіліся да сядзібы Лапацінскіх. Дарога вяла праз алею. Здзівіла і ўразіла веліч былога панскага палаца. Яшчэ па расе дзеці абышлі вакол сядзібы, узняліся па прыступках, зрабілі фотаздымак на памяць. На жаль, з сумам дзецям прыходзілася тлумачыць, што зараз няма гаспадароў у гэтым доме, а таму ён знаходзіцца ў такім запушчаным стане.

 

Ад сядзібы пешшу адправіліся да помніка воінам, а потым падышлі да Траецкай царквы, якая зроблена без адзінага цвіка.

 

Наступным прыпынкам быў музей “Радзімазнаўства”. Там убачылі шмат старых рэчаў. Наглядальніца за музеем Таццяна Канстанцінаўна Кліманская расказала пра гісторыю некаторых з іх. Паслухалі мы і старэнькі  патэфон.

Затым накіраваліся да калоны ў гонар Канстытуцыі Рэчы Паспалітай 1791 г. Свой аповед прадоўжыў Аляксандр Генадзьевіч.

Адправіліся ў Міёры. Вітольд Антонавіч Ермалёнак правёў экскурсіі па музеях СШ №3.

 

19 чэрвеня лагер падарожнічаў на Браслаўшчыну. Шлях гэты быў асабліва цікавы. Наведалі музей Традыцыйнай культуры, краязнаўчы музей у Браславе. Разам з экскурсаводам прайшліся па Замкавай гары, паслухалі цікавыя легенды пра паходжанне назвы горада. Дзеці былі зачараваны відовішчам, якое адкрылася ім з вышыні гарадзішча.

 

Потым паехалі да вальераў з жывёламі. Тут прыйшлося пашукаць у кішэнях гасцінцы для лясных жыхароў. Казуль частавалі хлебам, яблыкам. А вось ад клеткі з мішкам дзеці доўга не хацелі адыходзіць, не шкадавалі для яго цукерак.

Завіталі мы і на гару Маяк. Прыгожыя ваколіцы Браслаўскіх азёр зачаравалі. А яшчэ дзецям спадабалася лесвіца, якая вядзе на гару. Стомы тут як і не было. Хлопчыкі і дзяўчынкі бегалі па прыступках  то ўніз, то ўверх. Дзеці дадому вярталіся задаволеныя і вясёлыя, хоць падарожжа ў гэты дзень было даволі працяглае.

 

Ад імя дзяцей і выхавацеляў лагера вялікі дзякуй адміністрацыі УП “Міёрскі” за арганізацыю экскурсій. Асабіста Васілю Дзмітрыевічу Міхалківу за супрацоўніцтва, чулыя адносіны  і разуменне ў такой важнай справе, як выхаванне дзяцей.

Н. ПРОТАС,

намеснік дырэктара лагера.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 июня 2021
Дмитрий, Иван, Константин, Мария, Ульяна

Именины 14 июня 2021
Василий, Гавриил, Давид, Денис, Иван, Павел, Вера, Виктория, Харита

Госці краін

free counters
Партнеры сайта