Авторизация
 

Пераможцаў конкурсу "Казка - цудоўная краіна" ўшаноўвалі ў Міёрах

 Дзіцячы конкурс «Казка – цудоўная краіна» правялі абласное аддзяленне Саюза беларускіх пісьменнікаў, тэатр «Лялька» і курсы «Мова нанова – Віцебск». На яго з 1 мая да 1 лістапада даслалі 90 дзіцячых работ. Самымі актыўнымі аказаліся юныя творцы са школ Міёршчыны. Гэтаму пасадзейнічала спецыяліст раённага аддзела па адукацыі Ірына Грыгор’ева, а натхнялі сваіх выхаванцаў настаўнікі. 

У Віцебск з раёна накіравана 13 работ, на многія журы звярнула ўвагу, а тры адзначыла ўзнагародамі. Падвядзенне вынікаў праходзіла ў абласной бібліятэцы, куды нашы юныя казачнікі паехаць не змаглі. Свята для іх прывёз член журы, пісьменнік і наш зямляк Франц Сіўко. Яно адбылося ў лютым у раённай дзіцячай бібліятэцы.

 Вядучая – бібліятэкар Анастасія Драба – напачатку нагадала дзецям, што казкі праз фантастычныя, чароўныя вобразы і падзеі вучаць дабрыні, сумленнасці, знаходлівасці, уменню адрозніваць добрае ад дрэннага, не здавацца ў цяжкую хвіліну, любіць працу, бацькоў і родную старонку. Гэта творы, на якіх выхоўваюць дзетак.


Свята адкрыў дуэт «Вяснушкі» з Дворнасельскай школы: Валерыя Калеснік і Уладзіслаў Чынікайла праспявалі песню «В тридевятом царстве». Мяркую, яе асабліва цікава было пачуць аўтарам-казачнікам, сярод якіх Паліна Максімовіч, Паліна Ашурка і Яўген Івашкевіч з СШ № 2, Уладзіслаў Крэміс, Арцём Рубанік і Арцём Машэй з СШ № 3 імя Я. Томкі, Ксенія Осіпава з Язна, Валянціна Шымуковіч з Сіцькова.


Франц Сіўко ўручыў дыпломы пераможцам. Першай узнагароду атрымала самая маленькая казачніца – Ефрасіння Шчарбіцкая са Слабады. Яна з таленавітай, актыўнай шматдзетнай сям’і. Пра творчую атмасферу, у якой растуць дзеці, пра любоў да роднай мовы апавядаў яе бацька, прачытаў свой верш пра маці. А юная казачніца бойка расказала конкурсны твор пра маленькую дзяўчынку Фросю, якая сябруе з кузуркамі і птушкамі, таму і ёй дапамаглі мураш і сінічка. Дзяўчынка да таго ж намалявала сваіх памочнікаў.
Багдан Варонька – творца сучасны, разам з сябрамі ён падрыхтаваў буктрэйлер па сваёй казцы. Яго прадэманстравалі на экране. Здзівіў і нашу аўдыторыю, і абласное журы, якое адзначыла аўтара дыпломам.


 Яшчэ адным прызёрам стаў Іван Лісічонак – вучань Дворнасельскай школы. Ён напісаў казку і надрукаваў яе ў кніжачцы, якую падарыў удзельнікам свята.


Адным словам, нашы дзеці таленавітыя, узнагароды атрымліваюць заслужана. Пры гэтым Франц Сіўко нагадаў, што з казак пачыналі творчасць школьніцамі цяпер вядомыя ва ўсёй рэспубліцы сёстры-пісьменніцы Алена Масла і Наталля Бучынская, вершы для дзяцей пісалі паэты-землякі Пятро Сушко і Сяргей Панізьнік. Цяперашнім юным творцам ён пажадаў развівацца, не засмучацца няўдачамі ці адсутнасцю настрою, працаваць над сабой, калі нешта не атрымалася сёння – зрабіць заўтра.


стаць мерапрыемству цікавым, святочным, казачным дапамагалі іншыя юныя таленты. Пад гітару спяваў вучань СШ № 2 Аляксандр Дзеравянчык, класічную кампазіцыю – санату № 14 Бетховена – выканаў Уладзімір Іваноў, яшчэ раз парадавалі нумарам з парасонамі дворнасельскія «Вяснушкі». Школьнікі ўдзельнічалі ў віктарынах «Загадкі з вясёлай хаткі», па веданні прыказак «Скарбонка мудрасці», па кнізе Франца Сіўко «Бялячык». Пазнаёміліся з выставай дзіцячай літаратуры, якую прэзентавала Валянціна Лакотка. Выслухалі добрыя пажаданні ад прадстаўніка аддзела па аддукацыі Ірыны Грыгор’евай. Запрасіў юных аўтараў супрацоўнічаць з раённай газетай яе карэспандэнт.

Фотаматэрыял аўтара.

Леанід МАТЭЛЕНАК.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 164
  • 0

Інвестыцыйны форум

  • 23 сентябрь 2011, 10:05
  • 85 382
  • 1

Злавілі рыбку, ды… залатую

  • 28 февраль 2011, 16:16
  • 79 675
  • 0

Пераброддзе 2012. Погляд вучонага

  • 31 август 2012, 15:19
  • 42 330
  • 0

  • 11 февраль 2011, 11:20
  • 41 049
  • 0

Кандыдатамі жадаюць стаць

  • 21 август 2012, 15:30
  • 36 430
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 576
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 апреля 2020
Василий, Виктор, Виссарион, Герман, Иван, Максим, Мирон, Никита, Севастьян, Сергей, Александра, Клавдия, Мария, Прасковья, Светлана, Ульяна

Именины 1 апреля 2020
Дмитрий, Иван, Иннокентий, Дарья, Софья

Госці краін

free counters
Партнеры сайта