Авторизация
 

Конкурс "Настаўнік года-2020" прайшоў на Міёршчыне. Крэатыў і эмоцыі зашкальвалі

 Яркім і запамінальным атрымаўся другі вочны тур раённага этапа рэспубліканскага конкурсу «Настаўнік года», што прайшоў 29 студзеня ў СШ № 2.

Трынаццаць найлепшых педагогаў Міёршчыны раскрылі грані сваёй асобы праз песні, танцы, тэатралізаваныя прадстаўленні. Іх падтрымлівалі вучні і калегі.

Хіт-парад
захопленых прафесіяналаў

«Пока смеется мне ребенок, я знаю, для чего живу», – адзначыла выхавацель Міёрскага яслі-сада № 3 Наталля Танкавід. Выступала першай, трымалася на сцэне ўпэўнена. Вясёлым танцам падтрымалі канкурсантку выхаванцы. Шмат добрых слоў прагучала ад бацькоў у відэароліку.


 Трынаццаць гадоў у сваёй прафесіі Святлана Маляўка. Як сама заўважыла, выхавацель – яе хобі і прызванне. Надзейны тыл Святланы – муж і дзве дачушкі. А яшчэ сваёй сям’ёй называе хлопчыкаў і дзяўчынак, якіх штодня таты і мамы прыводзяць у яслі-сад № 1.


Пра выхавацеля яслі-сада № 2 Ніну Лагун расказалі дзеці. Вясёлая і ўважлівая, добрая і пазітыўная, яна любіць сваю сям’ю, прафесію і выхаванцаў. А яшчэ прыгожа спявае, у чым пераканаліся журы і гледачы.


«Педагагічная паэма» А. Макаранкі і «Сэрца аддаю дзецям» В. Сухамлінскага ў ліку настольных кніг настаўніцы пачатковых класаў СШ № 2 Наталлі Протас. Абапіраючыся на традыцыі, настаўніца прымяняе на ўроках сучасныя тэхналогіі. Вучні са сцэны жадалі педагогу поспехаў і перамог. Калегі ў відэапрывітанні адзначалі яе прафесіяналізм і працавітасць.


 Разам са сваімі школьнікамі вучыцца настаўніца пачатковых класаў СШ № 3 імя Я. Томкі Валянціна Станевіч. Трыццаць тры гады працуе на Міёршчыне. Імкнецца быць цікавай для вучняў, таму традыцыйныя заняткі чаргуюцца з урокамі-падарожжамі, інтэграванымі ўрокамі, дзелавой гульнёй і іншымі формамі. Сваю задачу бачыць не толькі ў тым, каб даць дзецям веды. Важна навучыць пачаткоўцаў ве- рыць у сябе і рабіць правільны выбар.


Разам з настаўніцай пачатковых класаў Павяцкай школы Наталляй Шокель выйшлі на сцэну вучні і калегі. Спявалі і танцавалі, расказвалі пра творчага педагога. Як заўважыла канкурсантка, яе раман са школай пачаўся ў першым класе. Тады, не дачакаўшыся званка, яна стала збірацца ў сталоўку. На заўвагу настаўніцы адказала, што школа яшчэ будзе ёй ганарыцца. Так і сталася. Па словах дырэктара ўстановы Алены Паўлоўскай, паказчык крэатыўнасці ў Наталлі Міхайлаўны зашкальвае.


  «Вы само совершенство от улыбки до жестов», – гучала песня, пад якую разам са сваімі вучнямі танцавала настаўніца рускай мовы і літаратуры Чапукоўскай школы Алена Чарняўская. Педагога цэняць калегі і вучні, а яна заўважае, што не бачыць і не жадае шукаць іншага шляху ў жыцці. Абраная ў юнацтве прафесія на працягу адзінаццаці гадоў дорыць радасць і спрыяе самаразвіццю.


Галоўным героем тэатралізаванай візіткі настаўніцы рускай мовы і літаратуры Сіцькоўскай школы Анжэлы Кабяк стаў Аляксандр Сяргеевіч Пушкін. Удалым атрымаўся вобраз пісьменніка ў былога вучня Андрэя Ганебнага. У сваёй паэме, якую пачаў радком «Итак, она звалась Анжелой…», расказаў пра таленты і поспехі педагога.


 Па аўтарскай тэхналогіі 5D працуе настаўнік тэхнічнай працы Чапукоўскай школы Леанід Крэнь. 5D – гэта добразычлівасць, даступнасць, давер, дысцыпліна і дэмакратыя. Выступленне канкурсанта суправаджалі дасціпныя жарты, гукі акардэона і вясёлыя прыпеўкі.


Дрэс-код настаўніка фізічнай культуры Туркоўскай школы Андрэя Лапіцкага – спартыўная форма. На сцэну выйшаў у строгім касцюме, які таксама да твару. Малады калега правёў з вопытным педагогам інтэрв’ю. Адказваючы на пытанні, канкурсант адзначыў, што за 25 гадоў ні разу не пашкадаваў пра абраную прафесію і стараецца быць настаўнікам не толькі на ўроку.


Шэрасць нараджае шэрасць, агонь запальвае агонь. З такім дэвізам ідзе па жыцці і на працу ў Новапагосцкую школу настаўніца гісторыі Наталля Самсановіч. Педагог аказалася на лаўцы падсудных. Вучні, калегі, бацькі і нават тэхнічны персанал абвінавачвалі яе ў празмернай актыўнасці, энергічнасці і крэатыўнасці. Прыгавор суда – работа ў школе на неабмежаваны тэрмін.
«Нет в мире благороднее занятия, чем ежедневный труд преподавателя», – упэўнена настаўніца англійскай мовы СШ № 2 Ала Мітрафанава. Яе вучні паспяхова ўдзельнічаюць ў алімпіядах і здаюць ЦТ. Сама педагог не спыняецца ў самаразвіцці. Вучыць шостую мову. Найлепшая практыка – падарожжы.


 Англійскую мову ў Завуццеўскай школе выкладае Алена Гваздоўская. Мяркуе, што веды перш-наперш патрэбны не дзеля адзнак, а для жыцця. Пра гэта нагадвае сваім вучням. Песняй на англійскай мове, якую выканала разам з дзецьмі, завяршыла спаборніцтва.

Настаўнік –
ужо пераможца

 Журы на чале з начальнікам аддзела па адукацыі Аляксандрам Жуком не пазайздросціш. Вызначыць найлепшых з найлепшых – справа няпростая. Пераможцаў выбіралі ў шасці намінацыях. На канчатковы вынік уплывалі балы за творчае самапрадстаўленне, за праведзеныя напярэдадні адкрытыя ўрокі і заняткі ў незнаёмых класах і групах на зададзеную журы тэму, за прадстаўленне вопыту ўласнай дзейнасці.


 У шасцёрку лідараў увайшлі Ніна Лагун, Валянціна Станевіч, Анжэла Кабяк, Леанід Крэнь, Наталля Самсановіч і Ала Мітрафанава. Яны ўзнагароджаны дыпломамі. Каштоўныя падарункі ад раённага камітэта Беларускага прафсаюза работнікаў адукацыі і навукі атрымалі ўсе канкурсанты.


Між тым, як слушна заўважылі вядучыя спаборніцтва Уладзіслаў Кашкур і Вольга Ясінская, настаўнік – ужо пераможца.

Фотаматэрыял Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 070
  • 0

Інвестыцыйны форум

  • 23 сентябрь 2011, 10:05
  • 84 252
  • 1

Злавілі рыбку, ды… залатую

  • 28 февраль 2011, 16:16
  • 76 889
  • 0

Пераброддзе 2012. Погляд вучонага

  • 31 август 2012, 15:19
  • 42 177
  • 0

  • 11 февраль 2011, 11:20
  • 40 639
  • 0

Кандыдатамі жадаюць стаць

  • 21 август 2012, 15:30
  • 36 395
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 532
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 февраля 2020
Антон, Аркадий, Василий, Геннадий, Герман, Григорий, Иван, Марк, Петр, Порфирий, Прохор, Анна, Валентина, Галина, Карп, Семен

Именины 22 февраля 2020
Василий, Геннадий, Иван, Иннокентий, Петр, Тихон

Госці краін

free counters
Партнеры сайта