Новы штрых у кабінеце гісторыі і геаграфіі Чапукоўскай школы — куток з лістоўкаміі кантэйнерам длязбору пластыкавыхкрышак. Пра дабрачынную акцыю “Новая жизнь в обмен на крышечки” настаўнікіі вучні чыталі ў раённайгазеце,у інтэрнэце. Цяпер наша школа таксама ў праекце.
Школьнікі з энтузіязмам успрынялі ідэю збіраць крышачкі, і ўжо праз некалькі дзён самаробны кантэйнер стаў на чвэрць поўным. Актыўнічаюць у добрай справе пяцікласнікі, вучаніца дзясятага класа Валерыя Пазняк, адзінаццацікласнік Дзмітрый Драба. Прыносяць крышкі настаўнікі.
“Новая жизнь в обмен на крышечки” — цікавы і патрэбны праект. Стане менш забруджанай наша прырода. Можна сэканоміць нафту, з прадуктаў перапрацоўкі якой вырабляюць пластыкавыя крышкі. Атрымаюць дапамогу хворыя дзеці і дарослыя.
Фота з архіва школы.
Дзмітрый ВАСІЛЕНКА, настаўнік геаграфіі і біялогіі Чапукоўскай ЯС-СШ.