Авторизация
 

У Міёрах прайшла педагагічная канферэнцыя

 Якасць адукацыі, здароўезберагальнае асяроддзе, выхаваўчая работа – галоўныя прыярытэты ў дзейнасці школ і дзіцячых садоў. На гэтым акцэнтавалі ўвагу ўдзельнікаў жнівеньскай педагагічнай канферэнцыі «Аб развіцці і перспектывах далейшага ўдасканалення сістэмы адукацыі раёна». 

На Міёршчыне навучальны год пачаўся ў чатырох сярэдніх школах і дзевяці вучэбна-педагагічных комплексах. Пад статусам базавай сёлета працуе школа ў Туркове.

Вучыць
і вучыцца
Першы званок празвінеў учора ў 13 школах раёна. Напярэдадні навучальнага года – 30 жніўня – адбылася традыцыйная педагагічная канферэнцыя, у якой удзельнічалі прадстаўнікі ад кожнай установы адукацыі.


Пра творчых педагогаў і іх таленавітых вучняў, адметнасці школ нагадала відэапрэзентацыя. Напрыклад, у Язне пад кіраўніцтвам Ірыны Бахір спявае дзіцячая вакальная група. Вучні Павяцкай школы разам з Антонам Астукевічам вывучаюць родныя мясціны. У Новапагосцкай на чале з Людмілай Бялевіч і Надзеяй Вайцюль збіраюць фальклор і ладзяць народныя абрадавыя святы.
Кагорту педагогаў Міёршчыны папоўнілі сем маладых спецыялістаў. З прывітальным словам-наказам звярнулася да іх дырэктар Дворнасельскай яслі-сад – базавай школы Антаніна Кляшчонак. Раіла садзейнічаць усебаковаму развіццю вучняў і верыць у іх.

 Камфорт
для ўсебаковага развіцця вучня
Да новага навучальнага года школы цалкам падрыхтаваліся, запэўніў начальнік аддзела па адукацыі Аляксандр Жук. Зрабілі неабходны рамонт, добраўпарадкавалі тэрыторыю, набылі тры камп’ютарныя класы і шэсць інтэрактыўных дошак, закупілі мэблю і спартыўны інвентар. Школьны аўтапарк папоўніўся трыма новымі аўтобусамі. З 1892 вучняў на падвозе 630.


Па выніках цэнтралізаванага тэсціравання Міёрскі раён сёлета заняў восьмае месца ў вобласці. Найбольш паспяхова здалі тэсты выпускнікі Дзісенскай, Язненскай школ і СШ № 2.


Акцэнт на рабоце з адоранымі дзецьмі. Вынікі прадметных алімпіяд сведчаць, што ў гэтым напрамку трэба працаваць больш грунтоўна. На раённым этапе – 51 дыплом, з іх 50 % – ІІІ ступені. У абласных алімпіядах удзельнічалі 10 школьнікаў, з дыпломам ІІІ ступені па інфарматыцы вярнуўся вучань СШ № 2. Па меркаванні Аляксандра Жука, накіроўваць аднаго школьніка на алімпіяды па некалькіх прадметах неэфектыўна. Лепш выбраць адзін і сістэмна да яго рыхтавацца.


Расце ўзровень фізічнай падрыхтоўкі школьнікаў. Гэта бачна па выніках спартыўных спаборніцтваў. Аднак больш увагі трэба надаваць зімовым відам. Сёлета лыжамі цалкам забяспечылі ўсе школы.


Важны аспект у адукацыйнай прасторы – інклюзія і стварэннне безбар’ернага асяроддзя. Трэба вучыць талерантным адносінам да дзяцей з асаблівасцямі псіхафізічнага развіцця.


Што да патрыятычнага выхавання, у мінулым навучальным годзе гэтаму садзейнічалі мерапрыемствы, прысвечаныя 75-годдзю вызвалення Беларусі, 25-годдзю Канстытуцыі, 30-годдзю вываду савецкіх войск з Афганістана, Году малой радзімы.

 Абмен вопытам
Якасць адукацыі залежыць ад многіх складнікаў. У іх ліку – камфорт. Дырэктар Узмёнскай яслі-сад базавай школы Вольга Рамза расказала пра ўмовы навучання выхаванцаў. У мінулым годзе атрымалі новы камп’ютарны клас. Акрамя інфарматыкі, устаноўлены камп’ютары ў кабінетах фізікі і замежнай мовы. Самыя маленькія школьнікі знаёмяцца з сучаснымі тэхналогіямі. Так, вучні 1 і 2 класаў наведваюць факультатывы па асновах праграмавання. Старэйшыя паспяхова ўдзельнічаюць у конкурсах і дыстанцыйных алімпіядах па інфарматыцы. Часта перамагаюць вучні з Узмён у спартыўных спаборніцтвах. Сёлета будуць займацца ў адрамантаванай спартыўнай зале, катацца на новых лыжах. Эстэтычнаму развіццю спрыяе добраўпарадкаваная прышкольная тэрыторыя з сухімі вадаёмамі, альпійскімі горкамі, дэкаратыўнымі фігурамі.


Шмат цікавага і пазітыўнага ля Міёрскага дзіцячага яслі-сада № 3. Героі казак і мультфільмаў, туі на алеі выпускнікоў, пляцоўка правіл дарожнага руху. Як заўважыла загадчыца ўстановы Валянціна Аляксеева, з дзецьмі працуюць вопытныя і зацікаўленыя педагогі. Прымалі ў сябе раённы метадычны фестываль, праходзіць сваё экасвята журавоў і журавін.


Як выкарыстаць інфармацыйна-камп’ютарныя тэхналогіі на карысць друкаванай кнізе, расказала метадыст аддзела па адукацыі Іна Каснікоўская. Багаты вопыт у гэтай справе ў бібліятэкара з СШ № 3 імя Я. Томкі Дзіяны Варона. Яе праекты атрымлівалі высокую ацэнку на конкурсах розных узроўняў. Цікавасць да чытання выклікаюць буктрэйлеры (відэаролікі пра кнігі), флэшмобы, буккросінгі, квэсты. У Новапагосцкай школе бібліятэкар Жанна Мароз практыкуе сямейнае чытанне. Ідэямі і вопытам калегі абменьваюцца ў інтэрнэт-аб’яднанні ў сацыяльнай сетцы «Фэйсбук».


Пра ўласны вопыт работы, планы і задачы расказала настаўніца з Дзісенскай СШ Вікторыя Ляшкевіч. Пяць гадоў выпускніца філалагічнага факультэта Полацкага дзяржуніверсітэта выкладае англійскую мову. Прафесійнае крэда: быць настаўнікам – быць памочнікам. Практыкуе на ўроках інтэрв’ю, гульні, міні-праекты. Праводзіць індывідуальныя і факультатыўныя заняткі. Яе вучні паспяхова выступаюць на фестывалі міжкультурных камунікацый, паказваюць добрыя вынікі ў дыстанцыйных алімпіядах.

Знак удзячнасці
і прызнання
У канферэнцыі прынялі ўдзел старшыня райвыканкама Ігар Кузняцоў і яго намеснік Валерый Драба. Падзякавалі педагогам за няпростую і важную працу, уручылі ўзнагароды.


Ганаровай граматай Міёрскага райвыканкама адзначана плённая педагагічная дзейнасць настаўніка-дэфектолага Завуццеўскай школы Таццяны Ісаковіч, загадчыцы яслі-сада № 2 Таццяны Міронавай, настаўніцы працоўнага навучання СШ № 3 імя Я. Томкі Наталлі Анецька. Удзячнасць аб’яўлена настаўніцы пачатковых класаў СШ № 3 імя Я. Томкі Але Пятровай.


Узнагароды ад раённага Савета дэпутатаў атрымалі дырэктар цэнтра карэкцыйна-развівальнага навучання і рэабілітацыі Святлана Бакевіч і загадчыца яслі-сада № 1 Рыма Дзярко.


Ганаровай граматай Міністэрства адукацыі ўзнагароджана настаўніца рускай мовы і літаратуры СШ № 3 імя Я. Томкі Ларыса Лапкоўская.


Доўгі пералік педагогаў, чыю работу высока ацанілі ў абласным упраўленні і раённым аддзеле па адукацыі.
Далучылася да віншаванняў старшыня раённага прафсаюзнага аб’яднання Аксана Падзява. З нагоды 115-годдзя прафсаюзнага руху Беларусі ўручыла юбілейны медаль старшыні райкама прафсаюза работнікаў адукацыі і навукі Алене Фёдаравай.

Яркіх фарбаў і ўражанняў дадалі ў праграму канферэнцыі выступленні юных артыстаў з дзіцячага яслі-сада № 3, СШ № 3 імя Я. Томкі, Узмёнскай і Язненскай школ, сямейнага трыа Антона, Аляксея і Данііла Астукевічаў.
Вынікі творчасці вучняў прадставілі на выставе дэкаратыўна-прыкладнога мастацтва. Асобны стэлаж занялі метадычныя распрацоўкі настаўнікаў. Дэкаратыўная разгорнутая кніга, змайстраваная ў Павяцкай школе, стала прывабнай фотазонай.

Фотаматэрыял аўтара.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 448
  • 0

Інвестыцыйны форум

  • 23 сентябрь 2011, 10:05
  • 81 479
  • 1

Злавілі рыбку, ды… залатую

  • 28 февраль 2011, 16:16
  • 62 118
  • 0

Пераброддзе 2012. Погляд вучонага

  • 31 август 2012, 15:19
  • 40 947
  • 0

  • 11 февраль 2011, 11:20
  • 39 625
  • 0

Кандыдатамі жадаюць стаць

  • 21 август 2012, 15:30
  • 36 131
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 200
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 сентября 2019
Александр, Алексей, Глеб, Давид, Ефим, Захар, Максим, Федор, Елизавета, Ираида, Раиса, Афанасий

Именины 17 сентября 2019
Александр, Василий, Григорий, Иван, Митрофан, Михаил, Моисей, Николай, Павел, Петр, Степан, Федор, Юлиан, Елена

Госці краін

free counters
Партнеры сайта