Авторизация
 

Выхаванцы Дзісенскага дзіцячага яслі-сада прагульваюцца з задавальненнем

 Дзеці любяць гуляць на вуліцы. Калі побач пясочніцы, драўляныя жывёлы, горкі, арэлі, то што яшчэ трэба для простай і непатрабавальнай радасці. Выхаванцы Дзісенскага дзіцячага яслі-сада на прагулку ідуць з задавальненнем. 

ФІГУРКІ казачных герояў, утульныя альтанкі, рознакаляровыя лавачкі, яркія кветкі. Сонечным вераснёўскім днём прагульваемся па тэрыторыі Дзісенскага яслі-сада з загадчыцай Святланай Протас.


 — Хутка дзеці прачнуцца, падсілкуюцца і будуць на вуліцы забаўляцца. Цёплых дзён не ўпускаем, — усміхаецца Святлана Іванаўна. — Летам шмат зрабілі па добраўпарадкаванні тэрыторыі. Дабавілі малых архітэктурных форм — паравозік з Рамашкава, Дзеда Мазая і зайцаў, матэматычнага вусеня і іншых. Асвяжылі колер усяго гульнёвага абсталявання.


У вежу для прынцэсы ператварылася ракета. На новых веснічках усміхаецца смайлік. Ля старога калодзежа на гаспадарчым двары квітнеюць на клумбе кветкі. На вучэбна-гульнёвай пляцоўцы па правілах дарожнага руху выхавальнікі тлумачаць дзецям, як трэба паводзіць сябе на дарозе.


 АБНАЎЛЕННЕ ў садку і звонку, і знутры. У групах правялі касметычны рамонт, іншы колер і малюнкі набыла лесвічная пляцоўка. Новае абсталяванне ў харчаблоку. У выхаванцаў дабавілася развівальных гульняў. Памяшканні, якія займала гарадская бібліятэка, сталі ўтульнымі кабінетамі: метадычным, настаўніка-дэфектолага, загадчыка гаспадаркі. Усе рамонтныя работы супрацоўнікі садка рабілі сваімі рукамі і фантазіяй.


 — Значную частку сродкаў на рамонт атрымалі з аддзела па адукацыі. Дзякуючы такой падтрымцы ў нас свежыя колеры ў двары і новыя пліта і маразільнік у харчаблоку, — расказвае загадчыца ўстановы. — Шмат год надзейны памочнік і сябар — ЛВДС “Дзісна”. Вельмі ўдзячны кіраўніку Віктару Клябанаву і яго намесніку Віктару Канавальчуку за матэрыяльную падтрымку. Па меры магчымасці дапамагаюць Дзісенскі лясгас, прадпрымальнік Эдуард Цярэшка. Упрыгожваюць тэрыторыю садка драўляныя фігуры казачных герояў, якія змайстраваў і падарыў жыхар Дзісны Фадзей Шымуковіч. Сёлета рабілі малыя архітэктурныя формы супрацоўнік садка Фёдар Кубліцкі і кіраўнік фізічнага выхавання Уладзімір Сівіцкі.


 АРКА ля ўваходу аздоблена рознакаляровымі сцяжкамі. “А што ў вас за свята?” — часам спытаюць прахожыя. Звычайны дзень у краіне дзяцінства, які дапамагаюць рабіць яркім і ўтульным дарослыя. 

Для даведкі:
У Дзісенскім дзіцячым яслі-садзе 50 выхаванцаў. З іх шэсць у яслях. Дзейнічае група інтэграванага выхавання і навучання для дзяцей з цяжкімі парушэннямі маўлення. Працуюць харэаграфічныя і гурток рукадзелля “Умелыя ручкі”.

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 376
  • 0

Інвестыцыйны форум

  • 23 сентябрь 2011, 10:05
  • 77 128
  • 1

Злавілі рыбку, ды… залатую

  • 28 февраль 2011, 16:16
  • 48 779
  • 0

Пераброддзе 2012. Погляд вучонага

  • 31 август 2012, 15:19
  • 39 344
  • 0

  • 11 февраль 2011, 11:20
  • 38 085
  • 0

Кандыдатамі жадаюць стаць

  • 21 август 2012, 15:30
  • 35 229
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 201
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 апреля 2019
Василий, Давид, Иван, Сергей, Мария, Марфа

Именины 24 апреля 2019
Ефим, Иван, Николай, Петр, Прохор, Яков

Госці краін
free counters
Партнеры сайта