Авторизация
 

Восеньскі кірмаш у Міёрскім яслі-садзе №1 прайшоў з размахам

 Выдатнае музычнае і мастацкае афармленне, фотазоны, яскравыя касцюмы ўдзельнікаў, гандлёвыя рады стваралі асаблівую атмасферу. Выступалі на роднай мове, у традыцыях беларускага фальклору.

З размахам прайшоў восеньскі кірмаш у Міёрскім яслі-садзе №1. Сапраўднае свята восені для дзяцей і іх бацькоў арганізавала творчая група педагогаў. Прысмакі, пачастункі, жарты, пацехі, гульні і песні не пакінулі раўнадушных.

 Свята пачалося з выставы “Восеньскія падарункі”, дзе паўдзельнічалі дзеці, іх бацькі і педагогі. Сумесныя работы размясцілі ў двары садка. Гасцей на свята запрашалі Зазывалы. Гаспадар з Гаспадыняй весела прадстаўлялі народныя гульні, спявалі, танчылі разам з дзецьмі. На свята завітала Восень з падарункамі і караваем. Прыемныя эмоцыі выклікалі ў гледачоў маленькія артысты. Дарослыя таксама паказалі “клас”.


 Сапраўднай разынкай кірмашу сталі духмяныя бліны. Гаспадыня частавала дзяцей і гасцей. Напрыканцы мерапрыемства ўсіх запрасілі ў гандлёвыя рады, адкуль даносіліся апетытныя пахі. Хутка разыходзіліся прысмакі і дары восені.


Кожны паказаў, на што здольны. Хто добра гатуе — прынёс розныя пачастункі, аматары рукадзелля прапаноўвалі вязаныя рэчы, карціны з бісеру, вырабы з дрэва. Разыходзіліся вышытыя сурвэткі, самаробныя лялькі, ікебаны.


 Наведвальнікі кірмашу прыйшлі ў захапленне ад творчасці ўдзельнікаў, набылі прадметы побыту, сувеніры і ласункі.
 Дзеці і бацькі акунуліся ў непаўторны свет беларускага свята з песнямі і танцамі, гульнямі і жартамі. Адчулі душэўны пад’ём і радасць ад дачынення да нашай культуры. Наогул, зварот да беларускага фальклору дапамагае ў патрыятычным выхаванні дзяцей. Яны спазнаюць сэрцам свой народ, становяцца спадчыннікамі традыцый.


Вялікі дзякуй бацькам за актыўны ўдзел у выставе “Восеньскія падарункі”, педагагічнаму калектыву — за выхаванне дзяцей у духу павагі да гісторыі свайго народа, роднага горада, за фарміраванне нацыянальнай самасвядомасці ў выхаванцаў.


Ірына ГІЛЬНІЧ,
намеснік загадчыка па асноўнай

дзейнасці яслі-сада №1.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 июня 2021
Иван, Митрофан, Назар, Петр, Ростислав, Мария, Марфа, Софья

Именины 16 июня 2021
Денис, Дмитрий, Лукьян, Михаил, Павел, Юлиан, Афанасий

Госці краін

free counters
Партнеры сайта