Авторизация
 

Міярчанка Жанна КУРЫЛОВІЧ у прафесіі выхавацеля "добрая, любімая”

 Выхавацель Міёрскага яслі-сада № 1 Жанна КУРЫЛОВІЧ у сваёй прафесіі трыццаць першы год. З радаснай усмешкай сустракае раніцай выхавацель маленькіх хлопчыкаў і дзяўчынак, знаходзіць адказы на іх самыя няпростыя пытанні, вучыць быць самастойнымі і штодня адкрывае новае і неспазнанае ў цікавым навакольным свеце.

Парог дзіцячага сада №1 у Міёрах выпускніца Полацкага педвучылішча пераступіла зімой 1989 года. Першае працоўнае месца стала адзіным. Займалася з дзеткамі і вучылася сама, папаўняла скарбонку вопыту. Прафесіяналам сваёй справы называюць Жанну Курыловіч бацькі яе цяперашніх выхаванцаў са старэйшай групы № 1.


Разам з прафесійнай сёлета Жанна Рышардаўна адзначае асабістую круглую дату. Заўтра ў яе залаты юбілей. Добрая нагода для віншаванняў і слоў удзячнасці.


ПАВАЖАЮЦЬ і цэняць бацькі адданага справе педагога. Давяраюць ёй сваіх дзяцей і з радасцю назіраюць, як сыны і дачушкі вучацца самастойнасці, развіваюцца.


Кацярына Зорына:
– Мая дачушка пайшла ў садок сціплай і няўпэўненай. Выхавацель знайшла да яе падыход, дапамагла паверыць у сябе. Цяпер Маргарыта штодня ідзе ў садок з задавальненнем, каб даведацца штосьці новае і атрымаць зарад упэўненасці, часцінку любові і пяшчоты. Прывітанне любімаму выхавацелю перадае мая другая дачушка Надзя. Жанна Рышардаўна працуе і ў яе групе. Падрастае сынок Дзіма, праз год пойдзе ў садок. Марыць таксама трапіць у надзейныя і пяшчотныя рукі Жанны Рышардаўны.


Вікторыя Сушко:
– Адказная, пазітыўная, прафесіянал – вось першыя тры словы, якія адразу ўзгадваю, калі ідзе размова пра нашага выхавацеля. Яна не толькі займаецца з дзецьмі, але і бацькам падказвае, што рабіць з капрызамі сваіх маленькіх гарэз. Для сына Жанна Рышардаўна – аўтарытэт. Пасля таго як у садку вывучалі этыкет, ні адна вячэра ў нашым доме не абыходзіцца без папяровых сурвэтак ля талерак. Калі забіраю дзяцей з садка, сынок спачатку мяне і сястрычку ў дзверы прапусціць, а пасля сам выходзіць. Так выхавацель навучыла. А яшчэ я ніколі не бачыла Жанну Рышардаўну ў дрэнным настроі.


Святлана Матэленак:
– Нашым дзецям пашчасціла. З імі працуе выхавацель, для якога педагогіка – прызванне. Жанна Рышардаўна творчая, крэатыўная, энергічная. Умее раскрыць здольнасці дзяцей, да кожнага знайсці падыход. Дае слушныя парады бацькам.


Вікторыя Шамінка:
– Выхавацель вучыць дзяцей самастойнасці. Калі аддавала дачушку ў садок, тая нават есці сама не ўмела. Хутка навучылася спраўляцца са сталовымі прыборамі. Умее апранацца без дапамогі дарослых. У садок ідзе з добрым настроем, бо там яе са шчырай усмешкай сустрэне выхавацель і наперадзе будзе цікавы дзень. А ўвечары пераказвае казкі, якія ўсе разам чыталі.


Таццяна Даргель:
– Жанна Рышардаўна жыве інтарэсамі сваіх выхаванцаў, ведае ўсіх сучасных мульцяшных герояў. Так цікава праводзіць заняткі, што дзецям хочацца даведацца яшчэ больш. Мая дачушка пасля расповядаў пра космас у магазіне выбрала сабе пазлы менавіта на гэтую тэму. Выхавацель умее адчуваць і разумець дзяцей. У ёй гарманічна спалучаюцца строгасць і чуласць. Пасадзіць малых на калені, абдыме, пацалуе. Гэта зусім не ўваходзіць у яе абавязкі. Але любоў да дзяцей не абмяжоўваецца службовымі рамкамі.

НАЎРАД ці хто раскажа пра Жанну Рышардаўну лепш, чым яе маленькія выхаванцы.

Пацікавімся, чым яна заслужыла шчырую дзіцячую любоў.

Мацвей Матэленак: “Яна гуляе з намі ў вясёлыя гульні і чытае цікавыя казкі”.
Паліна Драздовіч: “Яна добрая і прыгожая”.
Стас Гернат: “Яна на нас не сварыцца. Хіба толькі тады, калі мы зусім-зусім не слухаемся.

Яна на нас глядзіць і вучыць. Яна самая лепшая”.
Аляксандра Даргель: “Яна расказвае шмат цікавага.

Мне вельмі спадабалася слухаць пра космас і планеты”.
Максім Сушко: “Яна прыгожая, добрая, любімая”.
Аня Лукашонак: “Яна робіць мне прыгожыя прычоскі і чытае казкі”.
Маргарыта Зорына: “Яна вясёлая, прыгожая, добрая.

Заўжды мяне абдымае і супакойвае”.
Сяргей Дехцяронак: “Яна не крычыць, калі добра сябе паводзіш”.
Арына Гербко: “Яна крутая і модная, добрая”.
Мацвей Плюто: “Яна разумная, добрая, любімая”.
Лера Шук: “Яна добрая, прыгожая і самы лепшы выхавацель”.

Кажуць, з дзіцячых вуснаў ісціна гучыць. Любяць малыя сваю Жанну Рышардаўну. І разам з бацькамі віншуюць яе з залатым юбілеем, жадаюць добрага здароўя, яркіх момантаў і такога ж пазітыўнага настрою. Дзякуюць ёй за ўважлівасць, цярплівасць, добрае сэрца. У іх наперадзе яшчэ цэлы год разам. Упэўнены, што ў школу пойдуць самастойнымі, дысцыплінаванымі.


Падрыхтавала Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 12 апреля 2021
Захар, Иван

Именины 11 апреля 2021
Иван, Исаакий, Кирилл, Корнилий, Марк, Михаил, Филипп

Госці краін

free counters
Партнеры сайта